BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ نۇركەنت قالاسىنىڭ باس جوسپارىمەن تانىستى

الماتى، baq.kz. بۇگىن الماتى وبلىسىنا جۇمىس ساپارىمەن بارعان قر پرەمەر-مينيسترى باقىتجان ساعىنتايەۆ قازاقستان - قىتاي شەكاراسىنداعى پانفيلوۆ اۋدانىندا ورنالاسقان نۇركەنت جاڭا قالاسىن دامىتۋدىڭ باس جوسپارىمەن تانىستى.

«قورعاس» شەكارا ماڭى ىنتىماقتاستىعى حالىقارالىق ورتالىعىنىڭ جانە «قورعاس – شىعىس قاقپاسى» ەركىن ەكونوميكالىق ايماعىن قۇرۋ جوبالارى مەملەكەتارالىق ماڭىزداعى نىساندار جانە ولار ەلەۋلى ەڭبەك رەسۋرستارىن تارتۋدى قاجەت ەتەدى، ال بۇل — 36 مىڭنان 68 مىڭعا دەيىن جاڭا جۇمىس ورىندارى. ازاماتتاردىڭ قولايلى ٴومىر ٴسۇرۋىن قامتاماسىز ەتۋ ماقساتىندا 2013 جىلدان باستاپ نۇركەنت جاڭا قالاسىنىڭ قۇرىلىسى جۇرگىزىلىپ جاتىر.

قالانىڭ جالپى اۋدانى — 1460 گا. پرەمەر-مينيستر ب. ساعىنتايەۆقا 2035 جىلعا قاراي قالا حالقىنىڭ سانى شامامەن 99 مىڭ ادامدى قۇرايتىنى ايتىلدى. سونىمەن قاتار، 2022 جىلعا قاراي 1 ملن م² استام تۇرعىن ٴۇي (ٴى كەزەك) پايدالانۋعا بەرىلەدى — بۇل شامامەن 5 اۋدان نەمەسە 50 مىڭ ادام. نۇركەنتتە ٴبىرىنشى كەزەك اياسىندا 24 الەۋمەتتىك نىسان، ونىڭ ىشىندە 8 مەكتەپ، 12 بالاباقشا، ٴبىر ەمحانا جانە 3 مەديسينالىق ورتالىق سالۋ كوزدەلگەن.

الماتى وبلىسى اكىمدىگىنىڭ قۇرىلىس باسقارماسىنىڭ باسشىسى ب. تاكەنوۆ ەكى 86 پاتەرلىك ٴۇي بويىنشا جوبالىق-سمەتالىق قۇجاتتاما 2019 جىلعى ناۋرىزعا قاراي ٴازىر بولاتىنىن اتاپ ٴوتتى. ٴۇشىنشى ٴۇيدىڭ جوسپارى جەكە ينۆەستور قاراجاتى ەسەبىنەن جۇرگىزىلىپ جاتىر. ٴىى كەزەك اياسىندا 4 مىڭعا جۋىق ادام باسپانالى بولادى. تۇرعىن ٴۇي قورىنىڭ جالپى اۋدانى — 70 مىڭ م².

بۇدان وزگە، «نۇرلى جەر» باعدارلاماسىن ىسكە اسىرۋ اياسىندا پانفيلوۆ اۋدانىنىڭ اكىمدىگى اۋدانى 16 815 م² بولاتىن ٴتورت 60 پاتەرلى ارەندالىق ٴۇيدى جوبالاۋ جۇمىستارىن جۇرگىزىپ جاتىر.

پەنجينا اۋىلدىق وكرۋگىنىڭ اۋماعىندا ورنالاسقان نۇركەنت اۋىلى جاڭا قالانى سالۋدىڭ باستاۋى بولدى. قازىرگى تاڭدا مۇندا ٴۇش مىڭنان استام ادام تۇرادى. «نۇرلى جەر» باعدارلاماسى اياسىندا وتكەن جىلى 120 وتباسى باسپانالى بولدى. سونىمەن قاتار، الەۋمەتتىك ينفراقۇرىلىم نىساندارى: مەكتەپ، اۋرۋحانا، بالاباقشا بار.

الماتى وبلىسىندا وتكەن جىلى 5079 تۇرعىن ٴۇي (646،1 مىڭ م²) سالىندى، سونىڭ ىشىندە ٴ3247-سى — جەكە تۇرعىن ۇيلەر. بيىل 706،6 مىڭ م²، سونىڭ ىشىندە «نۇرلى جەر» باعدارلاماسى اياسىندا 592 پاتەردى پايدالانۋعا بەرۋ جوسپاردا بار.

جالپى، ينۆەستيسيالار جانە دامۋ مينيسترلىگىنىڭ اقپاراتىنا سايكەس، ەلىمىزدە الداعى بەس جىلدا «نۇرلى جەر» مەملەكەتتىك باعدارلاماسى بويىنشا 650 مىڭنان استام تۇرعىن ٴۇي (76،6 ملن م²) سالۋ كوزدەلگەن، بۇل 2 ملن-عا جۋىق ازاماتتى باسپانامەن قامتاماسىز ەتەدى. ازاماتتاردى تۇرعىن ۇيمەن قامتاماسىز ەتۋدىڭ ماڭىزدى قۇرالى — مەملەكەت باسشىسىنىڭ «7–20–25» باستاماسى، ونىڭ اياسىندا بەس جىل ىشىندە 103 مىڭعا جۋىق ازامات باسپانالى بولا الادى. اتالعان باعدارلاما بويىنشا (11.10.2018 جىلعى جاعداي بويىنشا) 28 ملرد تەڭگەگە 2352 ٴوتىنىم ماقۇلداندى، سونىڭ ىشىندە الماتى وبلىسىنىڭ حالقىنان — 55 يپوتەكالىق قارىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي