BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتور بيۋدجەت قارجىسىن تولىق يگەرمەگەن ۇكىمەتكە: نەگە جوسپارلامايسىڭدار؟

استانا، baq.kz ٴتىلشىسى. بۇگىن قر پارلامەنتى سەناتىنىڭ وتىرىسىندا 2018-2020 جىلعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسىن تالقىلاۋ بارىسىندا سەناتور ٴبىرعانىم ٴايتىموۆا قر پرەمەر-مينيسترىنىڭ ورىنباسارى ەربولات دوسايەۆقا ساۋالىن جولدادى.

«ٴبىزدىڭ كوميتەت بۇل زاڭ جوباسىن جان-جاقتى تالقىلادى. ٴبىز قولدايمىز. بارلىق وزگەرىستەرگە، تولىقتىرۋلارعا داۋىس بەردىك. مەنىڭ سۇراعىم رەسپۋبليكالىق بيۋدجەتتىڭ 9 ايىنا بايلانىستى ورىندالماۋى تۋرالى بولىپ وتىر. سەبەبى وسى ۋاقىتقا دەيىن 47 ملرد تەڭگە ورىندالماي جاتىر. نەگىزگى سەبەپتەرىنە قاراسام، ەڭ ٴبىرىنشى – ۇكىمەت قاۋلىلارىنىڭ ۇزاق مەرزىم كەلىسۋ ماسەلەسى، ەكىنشى – كونكۋرس پروسەدۋرالارىنىڭ ۇزاقتىعى جانە دە بارلىق كەلىسىمدى كەلىسۋ ماسەلەسىنىڭ ۇزاقتىعى. سوندىقتان دا وسى ماسەلەلەردىڭ ٴبارى سىزدەردىڭ قولدارىڭىزدا. جىلما-جىل وسى سەبەپ نەگە بىزگە بەرىلەدى؟ نەگىزگى سەبەپتەردىڭ مازمۇنى دا، ماعىناسى دا وسى. ەگەر زاڭ جوبالاردا ۋاقىتتارىڭىز دۇرىس بەلگىلەنبەسە، ەگەردە زاڭدى وزگەرتۋ كەرەك بولماسا، الدە اكتىلەردى باسقاشا جاساۋ كەرەك بولسا نەگە جاسالانبايدى؟ نەگە جاسامايسىڭدار؟ نەگە جوسپارلاۋ بارىسىنا پراگماتيكالىق كوزقاراسپەن قارامايسىڭدار جانە جوسپارلامايسىڭدار؟» - دەدى سەنتور ٴايتىموۆا.

ەربولات دوسايەۆ جىل سوڭىنا دەيىن بيۋدجەت قارجىسى يگەرىلەتىنىن ايتتى.

«بيۋدجەتتىڭ شىعىس جاعىنا قاراعاندا جىل سايىن تومەندەمەي وتىرمىز. 47 ملرد از سوما ەمەس. ٴبىراق وتكەن جىلدارعا قاراعاندا 9 ايدىڭ ىشىندە وسى جولى ۇكىمەت كوپ جۇمىستى وتكىزدىك. ەڭ ماڭىزدى ٴۇش سۇراق بار، ٴبىرىنشىسى – مەملەكەتتىك ساتىپ الۋ پروسەدۋرالارى. بىرنەشە اۋماقتا كوبىنەسە ترانسفەرتپەن بەرىلگەن اقشا كونكۋرستارى 2-4 ايعا دەيىن وتەدى. (...)كەلەر جىلى جاعداي جاقسارادى دەپ سەنەمىز. ەكىنشىدەن، مەملەكەتتىك ساتىپ الۋ پروسەدۋرالارىنان قالعان ۇنەم بار. 12،7 ملرد تەڭگەنى رەزەرۆكە اۋىستىرىپ جاتىرمىز. وسى جىلى ٴۇش جىلدىق بيۋدجەتتە قاعازسىز جوبالاردى قاراماي وتىرمىز. قالعان 2،5 ايدىڭ ىشىندە ٴقازىر ۇكىمەت وتىرىسىندا دۇرىستاپ تالدادىق، ٴار مەملەكەتتىك ورگانمەن، ٴار اكىمشىلىكپەن جۇمىستى وتكىزىپ وتىرمىز. جىل سوڭىنا دەيىن بيۋدجەتتىڭ شىعىس جاعىنان اقشانى جەتكىزۋ جۇمىستارى ورىندالادى دەپ سەنەمىن.، - دەدى قر پرەمەر-مينيسترىنىڭ ورىنباسارى ەربولات دوسايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي