BAQ.kz - Қазақстан жаңалықтары USD 377.62 BAQ.kz - Қазақстан жаңалықтары EUR 426.03 BAQ.kz - Қазақстан жаңалықтары RUB 5.67
استانا:

سۇلەيمەنوۆ دوللاردىڭ نەگە قىمباتتاپ جاتقانىن ٴتۇسىندىردى

فوتو: ашық дереккөзден

استانا، baq.kz ٴتىلشىسى. ۇلتتىق ەكونوميكا ٴمينيسترى تيمۋر سۇلەيمەنوۆ ەلىمىزدە دوللاردىڭ نەگە قىمباتتاپ جاتقانىن ٴتۇسىندىردى.

«بىرىنشىدەن، اقش-تىڭ جۇرگىزىپ وتىرعان ساياساتى امەريكالىق يۋريسديكسيا مەن قۇندى قاعازداردىڭ ينۆەستيسيالىق تارتىمدىلىعىنىڭ كۇشەيۋىنە ىقپالىن تيگىزەدى. بۇل تيىسىنشە، دوللار مەن تولەم بالانسىنا اسەر ەتەدى. اتالعان جاعداي دوللارعا ىقپالىن تيگىزەتىندىكتەن، ول وسەدى، ال قالعانى (ۆاليۋتالار – اۆتور) قۇلدىرايدى»، - دەدى مينيستر ۇكىمەت وتىرىسىنان سوڭ جۋرناليستەرگە.

سونىمەن قاتار سۇلەيمەنوۆ مۇناي باعاسىنىڭ تۇراقتاماۋى دا اتالعان جاعدايعا اسەر ەتكەنىن اشىق ايتتى.

«ەكىنشىدەن، مۇناي باعاسىنىڭ تۇراقتاماي تۇرعانىنا بايلانىستى. «قارا التىن» قۇنى بىردە جوعارىلاپ، بىردە تومەندەپ تۇر. تيىسىنشە، بۇل تەڭگە باعامىنا اسەر ەتپەي قويمايدى»، - دەدى ول.

وسى ورايدا باق وكىلدەرى مينيستردەن «دوللار 400 تەڭگەگە دەيىن قىمباتتاۋى مۇمكىن بە» دەپ سۇراق قويدى.

«دۇرىسى، بۇل سۇراقتى ۇلتتىق بانككە قويۋ قاجەت. بىزدە كەلەسى جىلى الەۋمەتتىك-ەكونوميكالىق دامۋ بولجامى 370 تەڭگە دەڭگەيىندە ەنگىزىلگەن»، - دەپ تۇيىندەدى ٴسوزىن تيمۋر سۇلەيمەنوۆ.

ايتا كەتەيىك، بۇگىن قازاقستان قور بيرجاسىنداعى 1 دوللاردىڭ ورتاشا باعامى 380 تەڭگە. ال اقشا ايىرباستاۋ ورىندارىندا دوللاردىڭ قۇنى 383 تەڭگە توڭىرەگىندە ساۋدالانۋدا.

وسىعان دەيىن ۇكىمەت باسشىسىنىڭ وبلىس اكىمدەرىنىڭ جۇمىسىن سىنعا العانىن، ٴارى اكىمدەردىڭ وڭىرلەردە ەڭبەك ونىمدىلىگىن ارتتىرا الماي وتىرعانىن، الداعى جىلى كوممۋنالدىق تاريفتەردىڭ تومەندەيتىنىن، تەڭگەنىڭ نەگە قۇنسىزدانىپ جاتقانىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي