BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ: جەكە ينۆەستيسيالار تارتۋ بويىنشا جۇمىس جوق

فوتو: ашық дереккөзден

استانا، baq.kz ٴتىلشىسى. بۇل جونىندە قر پرەمەر-مينيسترى باقىتجان ساعىنتايەۆ بۇگىنگى ۇكىمەت وتىرىسىندا مالىمدەدى.

«جالپى، 2018 جىلدىڭ 9 ايىنىڭ قورىتىندىسى بويىنشا ينۆەستيسيالار تارتۋدىڭ بارلىق ٴتيىمدى كورسەتكىشتەرىنىڭ وسكەنىن مينيستر بايانداماسىنان بايقادىق. جاڭا كاسىپورىندار مەن جاڭا جۇمىس ورىندارى قۇرىلۋدا. ينۆەستورلارعا بارلىق دەڭگەيدە مەملەكەتتىك قولداۋ شارالارى كورسەتىلىپ جاتىر جانە ينۆەستيسيالار تارتۋدىڭ جاڭا تاسىلدەرى ەنگىزىلىپ جاتىر. دەگەنمەن، ٴبىراز جاعدايلارعا نازار اۋدارۋ كەرەك بولىپ وتىر. ٴقازىر بارلىق وڭىردە اكىمدەردىڭ ارنايى ورىنباسارلارى تاعايىندالدى، «kazakhinvest» وكىلدەرىمەن ينۆەستورلارعا كومەك كورسەتۋ ورتالىقتارى اشىلدى، وڭىرلىك ينۆەستيسيالىق شتابتار قۇرىلدى. وسىلايشا، ينۆەستورلارمەن ٴتيىمدى جۇمىس ىستەۋ ٴۇشىن قاجەتتى جاعدايلاردىڭ بارلىعى جاسالدى.سوندىقتان، بارلىق اكىمدەر وسى ماسەلەگە بارىنشا جاۋاپكەرشىلىكپەن قاراپ، جۇمىستى ۇيلەستىرۋى جانە ٴوزارا ٴىس-قيمىلدى كۇشەيتۋى قاجەت»، - دەدى ٴسوز باسىندا ساعىنتايەۆ.

سونىمەن قاتار، ۇكىمەت باسشىسى جەكە ينۆەستيسيالار كولەمىن ارتتىرۋ قاجەتتىلىگىن باسا ايتتى.

«جەكە ينۆەستيسيالار ۇلەسىنىڭ تومەندىگى بيۋدجەتتىك ينۆەستيسيالار كولەمىنىڭ ارتۋىنا بايلانىستى ورىن الىپ وتىر دەگەن پىكىر ايتىلدى. يا، ونداي جاعداي بار. الايدا، مۇنى قابىلداۋعا بولمايدى. ەگەر، ٴبىز وسىلاي قول قۋسىرىپ وتىراتىن بولساق، بۇكىل جۇمىسىمىز بيۋدجەتكە قاراپ قالادى. كورسەتىپ وتكەندەي، شىمكەنتتە ينۆەستيسيا ٴوسىمى 275% بولسا، جەكە ينۆەستيسيا ۇلەسى 65%»، - دەدى ساعىنتايەۆ.

پرەمەر-مينيستر ٴدال وسىنداي جاعداي سولتۇستىك قازاقستان، اقتوبە، قىزىلوردا وبلىستارى مەن استانا قالاسىندا بايقالىپ وتىرعانىن اتاپ ٴوتتى.

«ياعني، جەكە ينۆەستيسيالار تارتۋ بويىنشا جۇمىس جوق. جۇمىستىڭ ٴبارى بيۋدجەتتەن اقشا الۋ، رەسپۋبليكادان اقشا الۋ، كۆازيمەملەكەتتىك كومپانيالاردىڭ ينۆەستيسيالارىن الىپ كەلۋ بولىپ وتىر. ال جەكە كاسىپورىنداردى، جەكە كاسىپكەرلىكتى تارتۋ جوق»، - دەگەن ساعىنتايەۆ وسىعان اكىمدىكتەردىڭ باسا نازار اۋدارۋىن تالاپ ەتتى.

سونداي-اق، ۇكىمەت باسشىسى ەلشىلىكتەردىڭ نەگىزگى جۇمىسى ينۆەستيسيا تارتۋ ەكەنىن ەسكە سالدى.

«قاي ەلدەن قاي ەلشىلىكتىڭ كومەگىمەن قانشا ينۆەستيسيا كەلگەنىن سارالاۋ كەرەك. ٴبىز جالپى تۇردە ۇسىنامىز. ال ونىڭ ىشىندە، بالكىم ٴبىر عانا ەلشىلىك جۇمىس ىستەپ وتىرعان شىعار»، - دەدى ساعىنتايەۆ.

ول سونداي-اق ينۆەستفورۋمدار اياسىندا قوي قويىلعان مەموراندۋمدار شەڭبەرىندە اتقارىلعان جۇمىستارعا ارنايى مونيتورينگ جۇرگىزۋ قاجەتتىلىگىن دە اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي