استانا: 
استانا، baq.kz ٴتىلشىسى. ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ٴبىلىم جانە عىلىم مينيسترلىگى مەن دەنساۋلىق ساقتاۋ مينيسترلىگىنە حالىقتى تولعاندىرىپ وتىرعان ماسەلەلەر بويىنشا جۇمىس كەڭەسىن قۇرۋدى تاپسىردى.
«ٴبىلىم جانە عىلىم، دەنساۋلىق ساقتاۋ مينيسترلىكتەرىنە حالىقتى الاڭداتىپ وتىرعان وزەكتى ماسەلەلەردى شەشۋ بويىنشا جۇمىس كەڭەسىن دايىنداۋدى تاپسىرامىن. نەگىزگى ەكپىن - ول وقۋ قۇنىن، سونداي-اق مەديسينالىق قىزمەتتەر دارى-دارمەكتىڭ باعاسىن تومەندەتۋ. مەرزىمى ەكى اپتا»، - دەدى ۇكىمەت باسشىسى.
سونداي-اق باقىتجان ساعىنتايەۆ اقپارات جانە كوممۋنيكاسيالار مينيسترلىگىنە اتالعان جۇمىستارعا اقپاراتتىق سۇيەمەلدەۋ جاساۋدى تاپسىردى.
وسىعان دەيىن ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ەنەرگەتيكا جانە ۇلتتىق ەكونوميكا مينيسترلىكتەرىنە تاريفتەرتەردى تومەندەتۋگە باعىتتالعان جۇيەلى ٴىس-شارالار جوسپارىن ازىرلەۋدى تاپسىرعانىن، ۇلتتىق ەكونوميكا ۆيسە-مينيسترىنە سوگىس جاريالاعانىن، باعانى نەگىزسىز وسىرۋگە جول بەرگەن مونوپوليستەردى جازالاۋدى تاپسىرعانىن، ۇلتتىق ەكونوميكا مينيسترىنە ارنايى تاپسىرما بەرگەنىن، كومىر مەن تاۋارلاردىڭ باعاسىن ەرەكشە باقىلاۋدا ۇستاۋدى تاپسىرعانىن جازعانبىز.
ايتا كەتەيىك، وتكەن اپتادا اقوردادا مەملەكەت باسشىسى نۇرسۇلتان نازاربايەۆ قاۋىپسىزدىك كەڭەسىنىڭ كەزەكتى وتىرىسىن وتكىزدى. جيىندا ەلەكتر جانە جىلۋ ەنەرگيالارىنىڭ قولدانىستاعى ٴتاريفى مەن ەنەرگەتيكالىق قىزمەت نارىعىنداعى باعانىڭ بەلگىلەنۋىنە باقىلاۋ جاسايتىن مەملەكەتتىك ورگانداردىڭ جۇمىسى سىنعا الىندى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1792 
0
4866
0