BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سوگىس جاريالانعان باسشىلار قوماقتى سىياقىدان قاعىلدى – سۇلەيمەنوۆ

فوتو: ашық дереккөзден

استانا، baq.kz ٴتىلشىسى. ۇكىمەتتىڭ ٴباسپاسوز ورتالىعىنان وتكەن بريفينگتەن سوڭ ۇلتتىق ەكونوميكا ٴمينيسترى تيمۋر سۇلەيمەنوۆ سوگىس جاريالانعان باسشىلار قوماقتى قاراجاتتان قاعىلعانىن ٴمالىم ەتتى.

وتكەن اپتادا اقوردادا مەملەكەت باسشىسى نۇرسۇلتان نازاربايەۆ قاۋىپسىزدىك كەڭەسىنىڭ كەزەكتى وتىرىسىندا ەلەكتر جانە جىلۋ ەنەرگيالارىنىڭ قولدانىستاعى ٴتاريفى مەن ەنەرگەتيكالىق قىزمەت نارىعىنداعى باعاسى ماسەلەسى قارالدى. جيىندا ەلباسى نۇرسۇلتان نازاربايەۆ قر ۇەم تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ ٴتوراعاسى ازامات مايتيەۆكە سوگىس جاريالادى.

ال بۇگىن ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ۇلتتىق ەكونوميكا ۆيسە-مينيسترىنە سوگىس جاريالادى.

سونداي-اق قر ۇلتتىق ەكونوميكا ٴمينيسترى تيمۋر سۇلەيمەنوۆ ۇكىمەت باسشىسىنا تاريف باعالارىن نەگىزگىز وسىرۋگە جول بەرگەن تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ اۋماقتىق دەپارتامەنتتەرىنىڭ 10 باسشىسىنا سوگىس جاريالانعانىن، ٴارى كوميتەتتىڭ 1 اۋماقتىق دەپارتامەنتىنىڭ ديرەكتورى قىزمەتىنەن بوساتىلعانىن ايتتى.

وسى ورايدا مينيستر اتالعان كوميتەتتىڭ 4 دەپارتامەنتىنە قاتىستى قىلمىستىق ٴىس قوزعالعانىن جەتكىزدى.

ۇكىمەتتىڭ ٴباسپاسوز ورتالىعىندا وتكەن بريفينگتەن سوڭ تيمۋر سۇلەيمەنوۆ سوگىس جاريالانعان باسشىلاردىڭ قوماقتى سىياقىدان قاعىلعانىن جەتكىزدى.

«بۇل وتە اۋىر. سەبەبى، مەملەكەتتىك قىزمەتكەر تەك جالاقىمەن كۇن كورەدى. كەيىن ون ٴۇشىنشى جالاقىسىن الۋى مۇمكىن. كەيىن پرەزيدەنتتىڭ پرەمياسى بار. سوگىس جاريالانعان سوڭ، ولار بارلىق قوسىمشا سىياقىدان قاعىلىپ وتىر. ول – قوماقتى قاراجات. قازىرگى تاڭدا ولارعا «سارى قاعاز» كورسەتىلىپ تۇر عوي»، - دەدى مينيستر جۋرناليستەرگە.

الايدا ۆەدومستۆو باسشىسى باق وكىلدەرىنە قوماقتى قاراجاتتىڭ مولشەرىن اشىپ ايتپادى.

ايتا كەتەيىك، وسىعان دەيىن ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ەنەرگەتيكا جانە ۇلتتىق ەكونوميكا مينيسترلىكتەرىنە تاريفتەرتەردى تومەندەتۋگە باعىتتالعان جۇيەلى ٴىس-شارالار جوسپارىن ازىرلەۋدى تاپسىرعانىن، باعانى نەگىزسىز وسىرۋگە جول بەرگەن مونوپوليستەردى جازالاۋدى تاپسىرعانىن، ۇلتتىق ەكونوميكا مينيسترىنە ارنايى تاپسىرما بەرگەنىن، كومىر مەن تاۋارلاردىڭ باعاسىن ەرەكشە باقىلاۋدا ۇستاۋدى تاپسىرعانىن، ٴارى حالىقتى تولعاندىرعان ماسەلەلەرگە نازار اۋدارۋعا شاقىرعانىن جازعانبىز.

سونداي-اق وتكەن اپتادا اقوردادا مەملەكەت باسشىسى نۇرسۇلتان نازاربايەۆ قاۋىپسىزدىك كەڭەسىنىڭ كەزەكتى وتىرىسىن وتكىزدى. جيىندا ەلەكتر جانە جىلۋ ەنەرگيالارىنىڭ قولدانىستاعى ٴتاريفى مەن ەنەرگەتيكالىق قىزمەت نارىعىنداعى باعانىڭ بەلگىلەنۋىنە باقىلاۋ جاسايتىن مەملەكەتتىك ورگانداردىڭ جۇمىسى سىنعا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي