BAQ.kz - Қазақстан жаңалықтары USD 376.73 BAQ.kz - Қазақстан жаңалықтары EUR 427.36 BAQ.kz - Қазақстан жаңалықтары RUB 5.75
استانا:

نازاربايەۆ بوزىمبايەۆقا: ٴبىز پروبلەماعا تاپ بولعان كەزدە عانا جۇمىس ىستەي باستايمىز

فوتو: Forbes.kz

ۇكىمەتتىڭ كەڭەيتىلگەن وتىرىسى كەزىندە نۇرسۇلتان نازاربايەۆ ٴتورتىنشى مۇناي وندىرەتىن زاۋىتتىڭ سالىنۋىنا قاتىستى پىكىر ٴبىلدىردى، دەپ حابارلايدى baq.kz ٴتىلشىسى.

«ٴبىز ٴۇش مۇناي زاۋىتىن مودەرنيزاسيالايمىز. الداعى 3-4 جىلدا دەفيسيت بولمايدى. وسىعان قاراماستان مەملەكەتتى وتىنمەن قامتاماسىز ەتۋ ماسەلەسى ٴجيى كوتەرىلىپ وتىرادى. ٴبىز ٴۇش مۇناي زاۋىتىن مودەرنيزاسيالاعاندا، الداعى ٴۇش-تورت جىلدا قازاقستاندا جانعىش-مايلاۋ ماتەريالدارىنىڭ جەتىسپەۋشىلىگى، راسىمەن دە، بولماي ما، قانات بوزىمبايەۆ؟ كەيىن تاعى يمپورت جاساۋىمىزعا تۋرا كەلەدى ەمەس پە؟! مەن دەرەۋ ٴتورتىنشى زاۋىتتى سالۋ كەرەك ەكەنىن ۇسىنعانىمدا، جانعىش-مايلاعىش ماتەريالداردىڭ ارتىلىپ، ولاردى پايدالانىپ ۇلگەرمەي قالاتىنىمىزدى ايتتىڭىز. ياعني ٴبىز پروبلەمامەن بەتپە-بەت كەزدەسكەن كەزدە عانا جۇمىس ىستەي باستايمىز. ٴبىزدىڭ ينۆەستورلارمەن قاراشىعاناق تۋرالى سويلەستىك، ياعني مۇناي زاۋىتىنىڭ سالىنۋىنا قاتىستى جىلدامىراق شەشىم شىعارۋىمىز قاجەت»، - دەپ تاپسىردى ەلباسى.

مۇنىمەن قاتار، نازاربايەۆ ٴتورتىنشى مۇناي زاۋىتىن سالۋ وسىدان 10 جىل بۇرىن ۇسىنىلعانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي