BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينيستر ۇيالى تەلەفوندى تىركەۋ جايلى: جاڭا جىل تۇنىندە ەشكىم بايلانىسسىز قالمايدى

استانا، baq.kz ٴتىلشىسى. ەلىمىزدەگى 26 ملن قۇرىلعىنىڭ imei كود بويىنشا 14 ميلليونى عانا تىركەلگەنىنە قاراماستان جاڭا جىل تۇنىندە ەشكىم بايلانىسسىز قالمايدى. قر اقپارات جانە كوممۋنيكاسيالار ٴمينيسترى داۋرەن ابايەۆ وسىلاي دەپ سەندىردى.

2019 جىلعى 1 قاڭتاردا ۇيالى بايلانىس پايدالانۋشىلارىنىڭ ابونەنتتىك قۇرىلعىلارىن مىندەتتى تىركەۋ ەرەجەسى كۇشىنە ەنەدى. وسىعان وراي، ٴماجىلىس دەپۋتاتى ميحايل چيركوۆ ۇكىمەت ساعاتىندا مينيستردەن «وسى مەرزىمگە دەيىن ۇيالى تەلەفونىن تىركەمەگەندەر بايلانىسسىز قالادى ما؟» دەپ سۇرادى.

«مالىمەتكە ساي، 26 ملن ابونەنتتىڭ تەك 14 ميلليونى تىركەۋدەن وتكەن، بۇل جارتىسىنان كوبى عانا. وسىعان بايلانىستى بىرنەشە ميلليون قازاقستاندىق جاڭا جىل تۇنىندە جانە ودان كەيىن ٴبىر-بىرىن قۇتتىقتاي المايدى دەگەن كۇدىك باسىم»، - دەدى ماجىلىسمەن.

دەگەنمەن داۋرەن ابايەۆ بۇل باعىتتا قاجەتتى جۇمىستىڭ بارلىعى اتقارىلىپ جاتقانىن ايتتى.

«ارينە، ادامداردىڭ بارلىعى ۋايىمدايدى، ٴبىراق بارىپ، تىركەمەيدى. ماسەلەن، بىزدە 26 ميلليون پايدالانۋشى بار، ال حالىق سانى – 18 ميلليون. ياعني، ادامداردا بىرنەشە تەلەفوننان، 3-4 تەلەفوننان بار. ٴقازىر حالىقتىڭ 70 پايىزعا جۋىعى تىركەلگەن. قۇرىلعىلاردىڭ 2-3 پايىزى تىركەۋگە جارامايدى. مەنىڭ ويىمشا، پروبلەما بولمايدى جانە ادامدار جاڭا جىلدا بايلانىسسىز قالمايدى»، - دەدى ابايەۆ ماجىلىستە وتكەن «سيفرلىق قازاقستان» باعدارلاماسىن ىسكە اسىرۋ بارىسى تۋرالى جيىندا.

بۇعان دەيىن 2019 جىلدان باستاپ imei-كودىن تىركەمەگەن ابونەنتتەرگە ۇيالى بايلانىس قىزمەتى كورسەتىلمەيتىنىن حابارلاعان ەدىك. جوعالعان تەلەفونداردى ىزدەۋدى جەڭىلدەتۋ، قىلمىستاردى تەرگەۋگە كومەكتەسۋ ماقساتىندا بيىلعى جىلدىڭ سوڭىنا دەيىن قازاقستاندىقتار ۇيالى قۇرىلعىلارىن جسن ارقىلى تىركەۋى قاجەت. 2019 جىلدان باستاپ تىركەلمەگەن گادجەتتەرگە ۇيالى بايلانىس قىزمەتى كورسەتىلمەيدى.

بۇگىن مينيستر «وزىق ٴبىلىمدى ٴىت-ماماندارىمىزدى ۋىسىمىزدان شىعارىپ الماۋىمىز كەرەك» دەگەن بولاتىن. سونداي-اق، ەلىمىزدە اۆتوموبيل جانە مەتاللۋرگيا سالاسىن روبوتتاندىرۋ مۇمكىندىگى جوعارى ەكەنىن ايتقان ەدى. جانە دە ابايەۆ بولاشاق ماماندىقتار مەن «اقىلدى قالالاردى» اتاعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي