BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شوب-تى قارجىلاي قولداۋ باعدارلامالارى ٴوز تيىمدىلىگىن دالەلدەدى – «بايتەرەك» حولدينگى

فوتو: ortcom.kz

«بايتەرەك» حولدينگىنىڭ شاعىن جانە ورتا بيزنەسكە قارجىلاي قولداۋ كورسەتۋ جونىندەگى باعدارلامالارى ٴوز تيىمدىلىگىن دالەلدى. بۇل تۋرالى شوب-تى دامىتۋ مەن قولداۋ ماسەلەلەرىنە ارنالعان قر ۇكىمەتىنىڭ وتىرىسىندا «بايتەرەك» ۇلتتىق باسقارۋشى حولدينگى» اق باسقارما ٴتوراعاسىنىڭ ورىنباسارى ٴلاززات يبراگيموۆا مالىمدەدى، دەپ حابارلايدى baq.kz.

«بايتەرەك» حولدينگى الدىنداعى ستراتەگيالىق مىندەتتەردىڭ ٴبىرى شاعىن جانە ورتا كاسىپكەرلىككە قولداۋ كورسەتۋ بولىپ تابىلادى»، - دەپ اتاپ ٴوتتى ٴلاززات يبراگيموۆا.

كرەديت بەرۋ نارىعى تۋرالى ايتا وتىرىپ، حولدينگتىڭ باسقارما ٴتوراعاسىنىڭ ورىنباسارى بىلاي دەپ ٴتۇسىندىردى:

«حولدينگتىڭ ەنشىلەس ۇيىمى – «دامۋ» كاسىپكەرلىكتى دامىتۋ قورىنىڭ شاعىن جانە ورتا كاسىپكەرلىك سۋبەكتىلەرىنىڭ كرەديت نارىعىن قامتۋى جوعارى دەڭگەيدە ساقتالىپ تۇر. 2015 جىلدىڭ قورىتىندىلارى بويىنشا ۇلەسى 30 %-عا دەيىن ۇلعايدى. بانكتىك كرەديتتەردىڭ جالپى كولەمىندە «دامۋ» قورىنىڭ باعدارلامالارى بويىنشا قاراجات ۇلەسى ەكونوميكانىڭ باسىم سەكتورىنداعى كرەديتتەر بويىنشا 13،3 %-دى، وڭدەۋ ونەركاسىبىندەگى كرەديتتەر بويىنشا 19،3 %-دى قۇرادى».

وڭدەۋ ونەركاسىبىن قولداۋعا ۇلتتىق قوردان 200 ملرد. تەڭگە مولشەرىندە ٴۇش ترانش ٴبولىندى. 2016 جىلعى 1 ماۋسىمداعى جاعداي بويىنشا 264،2 ملرد. تەڭگەدەن استام سوماعا شاعىن جانە ورتا كاسىپكەرلىك سۋبەكتىلەرىنىڭ 1353 جوباسى قارجىلاندىرىلدى. وسى باعدارلامانى ىسكە اسىرۋ بارىسىندا ونىڭ قاتىسۋشىلارى 740 ملرد. تەڭگە سوماسىنا ٴونىم شىعاردى، 66،8 ملرد. تەڭگەگە سالىق تولەدى، 15،7 مىڭعا جۋىق جۇمىس ورنىن قۇردى.

بۇدان باسقا، «بيزنەستىڭ جول كارتاسى - 2020» بيزنەستى قولداۋ مەن دامىتۋدىڭ ٴبىرىڭعاي باعدارلاماسى شەڭبەرىندە 2010 جىلدان باستاپ سىياقى مولشەرلەمەسىن سۋبسيديالاۋ ماقساتىندا 1 426،11 ملرد. تەڭگە جالپى سوماسىنا 7 419 سۋبسيديالاۋ جوبالارىنا قول قويىلدى، 123،8 ملرد. تەڭگەگە سۋبسيديا تولەندى. 2016 جىلعى قاڭتار-مامىر ارالىعىندا «دامۋ» قورى 58،3 ملرد. تەڭگە جالپى سوماسىنا 640 جوباعا قول قويىپ، 10،01 ملرد. تەڭگە سۋبسيديا تولەدى.

ٴلاززات يبراگيموۆا اتاپ وتكەندەي، ٴبىرىڭعاي باعدارلاما شەڭبەرىندە «دامۋ» قورىنىڭ كاسىپكەرلىكتى قولداۋدىڭ باسقا دا سۇرانىسقا يە قۇرالى بانكتەردە كرەديت الۋعا جەتكىلىكتى كەپىلدىكتى قامتاماسىز ەتۋى جوق كاسىپكەرلەرگە كەپىلدىك بەرۋ بولىپ تابىلادى. اعىمداعى كۇننىڭ جاعدايى بويىنشا 30،6 ملرد.تەڭگە جالپى سوماسىنا 1 918 كەپىلدىك بەرىلدى. بۇل شاعىن جانە ورتا كاسىپكەرلىك سۋبەكتىلەرىنە 71،9 ملرد.تەڭگە سوماسىنا بانكتەردەن كرەديت تارتۋعا مۇمكىندىك تۋعىزدى. 2015 جىلدىڭ وسىعان ۇقساس كورسەتكىشتەرىمەن سالىستىرعاندا «دامۋ» قورىنىڭ كەپىلدىك بەرۋ ٴوسىمى 74 %-دان استامدى قۇرادى. ناتيجەسىندە، بەس جىل ىشىندە ٴبىرىڭعاي باعدارلامانىڭ قاتىسۋشىلارى 5،1 ترلن.تەڭگە سوماسىنا ٴونىم شىعارۋدى قامتاماسىز ەتتى، 428 ملرد.تەڭگەگە سالىق تولەدى، 216،8 مىڭ جۇمىس ورنىن ساقتاپ، 67،4 مىڭ جاڭا جۇمىس ورىندار اشتى.

سونداي-اق، «بايتەرەك» حولدينگى جەرگىلىكتى اتقارۋشى ورگاندارمەن ىنتىماقتاستىقتى كەڭەيتۋدە. 2016 جىلى حولدينگتىڭ ەنشىلەس ۇيىمى – «دامۋ» قورى اكىمدىكتەرمەن بىرلەسىپ، وڭىرلىك كاسىپكەرلەردى، سونىڭ ىشىندە اۋىلدار مەن شالعاي اۋداندارىنىڭ كاسىپكەرلەرىن قارجىلاندىرۋعا 23،9 ملرد. تەڭگە باعىتتايدى.

«كەپىلدىك الۋ جانە بانكتەردىڭ وتىنىمدەردى قاراۋ مەرزىمدەرىن قىسقارتۋ پروسەسىنىڭ اشىقتىعى egov.kz پورتالى ارقىلى پروسەسەردى اۆتوماتتاندىرۋ جانە بارلىق بانكتەردە كرەديتتىك وتىنىمدەردى قاراۋدىڭ ٴبىرىڭعاي ستاندارتتارىن ەنگىزۋ ەسەبىنەن قامتاماسىز ەتىلەتىن بولادى»، - دەدى «بايتەرەك» ۇلتتىق باسقارۋشى حولدينگى» اق باسقارما ٴتوراعاسىنىڭ ورىنباسارى ٴلاززات يبراگيموۆا.

كاسىپكەرلەردى قارجىلاي قولداۋدىڭ جاڭا ەلەكتروندىق قىزمەتتەرىن egov.kz پورتالى ارقىلى ەنگىزۋ كاسىپكەرلەردىڭ بارلىق ساناتتارى ٴۇشىن قىزمەتتەر الۋعا كەڭ مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي