BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سوڭعى 9 ايداعى ينفلياسيا 3،3% بولدى – دانيار اقىشەۆ

استانا، baq.kz ٴتىلشىسى. 2018 جىلدىڭ قاڭتار-قىركۇيەك ارالىعىنداعى ينفلياسيا 3،3% بولدى. بۇل وتكەن جىلعى وسىنداي كەزەڭدەگى كورسەتكىشتەن تومەن. وتكەن جىلدىڭ سوڭىنداعى جىلدىق ينفلياسيا 7،1 پايىزبەن سالىستىرعاندا قىركۇيەكتە 6،1 پايىزعا تومەندەدى. بۇل تۋرالى ۇلتتىق بانك ٴتوراعاسى دانيار اقىشەۆ ۇكىمەت وتىرىسىندا ايتتى.

بانك ٴتوراعاسى بيىل ينفلياسيا 5-7% نىسانالى دالىزدە ساقتالاتىندىعىن، 2019 جىلى ينفلياسيا باياۋ تومەندەيتىندىگىن جانە 4-6% جاڭا نىسانالى ٴدالىزدىڭ جوعارى شەگىنە جۋىق قالىپتاساتىندىعىن ايتىپ ٴوتتى.

«بۇل سىرتقى جانە ىشكى فاكتورلاردان تۋىنداعان ينفلياسيالىق كۇتۋلەردەگى بەلگىسىزدىكتىڭ وسۋىنە بايلانىستى. حالىققا ساۋالناما جۇرگىزۋ ناتيجەسى بويىنشا ٴبىر جىل العا كۇتىلەتىن ينفلياسيانى ساندىق باعالاۋ شىلدەدەگى 5،6%-بەن سالىستىرعاندا قىركۇيەكتە 6،4% بولدى. ۇزاق مەرزىمدى پەرسپەكتيۆادا تومەندەۋ ۇردىسىنە قاراماستان، ينفلياسيالىق كۇتۋلەر قىسقا مەرزىمدى كەزەڭدە ٴالى دە ورنىقسىز. ينفلياسيانى باسقارۋدى ارتتىرۋدا ونى 2019 جىلعى نىسانالى دالىزدە ساقتاۋ ٴۇشىن قازىردەن باستاپ شارالار قابىلداۋ قاجەت»، - دەدى ۇلتتىق بانك باسشىسى.

د. اقىشەۆتىڭ ايتۋىنشا، «ۇلتتىق بانك كەشە بازالىق مولشەرلەمەنى 9%-دان 9،25%-عا دەيىن ارتتىرۋ تۋرالى شەشىم قابىلداعان. بازالىق مولشەرلەمەنىڭ جاڭا دەڭگەيى تەڭگەمەن اكتيۆتەرگە سۇرانىستى ارتتىرۋعا جانە قولايلى اقشا-نەسيە تالاپتارىن ساقتاۋعا مۇمكىندىك بەرمەك.

«تامىزدا ونەركاسىپ ٴونىمى كاسىپورىندارى باعاسىنىڭ ارتۋى جىلدىق كورسەتۋدە 24% بولدى. تاۋ-كەن ٴوندىرۋ سالالارى ٴونىمىنىڭ قىمباتتاۋى جىلدىق كورسەتۋدە 37،5%-عا جەتتى، بۇل مۇناي باعاسىنىڭ وسۋىنەن ورىن الدى. سوعان قاراماستان، ونەركاسىپتەگى باعا ديناميكاسى 6-12 اي شەگىندە تۇتىنۋشىلىق ينفلياسياعا قىسىم كورسەتۋى مۇمكىن»، -دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي