BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ «باستاۋ-بيزنەس» جوباسىن اياقتاعاندارعا ميكروكرەديت بەرۋ ماسەلەسىن شەشۋدى تاپسىردى

فوتو: Нұржас Жақсыбай

استانا، baq.kz. قر ۇكىمەت باسشىسى باقىتجان ساعىنتايەۆ ەڭبەك جانە حالىقتى الەۋمەتتىك قورعاۋ مينيسترلىگى مەن باسقا دا ۆەدومستۆو باسشىلارىنا جۇمىسپەن قامتۋدىڭ جانە جاپپاي كاسىپكەرلىكتى دامىتۋدىڭ 2017–2021 جىلدارعا ارنالعان «ەڭبەك» مەملەكەتتىك باعدارلاماسىنىڭ جوباسىن جۇزەگە اسىرۋ جونىندە ٴبىرقاتار تاپسىرما بەردى.

«جالپى، باعدارلامانىڭ جوسپارلى كورسەتكىشتەرى جامان ەمەس. جىلدىڭ سوڭىنا دەيىن ٴالى ەكى اي بار. قۇرمەتتى اكىمدەر، باياندامالارىڭىزدا ايتىپ وتىرعانداي، وڭىرلەردە جۇمىستى ارى قاراي جىلدامداتىپ، جىلدىڭ سوڭىندا جوسپارلانعان كورسەتكىشتىڭ بارىنە قول جەتكىزۋىمىز قاجەت. بۇدان باسقا ەڭبەك جانە حالىقتى الەۋمەتتىك قورعاۋ مينيسترلىگى، ۇەم، اشم-مەن بىرلەسىپ، نىسانالى توپتاردى، اتاپ ايتقاندا جۇمىسسىزدار مەن ٴوزىن-وزى جۇمىسپەن قامتىپ وتىرعان ادامداردىڭ تابىسىن ارتتىرۋ ٴۇشىن ازاماتتاردى ناتيجەلى جۇمىسپەن قامتۋعا تارتۋ بويىنشا قابىلداپ جاتقان شارالاردىڭ اسەرىنە مونيتورينگ جۇرگىزۋ جۇيەسىن جولعا قويۋ كەرەك. سول سەبەپتەن ٴمادينا ەراسىلقىزى، «اتامەكەن» پالاتاسىمەن جانە وڭرىلەرمەن بىرگە «باستاۋ-بيزنەس» جوباسى بويىنشا وقۋىن اياقتاعان ادامدارعا ميكرونەسيە بەرۋ بويىنشا ماسەلەنى تولىق شەشۋىمىز قاجەت. ٴبىر جىل بويى ول جاعىن ايتىپ كەلە جاتىرمىز. كەلەسى جىلى ٴبىر باعىتقا كوشۋىمىز قاجەت»، - دەدى ۇكىمەت باسشىسى.

پرەمەر-مينيستر باعدارلاما ارقىلى وقىعانداردىڭ 33 پايىز جۇمىسپەن قامتىلۋ كورسەتكىشى تومەن ەكەنىن ەسكەرتى.

«بۇل باسا نازار اۋداراتىن ماسەلە. وڭىرلەردىڭ وزىندىك جوباسى بار. بۇل ٴبىزدىڭ جوبا مەن ەكى ارادا ٴبىراز اربيتراج بولىپ تۇر. سول سەبەپتەن الداعى ۋاقىتتا وسىنداي جاعدايلار بولماۋ ٴۇشىن قاراۋ كەرەك. ەگەر وڭىرلىك باعدارلاما كەيبىر جاعدايلار بويىنشا، مىسالى نەسيەنى پروسەنتپەن بەرۋ جەڭىلدەتىلگەن بولسا، سۇرانىستىڭ ٴبارى وسى باعدارلاماعا كەلەتىن بولسا، وندا سول وڭىرلەرگە قارجىنىڭ ٴبولىنۋى باسقاشا شەشىلۋى كەرەك. ونى قوسىمشا تاعى تالقىلاۋعا ٴتيىسپىز. كەلەسى جىلى مۇنداي اربيتراج بولۋى دۇرىس ەمەس. وزەكتەندىرىلگەن باعدارلامانىڭ تيىمدىلىگى تۇرعىنداردىڭ تابىسىنىڭ وسۋىنە قاراي دا باعالانۋى ٴتيىس. ەڭبەك جانە ناتيجەلى جۇمىسپەن قامتۋ جانە جاپپاي كاسىپكەرلىكتەردى دامىتۋ مەملەكەتتىك باعدارلاماسىنىڭ جوباسىن، وعان ەنگىزىلگەن وزگەرىستەردى ەسكەرە وتىرىپ، ماقۇلداۋعا بولادى. ەلباسىمەن كەزىككەننەن مەملەكەتتىك باعدارلامانىڭ جوباسى ۇكىمەت مۇشەلەرىنىڭ داۋىس بەرۋىنە ەنگىزىلەتىن بولسىن. ەربولات اسقاربەك ۇلى، بۇل شارۋا ٴسىزدىڭ باقىلاۋىڭىزدا»، - دەدى ۇكىمەت باسشىسى.

وسىعان دەيىن بۇگىنگى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا پرەمەر-مينيستر باقىتجان ساعىنتايەۆتان «ەڭبەك» مەملەكەتتىك باعدارلاماسىنا ەنگىزىلگەن جاڭا تەتىكتەر مەن وزگەرىستەردى ماقۇلداۋدى جانە ونىڭ ٴىس-شارالارىن ٴتيىمدى ىسكە اسىرۋ ٴۇشىن ٴبىلىم جانە عىىم، ۇلتتىق ەكونوميكا، اۋىل شارۋاشىلىعى مينيسترلىكتەرىنە ٴۇش كۇن ىشىندە قاجەتتى نورماتيۆتىك قۇقىقتىق اكتىلەردى ازىرلەۋدى تاپسىرۋدى سۇراعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي