BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ «قورعاس» قۇرعاق پورتىنا باردى

استانا، baq.kz. قر پرەمەر ٴمينيسترى باقىتجان ساعىنتايەۆ ورتالىق ازياداعى ٴىرى وتكىزۋ پۋنكتى «نۇر جولى» جۇمىسىن تەكسەرىپ، «قورعاس» قۇرعاق پورتىنا باردى. بۇل تۋرالى primeminister.kz سايتى حابارلادى.

بۇگىن قر پرەمەر-مينيسترى باقىتجان ساعىنتايەۆ جۇمىس ساپارىمەن الماتى وبلىسىن ارالاپ ٴجۇر. ترانزيتتىك الەۋەتتىڭ دامۋىمەن تانىسۋ ماقساتىندا قازاقستان–قىتاي شەكاراسىنداعى «نۇر جولى» (قر) – قورعاس (قحر) وتكىزۋ پۋنكتى مەن «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ ٴبىرقاتار نىساندارىنا باردى.

«نۇر جولى» — ەلباسى ن. نازاربايەۆتىڭ «نۇرلى جول» باعدارلاماسى اياسىندا جۇزەگە اسىرىلعان «باتىس ەۋروپا — باتىس قىتاي» اۋقىمدى جوباسىنىڭ سوڭعى قورىتىندىسى جانە ورتالىق ازيا اۋماعىنداعى ەڭ ۇلكەن وتكىزۋ پۋنكتى. قىتايدىڭ «بەلدەمە جانە جول» باستاماسىمەن ۇيلەسكەن پرەزيدەنتتىڭ مەملەكەتتىك باعدارلاماسى ەڭ الدىمەن، ۇلى جىبەك جولىن جاڭعىرتۋدى كوزدەيدى. الماتى وبلىسىنىڭ پانفيلوۆ اۋدانىنداعى وتكىزۋ پۋنكتى ارقىلى قىتاي حالىق رەسپۋبليكاسىمەن اۋىر جانە جەڭىل اۆتوكولىكتەر، سونداي-اق جولاۋشىلار اۆتوبۋستارى شەكارادان وتەدى.

ب. ساعىنتايەۆ وتكىزۋ پۋنكتىنىڭ جۇمىس ورىندارىن قاراپ، نەگىزگى تەحنيكالىق الەۋەتىمەن تانىستى. بۇل اۋقىمدى زاماناۋي كولىك-لوگيستيكالىق ورتالىقتىڭ قۇرىلىسى 2017 جىلى باستالعان، ال وسى جىلدىڭ 27 قىركۇيەگىندە اشىلۋ سالتاناتى ٴوتتى. جوبانىڭ قۇرىلىسى مەملەكەتتىك-جەكەمەنشىك ارىپتەستىك قاعيداتى بويىنشا ىسكە اسىرىلدى.

«نۇر جولى» وتكىزۋ پۋنكتى تەحنيكالىق جابدىقتالۋ، كولىك قۇرالدارىنىڭ ٴوتۋ جىلدامدىعى جانە باقىلاۋ جۇيەسىن ەنگىزۋ بويىنشا تەڭدەسسىز بولىپ سانالادى. توقتاۋسىز جۇمىس ىستەيتىن، اۆتوماتتاندىرىلعان باقىلاۋ جانە تىركەۋ جۇيەسى بار زاماناۋي قۇرال-جابدىقتاردىڭ ارقاسىندا جۇك كولىكتەرىن كەدەندىك جانە شەكارالىق راسىمدەۋ ۋاقىتى 40 مينۋتقا دەيىن قىسقارتىلادى.

قر قارجى مينيسترلىگى مەملەكەتتىك كىرىستەر كوميتەتى ٴتوراعاسىنىڭ ورىنباسارى گ. ٴامريننىڭ ايتۋىنشا، كەشەننىڭ جالپى قۇرىلىمى كولىك قوزعالىسىنىڭ ەكى باعىتىندا جۇمىس كۇندەرى 2500 كولىك قۇرالىن وتكىزۋگە قاۋقارلى. ونىڭ ىشىندە 2200 جۇك كولىگى، 300 جولاۋشى كولىگى بار. بۇل ترانزيتتىك اعىنداردىڭ ەداۋىر ۇلعايۋىنا مۇمكىندىك بەردى. بولاشاقتا جاڭا پۋنكت تاۋلىگىنە 5000 كولىككە دەيىن وتكىزە الاتىن بولادى. مۇنداي وتكىزۋ پۋنكتى بار ٴىرى ساۋدا ٴدالىزىنىڭ پايدا بولۋى ەلىمىزدىڭ ينۆەستيسيالىق تارتىمدىلىعىن ارتتىرىپ، وڭىرلىك ەكونوميكانىڭ دامۋىنا قۋاتتى سەرپىن بەرمەك.

سونداي-اق، باقىتجان ساعىنتايەۆ شەكارا ماڭى ىنتىماقتاستىعىنىڭ حالىقارالىق ورتالىعىنىڭ جۇمىسىمەن دە تانىستى. جوبا قازاقستان مەن قىتاي مەملەكەت باسشىلارىنىڭ باستاماسىمەن جۇزەگە اسىرىلۋدا. ماقسات — ەكى ەل اراسىنداعى ساۋدا-ەكونوميكالىق، ينۆەستيسيالىق، عىلىمي-تەحنيكالىق جانە مادەني ىنتىماقتاستىقتى دامىتۋ.

«قورعاس» شىحو جالپى اۋماعى 560 گەكتار بولاتىن ەكى مەملەكەتتىڭ شەكارالاس اۋماقتارىندا ورنالاسقان جانە مەملەكەتتىك شەكارا ارقىلى وتەتىن «ارنايى وتكەل» ارقىلى قوسىلعان قازاقستاندىق جانە قىتاي بولىكتەرىنەن تۇرادى. جوبانىڭ بىرەگەيلىگى — ورتالىقتىڭ اۋماعىندا ادامدار، تاۋار جانە كولىك قۇرالدارى ۆيزاسىز ەركىن قوزعالا الادى.

«قورعاس» شىحو پرەزيدەنتى ق. ٴجازيننىڭ ايتۋىنشا، ەكى ەل تۇرعىندارى تاراپىنان 2012 جىلدىڭ ٴساۋىر ايىندا اشىلعان ورتالىققا دەگەن قىزىعۋشىلىق جىل سايىن ارتىپ كەلەدى. حالىقارالىق ورتالىقتىڭ اۋماعىنا كىرۋ ٴتارتىبىن جەڭىلدەتۋ ٴۇشىن ٴبىراز جۇمىستار اتقارىلدى. ماسەلەن، 2016 جىلدىڭ قاراشا ايىنان باستاپ، ازاماتتارعا «قورعاس» شىحو اۋماعىنا كىرۋگە تەك جەكە كۋالىك پەن بالانىڭ تۋۋ تۋرالى كۋالىگى (ٴبىر اتا-اناسى جانىندا بولعان جاعدايدا) عانا كەرەك. 2018 جىلدىڭ قاڭتارىنان قىركۇيەك ايىنا دەيىن ەكى جاقتان كەلۋشىلەردىڭ جالپى سانى 1 ملن ادامنان اسقان.

قازىرگى تاڭدا «قورعاس» شىحو» اق اۋدانى 236 گا بولاتىن رەزەرۆتەگى اۋماقتاردى قوسۋدى قاراستىراتىن قۇرىلىستىڭ باس جوسپارىنا تۇزەتۋلەر ەنگىزۋ جۇمىستارىن اياقتادى. جاڭا باس جوسپارعا سايكەس، كوپفۋنكسيالى ساۋدا ۇيلەرىن جانە حالىقارالىق ىسكەرلىك ىنتىماقتاستىققا ارنالعان ورتالىقتاردى، سونداي-اق، مادەني الماسۋ ورىندارىن، ٴبىلىم جانە عىلىمي وقىتۋ ورتالىقتارىن، سپورتتىق-ساۋىقتىرۋ ينفراقۇرىلىمى بار دەمالىس ورىندارىن سالۋ جوسپاردا بار.

«قورعاس» شىحو مالىمەتىنە سايكەس، ورتالىق اۋماعىندا جالپى قۇنى شامامەن 356 ملرد تەڭگە بولاتىن 27 ينۆەستيسيالىق نىسان بار. پايدالانۋعا بەرىلگەن ساۋدا ۇيلەرىنىڭ جالپى اۋدانى 24 663 م2 قۇرايدى. 2018 جىلدىڭ سوڭىنا قاراي اۋدانى شامامەن 40 000 م2 بولاتىن 2 ينۆەستيسيالىق نىساننىڭ قۇرىلىسىن اياقتاۋ كوزدەلگەن.

بۇدان وزگە «قورعاس» شىحو-نىڭ قازاقستاندىق بولىگىندە ناقتى سالىق جەڭىلدىكتەرىنىڭ پاكەتى بار ارنايى ەكونوميكالىق ايماق قۇرىلعان. شىحو-عا اەا مارتەبەسىن بەرۋ كاسىپكەرلىك قىزمەتتى دامىتۋعا جانە ينۆەستيسيالار تارتۋعا قولايلى جاعدايلار جاسايدى. «قورعاس» شىحو اەا-نىڭ بولاشاق قاتىسۋشىلارى الەۋمەتتىكتەن وزگە، نەگىزگى سالىقتاردى تولەۋدەن بوساتىلادى. وسى جانە باسقا دا جەڭىلدىكتەر مەن ارتىقشىلىقتار قازاقستاندىق جانە شەتەلدىك قاتىسۋشىلار ٴۇشىن دە قولجەتىمدى بولادى. شىحو-دا تاۋار اينالىمى سيفرلاندىرىلۋدا. بۇل كەدەن باقىلاۋى پروسەستەرىن اۆتوماتتاندىرۋعا جول اشادى.

قازىرگى تاڭدا قازاقستاندىق ينۆەستورلار ٴۇشىن ينۆەستيسيالىق نىسانداردا جۇمىستارىن جۇزەگە اسىرۋ ماقساتىندا باقىلاۋ-وتكىزۋ پۋنكتەرىندە تاۋلىكتىك جۇمىس رەجيمى ماسەلەسى شەشىلگەن. قازاقستان مەن قىتاي اراسىنداعى شەكارا ماڭى ساۋداسى مەن ٴتۋريزمدى ودان ٴارى جانداندىرۋعا كومەكتەسۋ ماقساتىندا قىتايدىڭ باقىلاۋ-وتكىزۋ پۋنكتىندە 14 ساعاتتىق جۇمىس رەجيمى ىسكە قوسىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي