BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴسىبىر جاراسى بار 714 مال قورىمىنىڭ ناقتى جەرى انىقتالماعان

ۇكىمەتتىڭ بۇگىنگى وتىرىسىندا اۋىل شارۋاشىلىعى ۆيسە-ميريسترى گۇلميرا يسايەۆا رەسپۋبليكا بويىنشا ٴسىبىر جاراسى مال قورىمدارىنىڭ سانىن جاريالادى. ونىڭ ايتۋىنشا، بۇگىنگى تاڭدا ٴسىبىر جاراسى بار مال قورىمدارىنىڭ جالپى سانى 2 ٴ604-تى قۇراپ وتىر. 1 890 قورىمنىڭ ناقتى جەرى بەلگىلى، سونىڭ ىشىندە 702 قورىم قورشالماعان، يا بولماسا، ارنايى بەلگىلەرى قويىلماعان. ال 714 مال قورىمىنىڭ ناقتى جەرى ٴالى انىقتالماي وتىر. پرەمەر-مينيستر كارىم ٴماسىموۆ انىقتالماي وتىرعان مال قورىمدارىن قاراشا ايىنا دەيىن تابۋدى تاپسىردى، دەپ حابارالايدى baq.kz ٴتىلشىسى.

اتاپ ايتقاندا، اقمولا وبلىسىندا 248 قورىم بار. سونىڭ 65 انىقتالعان بولسا، 183 قورىمنىڭ ناقتى جەرى بەلگىسىز. ٴسىبىر جاراسى بار 13 قورىم قورشالماعان. 49-ى مەملەكەتتىك جەر كاداسترىنىڭ اقپاراتتىق جۇيەسىنە كىرمەگەن. ٴسىبىر جاراسىنا قارسى ٴىس-شارالارعا جەرگىلىكتى بيۋدجەتتەن 6،03 ملن. تەڭگە بولىنگەن.

اقتوبە وبلىسىندا 132 قورىمنىڭ بارلىعى انىقتالعان. الايدا سونىڭ ىشىندە 71 قورىم قورشالماعان، يا بولماسا، ارنايى بەلگىلەرى جوق. 24 قورىم اقپاراتتىق جۇيەگە ەنگىزىلمەگەن. ٴسىبىر جاراسىنا قارسى شارالارعا 43،7 ملن. تەڭگە بولىنگەن بولاتىن.

الماتى وبلىسىندا 271 مال قورىمى بار. بارلىعى دا انىقتالعان. دەگەنمەن، 93 قورىم قورشالماي وتىر. سونداي-اق مەملەكەتتىك جەر كاداسترىنىڭ اقپاراتتىق جۇيەسىنە 41 قورىم كىرمەي قالعان. بيۋدجەت ٴسىبىر جاراسىن الدىن الۋ شارالارىنا 84،6 ملن. تەڭگە بولگەن.

اتىراۋ وبلىسىندا 25-اق قورىم بار. ٴبىراق بارلىعىندا قورشاۋ مەن بەلگىلەر ورناتىلماعان. اقپاراتتىق جۇيەگە 3 قورىمدى ەنگىزبەگەن. ال جەرگىلىكتى بيۋدجەتتەن ٴسىبىر جاراسىنا قارسى شارالارعا 14،4 ملن. تەڭگە ٴبولىندى.

شىعىس قازاقستان وبلىسىندا ٴسىبىر جاراسىمەن كومىلگەن مالدىڭ 275 قورىمى بار. سونىڭ ىشىندە 91 قورىم قورشالماي، 106-سى اقپاراتتىق جۇيەگە ەنگىزىلمەگەن. ال بيۋدجەتتە ٴتيىستى شارالارعا 85،5 ملن. تەڭگە قاراستىرىلعان.

جامبىل وبلىسىندا 192 قورىم ىشىندەگى بىرەۋىنىڭ ناقتى جەرى بەلگىسىز. وعان قوسا، 13 قورىمنىڭ ارنايى بەلگىلەرى قويىلماعان. 178 قورىم اقپاراتتىق جۇيەدە تىركەلمەگەن. بيۋدجەتتەن قاجەتتى جۇمىستارعا 26،9 ملن. تەڭگە ٴبولىندى.

باتىس قازاقستان وبلىسىندا 228 مال قورىمى بار. سونىڭ ٴ144-ى انىقتالسا، قالعان 84 قورىمنىڭ ناقتى جەرى بەلگىسىز. قورشاۋ مەن ارنايى بەلگىلەرى قويىلماعان جەرلەر دە بارشىلىق. سونداي-اق 80 قورىم اقپاراتتىق جۇيەگە ەنگىزىلمەي قالعان. الايدا بيۋدجەتتەن 18،05 ملن. تەڭگە بولىنگەن.

قاراعاندى وبلىسىندا ٴسىبىر جاراسى بار 135 مال قورىمىنىڭ 16-سى انىقتالعان، قالعان 119-ى انىقتالماي وتىر. 6 قورىمنىڭ قورشاۋى جوق. اقپاراتتىق جۇيەگە ٴبىر-اق قورىم ەنگىزىلدى.

قىزىلوردا وبلىسىندا ٴسىبىر جاراسى بار مال ولەكسەسى كومىلگەن 67 قورىم بار. سونىڭ 26 انىقتالدى، تاعى 41 قورىمنىڭ جەرى بەلگىسىز. ٴسىبىل جاراسىنا قارسى شارالارعا 11،3 ملن. تەڭگە قاراستىرىلعان.

قوستاناي وبلىسىندا 310 مال قورىمىنا قاتىستى دەرەك بار. سونىڭ 166-سى انىقتالسا دا، 36-نىڭ قورشاۋى مەن بەلگىلەرى قويىلماعان. وعان قوسا، 144 قورىمنىڭ ناقتى قاي جەردە ورنالاسقانى بەيمالىم. بيۋدجەتتەن 25،2 ملن. تەڭگە كولەمىندەگى قارجى بولىنگەن.

ماڭعىستاۋ وبلىسىندا ٴسىبىر جاراسى كومىلگەن 6 مال قورىمى بار. سونىڭ بىردە-بىرى انىقتالماعان. ەكسپەديسيا مەن مۇراعات قۇجاتتارىن زەردەلەۋ، ودان كەيىنگى حالىق اراسىنداعى ساۋالناما جۇمىسى ناتيجەسىز اياقتالدى. سول سەبەپتى بيۋدجەتتەن اقشا بولىنگەن جوق.

پاۆلودار وبلىسىندا 149 قورىمنىڭ ٴ101-ى انىقتالسا، قالعان ٴ48-دىڭ ناقتى جەرى انىقتالعان جوق. 86 قورىمنىڭ ارنايى بەلگىلەرى جوق. 24 قورىم اقپاراتتىق جۇيەگە ەنبەگەن. جەرگىلىكتى بيۋدجەتتەن 5،5 ملن. تەڭگە بولىنگەن بولاتىن.

سولتۇستىك قازاقستان وبلىسىندا 163 مال قورىمىنىڭ بارلىعى انىقتالعان. الايدا قورشاۋى مەن ارنايى بەلگىلەرى جوق جەرلەر بار. سونداي-اق اقپاراتتىق جۇيەگە 10 قورىم كىرمەي قالعان. بيۋدجەتتە 11،2 ملن. تەڭگە قاراستىرىلعان.

وڭتۇستىك قازاقستان وبلىسىندا ٴسىبىر جاراسى كومىلگەن 400 مال قورىمى بار. سونىڭ ٴ313-ى انىقتالسا، ٴ87-سى ٴالى انىقتالماي وتىر. 158 قورىم قورشالماعان. سونداي-اق 190 قورىم اقپاراتتىق جۇيەگە ەنگىزىلمەگەن. جەرگىلىكتى بيۋدجەت ٴتيىستى جۇمىستارعا 22،2 ملن. تەڭگە ٴبولدى.

استانا قالاسى بويىنشا ٴبىر قورىم بولسا، ونىڭ ناقتى جەرى انىقتالماي وتىر. سوندا دا جەرگىلىكتى بيۋدجەتتەن 8،8 ملن. تەڭگە ٴبولىنىپ وتىر. ال الماتى قالاسى بويىنشا 2 قورىم بار. ٴبىراق ەكەۋى دە قورشالماعان. جەرگىلىكتى بيۋدجەتتەن 1،2 ملن. ٴبولىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي