BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ ەۋرازيالىق ەكونوميكالىق كوميسسيا كەڭەسىنىڭ وتىرىسىنا قاتىستى

قر پرەمەر-مينيسترىنىڭ ٴبىرىنشى ورىنباسارى باقىتجان ساعىنتايەۆ ۆيدەكونفەرەنسبايلانىس رەجىمىندە وتكەن ەۋرازيالىق ەكونوميكالىق كوميسسيا (ەەك) كەڭەسىنىڭ وتىرىسىنا قاتىستى، دەپ حابارلايدى pm.kz.

كەڭەس مۇشەلەرى تاۋارلاردىڭ ناقتى تۇرلەرىنە كەدەندىك اكەلىم باجىنىڭ مولشەرلەمەسىن تومەندەتۋگە بايلانىستى كەدەندىك-تاريفتىك رەتتەۋ ماسەلەلەرىن قارادى.

سونىمەن، قازاقستاندىق كاسىپورىنداردىڭ ٴوتىنىشى بويىنشا قازاقستان رەسپۋبليكاسىنىڭ اۋماعىنا 2016 جىلعى 1 قىركۇيەكتەن باستاپ 2021 جىلعى 31 تامىزعا دەيىن اكەلىنەتىن تيتان وكسيدىنىڭ كەدەندىك باجىنان بوساتۋ تۋرالى شەشىم قابىلداندى. اتالعان شارا ٴوندىرىس شىعىنىن تومەندەتۋگە، سونداي-اق وتاندىق تيتان ونىمدەرىن وندىرۋشىلەردىڭ باسەكەگە قابىلەتتىلىگىن ارتتىرۋعا مۇمكىندىك بەرەدى.

بۇدان وزگە، وتىرىس بارىسىندا ەلەكتر قوزعالتقىشى بار اۆتوكولىكتەرگە، سونداي-اق تابيعي گازدى وتىن رەتىندە پايدالاناتىن كولىك قۇرالدارى كومپونەنتتەرىنىڭ جەكەلەگەن تۇرلەرى ٴۇشىن كەدەندىك اكەلىم باجىنىڭ مولشەرلەمەسىن تومەندەتۋ ماقۇلداندى. قازاقستان ٴۇشىن اتالعان شارالار «جاسىل» ەكونوميكاعا كوشۋ اياسىندا باسىمدىقتى بولىپ تابىلادى.

ەەك كەڭەسىنىڭ مۇشەلەرى سونداي-اق سىرتقى ەكونوميكالىق قىزمەت جۇيەسىندەگى «بىرەگەي تەرەزە» تەتىگىن جۇزەگە اسىرۋ بويىنشى تولىق ٴىس-شارالار جوسپارىن ماقۇلدادى، ول بيزنەس ۇدەرىستەردى وڭتايلاندىرۋدىڭ ٴتيىمدى قۇرالى بولىپ تابىلادى جانە ەكسپورتتىق-يمپورتتىق وپەراسيالار كەزىندە كاسىپكەرلەردىڭ شىعىندارىن تومەندەتۋگە مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي