«نۇرلى جەر» اياسىندا بانكتەر يپوتەكانى 10%-بەن بەرەدى - ۇكىمەت|12 جەلتوقسان 2016، 10:56
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەر» اياسىندا بانكتەر يپوتەكانى 10%-بەن بەرەدى

2017 جىلدان باستاپ قازاقستاندىق يپوتەكالىق كومپانيا حالىققا 17 پايىزبەن بەرىلەتىن ەكىنشى دەڭگەيدەگى بانكتەردىڭ يپوتەكاسىن 7 جىل ىشىندە 7 پايىزبەن سۋبسيديالايتىن بولادى. وسىلايشا، قارىز الۋشى ٴۇشىن سىياقى مولشەرلەمەسى 10 پايىزدى قۇرايدى. بۇل تۋرالى تۇرعىن ٴۇي قۇرىلىسى ٴبىرىڭعاي باعدارلاماسىنىڭ تۇجىرىمداماسى تالقىلانىپ جاتقان ۇكىمەت وتىرىسىندا «بايتەرەك» ۇلتتىق باسقارۋشى حولدينگى» اق باسقارما ٴتوراعاسى ەربولات دوسايەۆ ٴمالىم ەتتى، دەپ حابارلايدى baq.kz ٴتىلشىسى.

«بايتەرەك» حولدينگى «نۇرلى جەر» باعدارلاماسىنىڭ 4 باعىتىنا بەلسەندى قاتىسادى. قولجەتىمدى يپوتەكالىق قارىزداردى بەرۋ جولىمەن حالىقتىڭ سۇرانىسىن ىنتالاندىرۋ باعىتى بويىنشا تۇپكىلىكتى قارىز الۋشى ٴۇشىن سىياقى مولشەرلەمەسىن سۋبسيديالاۋ تەتىگى ارقىلى قولجەتىمدى تۇرعىن ۇيمەن قامتاماسىز ەتۋگە ەكىنشى دەڭگەيدەگى بانكتەردى تارتۋ جوسپارلانعان. بۇل باعىتتا ەكىنشى دەڭگەيدەگى بانكتەردىڭ يپوتەكالىق مىندەتتەمەلەرىن ساتىپ الۋ ٴۇشىن 2001 جىلى قۇرىلعان قازاقستاندىق يپوتەكالىق كومپانيا وپەراتور بولادى»، - دەدى ە.دوسايەۆ.

ونىڭ ايتۋىنشا، 2017 جىلدان باستاپ قازاقستاندىق يپوتەكالىق كومپانيا حالىققا 17 پايىزبەن بەرىلگەن ەكىنشى دەڭگەيدەگى بانكتەردىڭ يپوتەكاسىن 7 جىل ىشىندە 7 پايىزبەن سۋبسيديالايدى. وسىلايشا، قارىز الۋشى ٴۇشىن تۇپكىلىكتى سىياقى مولشەرلەمەسى 10 پايىزدى قۇرايتىن بولادى.

«بۇل اي سايىنعى تولەمدەرى ورتا ەسەپپەن 30 پايىزعا تومەندەتەدى. 10 مىڭنان اسا قارىز الۋشى ەكىنشى دەڭگەيدەگى بانكتەر ارقىلى جەڭىلدەتىلگەن يپوتەكا الا الادى»، - دەدى ول.

2017 جىلعى رەسپۋبليكالىق بيۋدجەتتە ەكىنشى دەڭگەيدەگى بانكتەردىڭ 125 ملرد. تەڭگە يپوتەكاسىن سۋبسيديالاۋعا مۇمكىندىك بەرەتىن 10 ملرد. تەڭگە قاراجات كوزدەلگەن.

«قازاقستاندىق يپوتەكالىق كومپانيانىڭ سىياقىسى يپوتەكالىق قورجىن كولەمىنىڭ 1،3 پايىزىن قۇرايدى. اتالعان شارا سۋبسيديالاۋ تەتىگىنە قاتىسۋشى بانكتەر سانىنىڭ ٴوسۋىن ىنتالاندىرۋعا جاعداي جاسايدى»، - دەدى ە.دوسايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي