BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرتاي سابيليانوۆ: مەملەكەتتىك-جەكەمەنشىك ارىپتەستىك سالاسىندا جۇيەلى جۇمىس جوق

استانا، baq.kz ٴتىلشىسى. ۇكىمەت ساعاتىندا ٴماجىلىس دەپۋتاتى نۇرتاي سابيليانوۆ مەملەكەتتىك-جەكەمەنشىك ارىپتەستىك سالاسىنداعى كەمشىلىكتەردى اتادى.

«وزدەرىڭىز بىلەسىزدەر، مەملەكەتتىك-جەكەمەنشىك ارىپتەستىكتىڭ ماقساتى - قىزمەت سالاسىنىڭ كەڭ سپەكترىندەگى قوعامدىق ماڭىزى بار جوبالاردى، ماسەلەن، ەكونوميكانىڭ ستراتەگيالىق ماڭىزدى سالالارىن دامىتۋدان باستاپ قوعامدىق قىزمەت كورسەتۋدى ۇسىنۋعا دەيىنگى ماسەلەلەردى ىسكە اسىرۋ. مەملەكەت باسشىسى نۇرسۇلتان نازاربايەۆ ٴوزىنىڭ بيىلعى جىلعى قازان ايىنداعى «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىندا جەكە ينۆەستيسيالاردى ىنتالاندىرۋ قاجەتتىلىگىن اتاپ ٴوتتى. ويتكەنى بيزنەس جاڭا جۇمىس ورىندارىن اشادى جانە قازاقستاندىقتاردىڭ كوپشىلىگىن تابىسپەن قامتاماسىز ەتەدى. سونداي-اق مەملەكەتتىك-جەكەمەنشىك ارىپتەستىك تەتىكتەرىن بيۋدجەت شىعىندارىن «جەڭىلدەتۋ ٴۇشىن» دە بەلسەندىرەك قولدانۋ قاجەت»، - دەدى سابيليانوۆ.

دەپۋتات مەملەكەتتىك-جەكەمەنشىك ارىپتەستىك سالاسىنداعى كەمشىلىكتەردى اتادى. ونىڭ ايتۋىنشا، بىرىنشىدەن، ەكونوميكانىڭ بارلىق سالاسى مەن قىزمەت اياسى مەملەكەتتىك-جەكەمەنشىك ارىپتەستىك جوبالارىمەن جەتكىلىكتى قامتىلماعان. «قازاقستان 2050» ستراتەگياسىن، سونداي-اق «100 ناقتى قادام» ۇلت جوسپارىن ىسكە اسىرۋ ماقساتىندا 2015 جىلى «مەملەكەتتىك-جەكەمەنشىك ارىپتەستىك تۋرالى» زاڭ قابىلداندى. زاڭدا قولدانۋدىڭ بارلىق سالالارى بويىنشا شەكتەۋلەردى الۋ، قاتىسۋشىلاردىڭ قۇرامىن كەڭەيتۋ، مەملەكەتتىك-جەكەمەنشىك ارىپتەستىكتىڭ كونكۋرستىق ٴراسىمىن جەڭىلدەتۋ جانە تاعى باسقالار كوزدەلگەن.

«بۇگىنگى كۇنى ەكونوميكانىڭ ٴارتۇرلى سەكتورىندا مەملەكەتتىك-جەكەمەنشىك ارىپتەستىكتىڭ 1 000 اسا جوباسى بەكىتىلگەن، 443 شارت جاسالعان، ونىڭ 66 پايىزى ٴبىلىم بەرۋ، 16 پايىزى دەنساۋلىق ساقتاۋ، 8 پايىزى مادەنيەت جانە سپورت سالالارىنا، 9 پايىزى قالعان قىزمەت سالالارىنا تيەسىلى. سۋمەن جابدىقتاۋ جانە كارىزدەندىرۋ، ەنەرگيامەن جابدىقتاۋ، كولىك، جول قۇرىلىسى، قاۋىپسىزدىك، بايلانىس، اۋىل شارۋاشىلىعى،تۋريزم، تۇرعىن ٴۇي قۇرىلىسى، الەۋمەتتىك سالا، مادەنيەت سالالارى ٴىس جۇزىندە مەملەكەتتىك-جەكەمەنشىك ارىپتەستىك جوبالارىمەن قامتىلماعان. ماسەلەن، الەۋمەتتىك سالادا بار بولعانى 4 جوبا، اۋىل شارۋاشىلىعىندا – 7 جوبا عانا ىسكە اسىرىلۋدا»، - دەدى نۇرتاي سابيليانوۆ.

ماجىلىسمەننىڭ ايتۋىنشا، سونىمەن قاتار ٴۇش جىل ىشىندە ارنايى ەكونوميكالىق ايماقتار ينفراقۇرىلىمىن سالۋ كەزىندە مەملەكەتتىك-جەكەمەنشىك ارىپتەستىكتىڭ بىردە-بىر جوباسى ىسكە اسىرىلماعان. ول ٴۇشىن پارلامەنتتە «مەملەكەتتىك-جەكەمەنشىك ارىپتەستىك تۋرالى» زاڭ قابىلدانىپ، وندا قۇقىقتىق تەتىك قالانعان ەدى. ٴبىراق كوپتەگەن ارنايى ەكونوميكالىق ايماقتاردىڭ ينفراقۇرىلىمى ٴالى سالىنباعان. ٴسويتىپ، «مەملەكەتتىك-جەكەمەنشىك ارىپتەستىك تۋرالى» زاڭ قابىلدانىپ، مەملەكەتتىك-جەكەمەنشىك ارىپتەستىكتى قۇرۋ مۇمكىندىكتەرى كەڭەيگەننەن كەيىن دە جاعداي وزگەرگەن جوق.

«وسىعان بايلانىستى ۋاكىلەتتى ورگانعا، ونىڭ ىشىندە «مەملەكەتتىك-جەكەمەنشىك ارىپتەستىكتىڭ قازاقستاندىق ورتالىعى» اكسيونەرلىك قوعامىنا مىناداي سۇراقتار تۋىنداپ وتىر: مەملەكەتتىك-جەكەمەنشىك ارىپتەستىكتى العا جىلجىتۋ بويىنشا جۇيەلى جۇمىس جوق; سالالىق ۋاكىلەتتى جانە جەرگىلىكتى اتقارۋشى ورگاندار اراسىنداعى جۇمىستار ۇيلەستىرىلمەگەن; سالالاردى مەملەكەتتىك-جەكەمەنشىك ارىپتەستىك جوبالارىمەن قامتۋدى ارتتىرۋدا مۇددەلىلىك جوق; جۇمىس ىستەپ تۇرعان جانە جوسپارلانعان مەملەكەتتىك-جەكەمەنشىك ارىپتەستىك جوبالارىنىڭ تيىمدىلىگىنە تالداۋ جۇرگىزىلمەيدى; سالالار، سونداي-اق وڭىرلەر مەن جالپى رەسپۋبليكا بويىنشا پروبلەمالار جانە قاجەتتىلىكتەر ەسكەرىلمەيدى، نەگە؟»، - دەپ سۇرادى ٴماجىلىس دەپۋتاتى.

نۇرتاي سابيليانوۆ تاعى ٴبىرقاتار كەمشىلىكتى اتادى، ولار: مەملەكەتتىك-جەكەمەنشىك ارىپتەستىك جوبالارىنىڭ ينۆەستيسيالىق تارتىمدىلىعىنىڭ تومەندىگى، مەملەكەتتىك-جەكەمەنشىك ارىپتەستىك جوبالارىن ٴتيىمسىز ىسكە اسىرىلۋى، سالالىق نورماتيۆتىك قۇقىقتىق اكتىلەردىڭ جەتىلدىرىلمەۋى جانە تاعى باسقا.

«ٴسوز سوڭىندا ايتارىم، جۇيەلى مەملەكەتتىك شارالار بەلگىلى ٴبىر تيىمدىلىگىن بەرەرى ٴسوزسىز. ٴبىراق مەملەكەتتىك-جەكەمەنشىك ارىپتەستىكتى ودان ٴارى دامىتۋ ٴۇشىن قاجەتتى جاعداي جاساۋدا ٴالى دە بولسا كوپتەگەن جۇمىستار اتقارۋ كەرەك. بيۋدجەت قاراجاتىن ٴتيىمدى پايدالانۋعا ەرەكشە كوڭىل ٴبولۋ قاجەت. مەملەكەت باسشىسى تاپسىرعانداي، وڭتايلاندىرۋ كەزىندە بوساعان بيۋدجەت قاراجاتىن ٴبىرىنشى كەزەكتە حالىق ٴۇشىن ناقتى پايدا كەلتىرەتىن جوبالارعا جۇمساۋ كەرەك»، - دەپ تۇيىندەدى دەپۋتات.

بۇعان دەيىن قر ۇلتتىق ەكونوميكا ٴمينيسترى تيمۋر سۇلەيمەنوۆ مەملەكەتتىك – جەكەمەنشىك سەرىكتەستىك شارتتار سوماسى 1،1 ترلن تەڭگەگە جەتكەنىن ايتقان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي