استانا، baq.kz ٴتىلشىسى. ۇلتتىق ەكونوميكا ٴمينيسترى تيمۋر سۇلەيمەنوۆ پرەمەر-مينيستر باقىتجان ساعىنتايەۆقا 2019 جىلدىڭ 1-قاڭتارىنان باستاپ بارلىق وڭىردە تاريفتەر تومەندەيتىنىن مالىمدەدى.
استانا: 
4845 
0
استانا، baq.kz ٴتىلشىسى. ۇلتتىق ەكونوميكا ٴمينيسترى تيمۋر سۇلەيمەنوۆ پرەمەر-مينيستر باقىتجان ساعىنتايەۆقا 2019 جىلدىڭ 1-قاڭتارىنان باستاپ بارلىق وڭىردە تاريفتەر تومەندەيتىنىن مالىمدەدى.
ۇكىمەت وتىرىسىندا تيمۋر سۇلەيمەنوۆ جاڭا جىلداڭ سوڭ كوممۋنالدىق تاريفتەردىڭ تومەندەيتىنىن جەتكىزدى.
«پيك، قوقىس شىعارۋ، ليفت قىزمەتتەرىنە تاريفتەردى تومەندەتۋگە قاتىستى تاپسىرماڭىزدى ورىنداۋ ٴۇشىن بۇگىنگى تاڭدا وسى قىزمەتتەر بويىنشا تاريفتەر بارلىق وڭىرلەردە تومەندەتىلدى. باعالار مىناداي كورىنىس تابادى: پيك قىزمەتتەرىنە 2،2%-تەن 20%-كە دەيىن، قوقىس شىعارۋ قىزمەتتەرىنە 1-24،7%-كە دەيىن، ليفت قىزمەتتەرىنە 3-50%-كە دەيىن تومەندەيدى. تاپسىرمالارىڭىز ورىندالدى»، - دەدى ول ۇكىمەت باسشىسىنا.
سونىمەن قاتار سۇلەيمەنوۆ مينيسترلىك «قازترانسگاز» اق-مەن بىرلەسىپ، قوسىمشا تالداۋ نەگىزىندە اتىراۋ جانە قىزىلوردا حالقى ٴۇشىن گازعا بولشەك ساۋدا باعالارىن تومەندەتۋ بويىنشا ۋاعدالاستىققا قول جەتكىزگەنىن حابارلادى.
وسىدان سوڭ پرەمەر-مينيستر سۇلەيمەنوۆكە «بارلىق وبلىستاردا تاريفتەر تومەندەدى مە؟» دەپ سۇرادى.
«بارلىق ايماقتا تومەندەتتىك»، - دەدى ۇلتتىق ەكونوميكا ٴمينيسترى.
وسى ورايدا ساعىنتايەۆ 2019 جىلدىڭ 1-قاڭتارىنان باستاپ جاۋاپتى ورگانداردىڭ بارىنە تاريفتەردىڭ ماسەلەسىن باقىلاۋعا الۋدى تاپسىردى.
«وسى باعىتتا جۇمىستى ارى قاراي جالعاستىرامىز. تيمۋر مۇرات ۇلى (ۇلتتىق ەكونوميكا ٴمينيسترى - اۆتور)،كەلەسى جىلى، ۇلتتىق بانكپەن بىرگە الداعى جىلعى ينفلياسيانىڭ ٴدالىزىن قاراعان كەزدە تابيعي مونوپوليالاردىڭ سۋبەكتىلەرىنىڭ ۇلەس سالماعىن انىقتاۋىمىز قاجەت»، - دەدى ۇكىمەت باسشىسى.
ايتا كەتەيىك، وسىعان دەيىن ۇكىمەت باسشىسىنىڭ وبلىس اكىمدەرىنىڭ جۇمىسىن سىنعا العانىن، ٴارى اكىمدەردىڭ وڭىرلەردە ەڭبەك ونىمدىلىگىن ارتتىرا الماي وتىرعانىن جازعانبىز.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
4904
0