BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شوب-تىڭ اينالىم كاپيتالىنا بجزق قاراجاتىنان 200 ملرد تەڭگە تارتىلادى - ق.بيشىمبايەۆ

شاعىن جانە ورتا بيزنەستىڭ اينالىم كاپيتالىنا ٴبىرىڭعاي جيناقتاۋشى زەينەتاقى قورى قاراجاتىنان 200 ملرد. تەڭگە تارتىلادى. بۇل تۋرالى بۇگىن ۇكىمەت وتىرىسىندا قر ۇلتتىق ەكونوميكا ٴمينيسترى قۋاندىق بيشىمبايەۆ ٴمالىم ەتتى، دەپ حابارلايدى قازاقپارات.

«2016 جىلعا ارنالعان داعدارىسقا قارسى قوسىمشا شارالار اياسىندا شاعىن جانە ورتا بيزنەستىڭ اينالىم كاپيتالىنا جانە قارىزدارىن قايتا قارجىلاندىرۋعا ٴبىرىڭعاي جيناقتاۋشى زەينەتاقى قورى قاراجاتىنان 200 ملرد. تەڭگە، سونداي-اق 65 ملرد. تەڭگە كولەمىندە حالىقارالىق قارجى ۇيىمدارىنىڭ قاراجاتتارىن تارتۋ كوزدەلگەن»، - دەدى ول.

ٴمينيستردىڭ اتاپ وتۋىنشە، شاعىن جانە ورتا بيزنەستى ودان ٴارى ىنتالاندىرۋ ٴۇشىن وڭدەۋشى ونەركاسىپ سالاسىنداعى كاسىپكەرلىك سۋبەكتىلەردى قارجىلاندىرۋ بويىنشا قوسىمشا قولداۋ شارالارى پىسىقتالۋدا.

ايتا كەتەرلىگى، تۇپكىلىكتى قارىز الۋشىعا سىياقى مولشەرلەمەسى 12،7 پايىزدان اسپايتىن 155،3 ملرد. تەڭگەنى ٴبولۋ جانە مۇنداي نەسيەلەردى بجك-2020 ارقىلى قۇنىن 5 پايىزعا ارزانداتۋ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي