BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ساعىنتايەۆ وبلىس اكىمدەرىنە: ەڭبەك ونىمدىلىگىنىڭ وسپەۋىنە وزبەكتەر كىنالى مە؟

فوتو: ашық дереккөзден

استانا، baq.kz ٴتىلشىسى. ۇكىمەت باسشىسى باقىتجان ساعىنتايەۆ وڭىرلەردە ەڭبەك ونىمدىلىگىن ارتتىرا الماعان وبلىس اكىمدەرىن سىنعا الدى.

بۇگىن ۇكىمەت وتىرىسىندا وبلىس اكىمدەرى پرەمەر-مينيسترگە وڭدەۋشى ونەركاسىپتەگى ەڭبەك ونىمدىلىگى بويىنشا ەسەپ بەردى. الايدا اكىمدەردىڭ ەسەبى باقىتجان ساعىنتايەۆتىڭ كوڭىلىنەن شىقپاي قالدى.

«(ەڭبەك ونىمدىلىگى بويىنشا – اۆتور) كەلەسى باياندايتىن ازاماتتار، (ەڭبەك ونىمدىلىگىنىڭ نەگە وسپەۋ – اۆتور) سەبەبىن دۇرىس ايتىڭىزدار. «ٴبىر وبلىس «ادىستەمە وزگەردى، سول كىنالى» دەيدى. ٴبىر وبلىس «وزبەك اعايىندار كىنالى» دەيدى. جۇمىستارىڭىزدىڭ (ٴمانى – اۆتور) نەدە؟ جۇمىسشىلار سىرتتان جىلدا كەلەدى. سوندا جىل سايىن «وزبەك اعايىندار كىنالى» دەپ وتىرامىز با؟»، - دەدى ۇكىمەت باسشىسى.

وسى ورايدا ساعىنتايەۆ اكىمدەرگە جۇمىسقا جاۋاپكەرشىلىكپەن قاراۋدى تالاپ ەتتى.

«جالپى بايانداماعا، جينالىسقا دايىندالعان كەزدە ونىڭ مازمۇنىن ٴبىلۋ كەرەك. جاقسىلاپ دايىندالۋ كەرەك. (جاسالعان باياندامالاردىڭ ٴبارى – اۆتور) ٴاتۇستى جاسالعان. قاعاز جازىلىپ بەرىلەدى، سونى عانا وقىپ بەرەسىزدەر»، - دەپ تۇيىندەدى ٴسوزىن پرەمەر-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي