BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ مينيسترلەر مەن اكىمدەرگە قارجىنى تولىق يگەرۋدى تاپسىردى

فوتو: ашық дереккөзден

استانا، baq.kz ٴتىلشىسى. قر پرەمەر-مينيسترى باقىتجان ساعىنتايەۆ ورتالىق جانە جەرگىلىكتى ورگان باسشىلارىنا جىل سوڭىنا دەيىن بيۋدجەت قارجىسىن تولىق يگەرۋدى تاپسىردى.

بۇگىن مينيسترلەر مەن وبلىس اكىمدەرى ۇكىمەت باسشىسىنا مەملەكەتتىك بيۋدجەتتىڭ يگەرىلۋ كورسەتكىشتەرى جونىندە ەسەپ بەردى. ساعىنتايەۆ قارجى ٴمينيسترى ٴاليحان سمايىلوۆقا ارىپەستەرىنىڭ ۋادەسىن جازىپ الىپ، ونى ورىنداۋدى قاداعالاۋدى تاپسىردى.

«ارىپتەستەرىڭىزدىڭ سوزدەرىن جازىپ الىڭىز. سسەنوگراممادا بار. ٴبىراق ٴسىز ول كىسىلەرگە كۇندە ايتىپ وتىراسىز. جىل سوڭىنا دەيىن از عانا ۋاقىت قالدى. سول سەبەپتەن قارجىنىڭ ٴبارى تولىق يگەرىلۋى قاجەت»، - دەدى ۇكىمەت باسشىسى.

قر پرەمەر-مينيسترى 11 ايدىڭ قورىتىندىسى بويىنشا مەملەكەتتىك بيۋدجەتتىڭ ورىندالۋ كورسەتكىشتەرى جامان ەمەس ەكەنىن ايتا كەتتى.

«ەلباسىنىڭ قويعان تاپسىرماسىن ورىنداۋ ۇستىندەمىز. ٴوندىرىس سالاسى بويىنشا ٴسال كەشەۋىلدىك بار، ٴبىراق جەلتوقسان ايىندا ونىڭ ٴبارى وڭالادى دەپ ەسەپتەيمىز. ويتكەنى، قاراشا ايىندا «ارسەلورميتاللداعى» جاعدايعا بايلانىستى كەشەۋىلدىك بولدى. ٴبىراق كولىك، ساۋدا سالاسى ەسەبىنەن جوعارى كورسەتكىشكە جەتىپ وتىرمىز. بۇل جەردە بايلانىس، قۇرىلىس سالاسىنا اسا كوڭىل ٴبولۋ كەرەك. قولدا مۇمكىنشىلىكتىڭ ٴبارى بار»، - دەدى ساعىنتايەۆ.

ۇكىمەت باسشىسى جىلدى ەلباسى تاپسىرماسى بوينىشا 4% كورسەتكىشپەنەن اياقتاۋ قاجەت ەكەنىن ەسكەرتتى.

«قارجى مينيسترلىگىنىڭ بايانداماسىندا كورسەتىلگەندەي، 99،6% رەسپۋبليكالىق بيۋدجەتتى يگەرۋ مۇمكىندىگى بار. جەرگىلىكتى جەرلەر بويىنشا 1،5 ملرد اقشا يگەرىلمەۋى مۇمكىن. ٴبىراق ونى اكىمدەر تولىققاندى يگەرۋگە مۇمكىندىك بار دەپ وتىر. ياعني قويىلعان تاپسىرما ورىندالۋى قاجەت. ٴبىر اپتادان سوڭ ۇكىمەتتىڭ كەلەسى وتىرىسىندا ايىلعان ماسەلەلەر، بەرىلگەن ۋادەلەر ارىپتەستەرىمىزدىڭ تاراپىنان قالاي ورىندالىپ جاتقانى جونىندە. تاعى دا ٴبىر قورىتىندىسىن قاراپ وتەمىز»، - دەپ ٴسوزىن تۇيىندەدى پرەمەر-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي