BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ visit almaty ورتالىعىنىڭ جۇمىسىمەن تانىستى

استانا، baq.kz. بۇگىن الماتى قالاسىنا رەسمي ساپارى اياسىندا قر پرەمەر-مينيسترى باقىتجان ساعىنتايەۆ قالانىڭ تۋريستىك الەۋەتىنىڭ دامۋىمەن تانىسۋ ماقساتىندا ٴبىرقاتار ينفراقۇرىلىمدىق نىساندارعا : «الماتى-2» تەمىرجول ۆوكزالىنا جانە visit almaty تۋريستىك حابىنا باردى. وسى جەردە carsharing جاڭا سەرۆيسىنىڭ پرەزەنتاسياسى ٴوتتى. بۇل تۋرالى primeminister.kz سايتى جازدى.

بيىل قاراشا ايىندا بالۋان شولاق اتىنداعى سپورت سارايىندا اشىلعان visit almaty تۋريستىك حابىن ارالۋ كەزىندە پرەمەر-مينيسترگە كونسۋلتاسيا ورتالىعىندا ٴار ٴتۋريستىڭ بارلىق قاجەتتى اقپاراتتى: كارتالاردى، جولنۇسقاۋلاردى، تاۋ باعدارلارىنىڭ اتلاستارىن، تۋروپەراتورلاردىڭ بروشيۋرالارىن، مادەني-بۇقارالىق شارالاردىڭ اڭداتپالارىن ت.ب. الا الاتىنى تۋرالى باياندالدى. بۇدان باسقا، كونسۋلتانتتار ٴتۇرلى ماسەلەلەردى — زاڭمەن جانە دەنساۋلىقپەن بايلانىستى شۇعىل ماسەلەلەردەن باستاپ، لوگيستيكالىق، مىسالى، «قاي جەردە تاماق ٴىشىپ، كوكتوبەگە قالاي جەتۋگە بولادى» دەگەن ٴتارىزدى ماسەلەلەردى شەشۋگە دەيىن كومەك كورسەتە الادى. 11 ايدا ورتالىقتان 25،2 مىڭنان استام تۋريست كەڭەس العان.

ب. ساعىنتايەۆ تۋريستەردىڭ اقپاراتتىق ورتالىعىن ارالاپ كوردى. qazaq oner قولونەر ورتالىعىنىڭ ديرەكتورى ا. جانسەرىكوۆا فوتوعا تۇسۋگە بولاتىن كيىز ٴۇي ماڭىندا كيىز ۇيمەن تانىستىرىپ، حابتىڭ ٴتيىمدى ورنالاسۋىن اتاپ ٴوتتى. مۇندا تۋريستىك الەۋەتتى ىلگەرلەتۋ بويىنشا جوبالار ىسكە اسىرىلىپ، ٴوڭىردىڭ باسەكەگە قابىلەتتىلىگىنىڭ جانە ٴتۋريزمدى دامىتۋ مۇمكىندىكتەرىنىڭ تالداۋى جاسالادى. ورتالىق اۋماعىندا ۇلتتىق ستيلدە ناقىشتالعان جەتى تانىم ايماعى اشىلدى، تۋريستەرگە ارنالعان كوۆوركينگ-الاڭ بار.

قالا اكىمىنىڭ ورىنباسارى ە. اۋكەنوۆ ٴوز كەزەگىندە، جۇرگىزىلىپ جاتقان جۇمىستاردىڭ ارقاسىندا قالاداعى تۋريستەر سانى بيىل وتكەن جىلمەن سالىستىرعاندا 11%-عا ارتقانىن باياندادى. الماتىعا 43،6% تۋريست كەلگەن، بۇل قازاقستانعا كەلەتىن شەتەلدىك تۋريستەردىڭ جارتىسىنا جۋىعى. 2018 جىلدىڭ ٴىى توقسانىندا الماتىعا كەلگەن تۋريستەردىڭ سانى 503 مىڭ ادامدى قۇرادى.

تۋريستىك تارتىمدىلىقتى ارتتىرۋعا مۇمكىندىك بەرەتىن جوبالاردىڭ ٴبىرى 2019–2020 جىلدارعا جوسپارلانعان، «الماتى-2» تەمرجول ۆوكزالىنىڭ رەكونسترۋكسياسى بولادى. نىساندى ارالاۋ كەزىندە ب. ساعىنتايەۆقا جوبانىڭ «الماتى-2» جانە «الماتى-1» اراسىندا ەكىنشى جولدى، قوسىمشا تەرمينالدى، جەراستى وتكەلدەرى مەن قالا ماڭى باعىتتارى ٴۇشىن جاڭا جولاۋشىلار پلاتفورمالارىن سالۋدى قاراستىراتىنى باياندالدى. جالپى، ۆوكزالدى جاڭعىرتۋ نىساننىڭ پايدالى اۋماعىن ەكى ەسەگە ارتتىرۋعا مۇمكىندىك بەرەدى.

مۇندا پرەمەر-مينيسترگە وڭتۇستىك استانانىڭ كولىك ينفراقۇرىلىمىن دامىتۋ تۋرالى باياندالىپ، «كارشەرينگ» جاڭا سەرۆيس جۇيەسى تانىستىرىلدى. بۇل جۇيە ٴموبيلدى قوسىمشا ارقىلى ٴاۆتوموبيلدى مينۋتپەن جالعا الۋدى راسىمدەۋگە مۇمكىندىك بەرەدى. بۇل قىزمەت جۇرگىزۋشى كۋالىگى بار كەز كەلگەن ادام ٴۇشىن قولجەتىمدى. الماتىدا سەرۆيس وسى جىلدىڭ قازان ايىندا ىسكە قوسىلدى، وتكەن ۋاقىت ىشىندە سەرۆيسكە تىركەلگەن پايدالانۋشىلار سانى 10 مىڭ ادامنان اسادى. ب. ساعىنتايەۆ سەرۆيس پايدالانۋشىلارى ٴۇشىن قولجەتىمدى بولاتىن جاڭا جەڭىل كولىكتەر قاتارىن كوردى. بارلىعى جۇزدەن استام اۆتوموبيل قويىلعان، 2019 جىلى ولاردىڭ سانى 500-گە جەتەدى، ال 2021 جىلى ەلىمىزدە 1،5 مىڭ اۆتوموبيلدەن تۇراتىن پارك بولادى. anytime كومپانياسىنىڭ اقپاراتىنا سايكەس، 2019 ج. ناۋرىزدا سەرۆيستى استانادا، ال 2019 جىلدىڭ سوڭىندا شىمكەنتتە ىسكە قوسۋ كوزدەلىپ وتىر.

الماتى اكىمدىگىنىڭ اقپاراتى بويىنشا، بيىل قالالىق اۆتوبۋس پاركىن جاڭارتۋ كورسەتكىشى 80%-عا جەتەدى. جەكە ينۆەستيسيالار ەسەبىنەن اۆتوپارك پەن ٴۇشىنشى بۋىننىڭ ەلەكترلىك اۆتوبۋستارىن شىعاراتىن زاۋىت سالىندى. ولاردى ٴارى قاراي قالا مارشرۋتىنا قوسقاننان كەيىن الماتى قالاسىنىڭ ەكولوگيالىق احۋالىنا وڭ اسەر ەتەرى ٴسوزسىز. سونداي-اق، الماتىدا قازاقستاندا العاشقى brt (جىلدامدىعى جوعارى قوعامدىق كولىك) جەلىسى ۇيىمداستىرىلدى. قوعامدىق كولىك ٴۇشىن 110 شاقىرىمدىق جول مەن 10 ورتالىق كوشەلەردە ٴبىر جاقتى قوزعالىس ەنگىزىلدى، ال وربيتادان جاسىل بازارعا دەيىن ۆەلودالىز جاسالدى. قالانىڭ ورتالىعىن شەتكى بولىكتەرىمەن، قالاعا قوسىلعان اۋداندارمەن بايلانىستىراتىن ەكى مەترو ستانسياسى سالىنىپ جاتىر.

بۇگىندە الماتىدا قوعامدىق كولىكتەگى بارلىق ترانزاكسيالاردىڭ 97%-ى قولما-قول اقشاسىز جۇزەگە اسىرىلادى. gps جۇيەسىمەن جانە اۆتوبۋستارداعى بەينەكامەرالارمەن اۆتوماتتاندىرىلعان ديسپەتچەرلىك باسقارۋ جۇيەسى ەنگىزىلدى، سونداي-اق تاسىمالداۋشىلاردى سۋبسيديالاۋ كەزىندە جولاۋشىلاردىڭ شاعىمدارى تۇسەتىن ايىپپۇلدار جۇيەسى ەنگىزىلدى. قالادا جول قوزعالىسى ەرەجەلەرىن بۇزۋدىڭ فوتو-بەينەتۇسىرىلىم جۇيەسى بار، 709 جولاق باقىلانادى، كەلەسى جىلدان باستاپ پوستتار ەكى ەسەگە ارتپاق.

ەستەرىڭىزگە سالا كەتەيىك، مەملەكەت باسشىسى ٴتۋريزمدى دامىتۋعا ەرەكشە كوڭىل بولەدى. «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا كەز-كەلگەن ٴوڭىر ٴۇشىن بولاشاعى جارقىن سالانىڭ ٴبىرى بۇگىندە الەمدەگى ٴاربىر ونىنشى جۇمىس ورنىن قۇرىپ وتىرعان ىشكى جانە كىرمەلىك ٴتۋريزمدى دامىتۋ ەكەندىگى ايتىلدى. وسىعان بايلانىستى ۇكىمەت ينفراقۇرىلىمدى دامىتۋ جانە تۋريزم يندۋسترياسىنداعى كەدەرگىلەردى جويۋ بويىنشا كەشەندى جۇمىس جۇرگىزىپ كەلەدى. 2019 جىلى ٴتۋريزمدى 2023 جىلعا دەيىن دامىتۋدىڭ مەملەكەتتىك باعدارلاماسى العاش رەت ازىرلەنەدى. باعدارلامانىڭ نەگىزگى كورسەتكىشى ٴتۋريزمنىڭ جىو-گە قاتىستى ۇلەسىنىڭ 8%-عا دەيىن ۇلعايۋى بولماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي