BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ قوعامدىق ٴتارتىپ پەن قاۋىپسىزدىكتى قامتاماسىز ەتۋ بويىنشا جيىن وتكىزدى

استانا، baq.kz. ۇكىمەت ۇيىندە قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ ەلىمىزدە قوعامدىق ٴتارتىپتى جانە ازاماتتاردىڭ قاۋىپسىزدىگىن قامتاماسىز ەتۋ، قۇقىق بۇزۋشىلىقتارعا «نولدىك توزىمدىلىك» مادەنيەتىن قالىپتاستىرۋ ماسەلەلەرى جونىندە كەڭەس وتكىزدى.

كەڭەسكە سەلەكتورلىق رەجيمدە مينيسترلەر، وڭىرلەردىڭ اكىمدەرى، سونداي-اق ىشكى ىستەر مينيسترلىگىنىڭ جانە پوليسيانىڭ اۋماقتىق دەپارتامەنتتەرىنىڭ باسشىلار قۇرامى قاتىستى.

ىشكى ىستەر ٴمينيسترى قالمۇحانبەت قاسىموۆ ەلىمىزدەگى كريمينوگەندىك جاعداي، ۇرلىقتارعا قارسى قابىلدانىپ جاتقان ٴىس-قيمىل شارالارى، تۇرمىستىق زورلىق-زومبىلىقتىڭ جانە كامەلەت جاسىنا تولماعاندار اراسىندا قىلمىستىلىقتىڭ الدىن الۋ، سونداي-اق قوعامدىق ٴتارتىپتى ساقتاۋ جانە جول قاۋىپسىزدىگىن قامتاماسىز ەتۋ ماسەلەلەرى تۋرالى باياندادى.

پرەزيدەنتتىڭ قازاقستان حالقىنا ارناعان «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» جولداۋىنىڭ نەگىزىندەگى مىندەتتەر مەن قازاقستان رەسپۋبليكاسىنىڭ 2019-2021 جج. ارنالعان ىشكى ىستەر ورگاندارىن جاڭعىرتۋ جونىندەگى جول كارتاسىنىڭ ٴىس جۇزىنە اسىرىلۋى بويىنشا شارالار تالقىلاندى.

سونىمەن قاتار، قۇقىق بۇزۋشىلىقتاردىڭ الدىن-الۋ، قىلمىسپەن كۇرەس جانە قوعامدىق ٴتارتىپتى ساقتاۋ بويىنشا قابىلدانىپ جاتقان شارالار، حالىققا كورسەتىلەتىن مەملەكەتتىك قىزمەتتەر ساپاسىن ارتتىرۋ، تۇرعىنداردى تىركەۋ، اكىمشىلىك جانە قىلمىستىق-پروسەسسۋالدىق قىزمەتتەردى سيفرلاندىرۋدى ەنگىزۋ، جەكە قۇرام اراسىندا ٴتارتىپ پەن زاڭدىلىقتى نىعايتۋ بويىنشا كوميسسيا قىزمەتىنىڭ ماسەلەلەرى جونىندە وڭىرلەردىڭ اكىمدەرى مەن پوليسيا دەپارتامەنتتەرىنىڭ باسشىلارى تىڭدالدى.

ۋچاسكەلىك پوليسيا ينسپەكتورلارىنىڭ ٴرولىن ارتتىرۋعا، تۇرعىن ۇيمەن جاپسارلاس ۋچاسكەلىك پوليسيا پۋنكتتەرىن سالۋعا، مەكتەپ ينسپەكتورلارىنىڭ ينستيتۋتىن ودان ٴارى دامىتۋعا ەرەكشە كوڭىل ٴبولىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي