BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ: تارازدا ٴبىلىم گرانتتارى جوقتىڭ قاسى 

تاراز، baq.kz ٴتىلشىسى. قر پرەمەر-مينيسترى باقىتجان ساعىنتايەۆ جامبىل وبلىسىنا جۇمىس ساپارى بارىسىندا جامبىل جوعارعى پوليتەحنيكالىق كوللەدجىندە بولىپ، وڭىردەگى ٴبىلىم سالاسى ماماندارىمەن جيىن وتكىزدى.

«مەملەكەت باسشىسى مۇعالىمدەردىڭ مارتەبەسىن كوتەرۋدى تاپسىردى. اۋىلعا ٴبىلىمى تومەن تۇلەك بارادى. شاماسى جەتسە، قالادا قالىپ قويادى. بۇل ٴبىز جوعارى وقۋ ورىندارىندا مامانداردى تومەن دارەجەدە دايىندايمىز دەگەن ٴسوز. ٴبىلىم بەرۋ ساپاسى تومەن. ەلباسىنىڭ ايتىپ وتىرعانى دا وسى»، - دەدى پرەمەر-مينيستر.

ول قازىرگى ۋاقىتتا مۇعالىمدەردىڭ بىلىكتىلىكتەرىن ارتتىرۋ ماقساتىندا پروفەسسورلار مەندوكتورلاردىڭ دا ٴار بەس جىل سايىن ارنايى ەمتيحان تاپسىرۋى قاراستىرىلعانىن ەسكە سالدى.

«ۇسىنىلعان انىقتاماعا سايكەس، سىزدەردىڭ ۋنيۆەرسيتەتتەردى ٴتامامداعان تۇلەكتەردىڭ تەك 50% عانا جۇمىسقا ورنالاسادى. قالعان بالالار جۇمىسسىز. گرانت تىپتەن جوق. گرانتى، بار بالا تارازعا كەلىپ وقۋعا تۇسپەيدى. گرانتىن الىپ، مىقتى ۋنيۆەرسيتەتكە كەتەدى. سوندا تارازداعى ۋنيۆەرسيتەتكە كىم كەلەدى؟ كىمنىڭ جاعدايى جوق، سول كەلىپ وقيدى. سەبەبى، باعا تومەن. ۇلتتىق ۋنيۆەرسيتەتتە وقۋ ٴۇشىن 1 ملن 200 مىڭ، باسقاسىنا 640 مىڭ تەڭگە تولەۋى كەرەك. قالتاسى كوتەرمەيدى. گرانت جوق. تاڭ قالدىم. وسىعان قانداي جاۋاپ بار؟» - دەپ سۇرادى ۇكىمەت باسشىسى.

وبلىستاعى بەدەلدى وقۋ ورنىنىڭ ٴبىرى سانالاتىن م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ رەكتورى گرانتتارعا قاتىستى تۇسىنىك بەردى.

«مەملەكەتتىك گرانتتاردىڭ ٴتيىمدى پايدالانىلۋى مەملەكەتتىك تاپسىرىستى ورنالاستىرۋعا تىكەلەي بايلانىستى. وسى ماسەلەدە، ٴبىر قاراما-قايشىلىق (ديسپروپورسيا) ورىن العان. مىسالى، كوپتەگەن جوعارى وقۋ ورىندار ارنايى كۆوتا بويىنشا ادرەستىك گرانتتار الادى (مەملەكەتتىك يندۋستريالدىق-يننوۆاسيالىق دامۋ باعدارلاماسى، "سەرپىن" باعدارلاماسى، پەداگوگيكالىق جوعارى وقۋ ورىندارىنا بەرىلەتىن ادرەستىك كۆوتا). كەيبىر ۋنيۆەرسيتەتتەر 2-3 باعدارلاما بويىنشا ادرەستىك گرانتتار يەلەنەدى. وسى جاعدايدا تەك قانا جالپى كونكۋرسپەن مەملەكەتتىك تاپسىرىستى ورنالاستىرۋعا قاتىساتىن ۋنيۆەرسيتەتتەر ٴوز مۇمكىنشىلىكتەرىن تولىق پايدالانا الماي وتىر. سوندىقتان، مەملەكەتتىك تاپسىرىستى ورنالاستىرۋ مەحانيزمىن وزگەرتۋ قاجەت دەپ ويلايمىز»، - دەدى ۋنيۆەرسيتەت باسشىسى ماحمەتقالي سارىبەكوۆ.

قر پرەمەر-مينيسترى باقىتجان ساعىنتايەۆ جۇمىس ساپارى بارىسىندا تاراز قالاسىنداعى ٴىت ليسەي-ينتەرناتىنىڭ جۇمىسىمەن تانىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي