BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەسپۋبليكالىق بيۋدجەتكە 5 ترلن تەڭگە كىرىس كىردى

استانا، baq.kz ٴتىلشىسى. 2018 جىلدىڭ 11 ايىندا رەسپۋبليكالىق بيۋدجەتكە 5 ترلن 254 ملرد تەڭگە كىرىستەر تۇسكەن. بۇل تۋرالى قارجى ٴمينيسترى ٴاليحان سمايىلوۆ سەيسەنبىدەگى ۇكىمەت وتىرىسىندا مەملەكەتتىك بيۋدجەتتىڭ ورىندالۋ كورسەتكىشتەرى تۋرالى بايانداماسىندا مالىمدەدى.

«مەملەكەتتىك بيۋدجەتتىڭ كىرىستەرى جوسپاردان 102،6%-كە اسىرا ورىندالدى. بيۋدجەتكە 7 ترلن 385 ملرد تەڭگە قارجى ٴتۇستى. بۇل 2017 جىلدىڭ فاكتىسىنەن 232 ملرد تەڭگەگە كوپ. رەسپۋبليكالىق بيۋدجەت كىرىستەرىنىڭ جوسپارى 102،1% جانە جەرگىلىكتى بيۋدجەتتەردىڭ 104%ە ورىندالدى. قارجى مينيسترلىگى بىرنەشە رەت جەرگىلىكتى جانە ورتالىق مەملەكەتتىك ورگاندارمەن قاراجاتتىڭ يگەرىلۋ بارىسىن سەلەكتورلىق كەڭەستەردە تالقىلادى»، - دەدى قارجى ٴمينيسترى.

ونىڭ ايتۋىنشا، وسى ٴىس-شارالاردىڭ ناتيجەسىندە 2017 جىلدىڭ 11 ايىمەن سالىستىرعاندا يگەرۋ قارقىنى ٴبىراز جاقسارعان. مەملەكەتتىك بيۋدجەتتىڭ شىعىستارى 98،1%-كە يگەرىلسە، رەسپۋبليكالىق – 98،6%، جەرگىلىكتى بيۋدجەتتەر 98،2% يگەرىلدى.

سونداي-اق، پرەمەر-مينيستر باقىتجان ساعىنتايەۆتىڭ تاپسىرماسى بويىنشا ۇكىمەتتىڭ قاراۋىنا بيۋدجەت زاڭناماسى شەڭبەرىندە رەسپۋبليكالىق بيۋدجەتتىڭ شىعىستارىن تۇزەتۋ تۋرالى ٴتيىستى قاۋلى ەنگىزىلدى.

«ەسەپتى كەزەڭدەگى باستى جەتىستىكتەردىڭ ٴبىرى – ٴتيىمدى پروسەنتپەن ەۋرووبليگاسيالاردى شىعارۋ بولدى. ول بيۋدجەت تاپشىلىعىن قارجىلاندىرۋعا جانە ۇكىمەتتىڭ سىرتقى قارىزدارىنا ديۆەرسيفيكاسيا جاساۋعا مۇمكىندىك بەرەدى»، - دەدى سمايىلوۆ.

11 ايدا رەسپۋبليكالىق بيۋدجەتكە 5 ترلن 254 ملرد تەڭگە كىرىستەر تۇسكەن. شيكى مۇنايعا سالىناتىن ەكسپورتتىق كەدەن باجى جانە پايدالى قازبالاردى وندىرۋگە سالىناتىن سالىقتاردىڭ جىلدىق جوسپارى 109 ملرد تەڭگەگە جانە 38 ملرد تەڭگەگە اسىرا ورىندالعان. كىرىستەردىڭ ٴوسۋ قارقىنى 120% قۇراپ، بىلتىرعى جىلدىڭ وسىنداي كەزەڭىمەن سالىستىرعاندا بيۋدجەتكە 873 ملرد تەڭگە كوپ ٴتۇستى. ولار نەگىزىنەن سالىقتاردىڭ ەسەبىنە كەلەدى»، - دەدى قارجى ٴمينيسترى.

ول سالىقتاردىڭ وسۋىنە بىرىنشىدەن، ەكونوميكانىڭ جەكەلەگەن سالالارىنداعى تاۋارلار ٴوندىرۋ مەن قىزمەتتتەر كورسەتۋدىڭ كولەمىنىڭ ۇلعايۋى اسەرىن تيگىزگەنىن اتاپ ٴوتتى. ەكىنشىدەن، نەگىزگى ەكسپورتتىق پوزيسيالار بويىنشا باعانىڭ جانە مۇنايدىڭ، اقش دوللارىنىڭ ورتاشا باعاسىنىڭ ٴوسۋى دە سەبەپ بولسا، ۇشىنشىدەن، سالىقتىق جانە كەدەندىك اكىمشىلەندىرۋ جاقسارعان. ونىڭ ىشىندە، «سالىقتاردى جيناۋدى كوبەيتۋ» جوباسى بويىنشا بيۋدجەتكە 91،5 ملرد.تەڭگە كىرىستەر تۇسكەن.

«كىرىستەردىڭ، ونىڭ ىشىندە سالىقتاردىڭ اي سايىنعى ورىندالۋ سەرپىنىن ەسكەرە وتىرىپ، جىل سوڭىندا رەسپۋبليكالىق بيۋدجەتتىڭ تازا كىرىستەرى شامامەن 103% ورىندالادى دەپ كۇتىلۋدە»،- دەدى ول.

ەستەرىڭىزگە سالا كەتەيىك، بۇگىن ۇكىمەت وتىرىسىندا ۇلتتىق ەكونوميكا ٴمينيسترى ٴجىو-نىڭ تۇراقتى ەكەنىن ايتقان بولاتىن.سونىمەن قاتار، ەكونوميكالىق ٴوسىم بويىنشا ارتتا قالعان وڭىرلەر سانى ارتقانىن جانە ورتاشا جالاقى 159 مىڭ تەڭگەنى قۇراعانىن ايتسا، ۇلتتىق بانك ٴتوراعاسى "7/20/25" باعدارلاماسى بويىنشا قانشا ٴوتىنىش ماقۇلدانعانىن جەتكىزگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي