BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نىعماتۋلين ۆيسە-مينيسترگە: قازاقشا ۇيرەنەتىن ۋاقىت كەلگەن شىعار

استانا، baq.kz ٴتىلشىسى. ٴبىلىم جانە عىلىم ۆيسە-مينيسترى بيبىگۇل اسىلوۆا قازاقشا قويىلعان سۇراققا ورىسشا جاۋاپ بەرگەنى ٴۇشىن ٴماجىلىس ٴتوراعاسى نۇرلان نىعماتۋليننەن ٴسوز ەستىپ قالدى.

بۇگىن ماجىلىستە «2018-2020 جىلدارعا ارنالعان رەسپۋبليكالىق بيۋدجەت تۋرالى» قر زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىعا سالىندى.

وتىرىستا دەپۋتات مۇسىرمان كارىبايەۆ ٴبىلىم جانە عىلىم ۆيسە-مينيسترى بيبىگۇل اسىلوۆاعا ٴوزىن تولعاندىرىپ جۇرگەن ساۋالعا جاۋاپ بەرۋىن سۇرادى.

«بيبىگۇل امانگەلدىقىزى، بيۋدجەتتى كوكتەمگى ناقتىلاۋ كەزىندە مەملەكەت باسشىسى جولداۋىندا قويىلعان مىندەتتەردى جانە پرەزيدەنتتىڭ 5 الەۋمەتتىك باستاماسىن، سونداي-اق باسقا دا مىندەتتەردى ىسكە اسىرۋ ٴۇشىن ٴبىلىم جانە عىلىم مينيسترلىگىنىڭ شىعىستارى 117 ملرد 800 ملن تەڭگەگە ۇلعايتىلدى. الايدا قازىرگى تاڭدا اتالعان سومما 23 ملرد تەڭگەگە ازايتىلدى. بۇل بولىنگەن قوسىمشا قاراجاتتىڭ شامامەن 20%-نە تەڭ. بۇل مينيسترلىكتىڭ قوسىمشا بولىنگەن بيۋدجەت قاراجاتىنىڭ وسىنشا قوماقتى سومماسىن يگەرمەۋ سەبەبى قانداي؟ بۇل مەملەكەت باسشىسىنىڭ بەرگەن تاپسىرمالارىن تولىق ٴارى ۋاقتىلى ورىنداۋعا تەرىس اسەرىن تيگىزبەي مە؟»، - دەدى ول.

الايدا ۆيسە-مينيستر قويىلعان سۇراققا ورىسشا جاۋاپ بەردى.

وسى ورايدا نۇرلان نىعماتۋلين بيبىگۇل اسىلوۆاعا قازاقشا ۇيرەنەتىن ۋاقىت كەلگەنىن ايتتى.

«بيبىگۇل امانگەلدىقىزى، ٴسىز ماجىلىستە بارلىق ٴمۇعالىم مەن وقۋشىنى 3 ايدا اعىلشىنشا ۇيرەتىپ جاتىرمىز دەدىڭىز. ٴبىراق سىزگە دە مەملەكەتتىك تىلگە ۇيرەنەتىن ۋاقىت كەلگەن شىعار»، - دەپ تۇيىندەدى ٴسوزىن ٴماجىلىس ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي