BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينيستر ەلىمىزدە «اقىلدى قالالار» قالاي دامىپ جاتقانىن ايتتى

استانا، baq.kz ٴتىلشىسى. قر اقپارات جانە كوممۋنيكاسيالار ٴمينيسترى داۋرەن ابايەۆ ەلىمىزدە «اقىلدى قالالار» قالاي دامىپ جاتقانىن ايتتى ايتتى.

«mckinsey ساراپشىلارى 2020 جىلى الەمدەگى سمارت قالالاردىڭ سانى 600-گە جەتەدى دەگەن بولجام جاسادى. ال تاعى 5 جىل وتكەندە بۇل شاھارلاردا ىشكى جالپى ٴونىمنىڭ 60% وندىرىلەدى. كەيبىر ەلدەردىڭ حالىقارالىق تاجىريبەسىنە سۇيەنە وتىرىپ، ٴبىز ٴوزىمىزدىڭ اقىلدى قالالار قۇرۋدىڭ كونسەپسياسىن جاسادىق. بۇل بويىنشا 5 نەگىزگى باعىت بەلگىلەندى: ٴبىلىم، دەنساۋلىق ساقتاۋ، قاۋىپسىزدىك، كولىك جانە ٴتۇرعىن-ۇي كوممۋنالدىق شارۋاشىلىعى. قازىرگى كۇنى ەلىمىزدىڭ بارلىق وبلىستارىنىڭ جانە استانا، الماتى مەن شىمكەنت قالالارىنىڭ اكىمدىكتەرى وسى سالالار بويىنشا جوبالاردى جۇزەگە اسىرىپ جاتىر. مىسالى، استانادا «سەرگەك» جۇيەسىن پايدالانۋ ارقىلى جول كولىك وقيعالارى 16%-عا تومەندەدى. ٴتۇرعىن-ۇي كوممۋنالدىق شارۋاشىلىعى سالاسى بويىنشا الماتىدا قالا كوشەلەرىن اقىلدى جارىقتاندىرۋ جۇيەسى ەلەكتر قۋاتىن 40%-عا ۇنەمدەگەن. ەلىمىزدىڭ بارلىق ايماعىندا مەكتەپكە دەيىنگى ٴبىلىم بەرۋ مەكەمەلەرىندە بالانى قابىلداۋ ٴۇردىسى اۆتوماتتاندىرىلعان»، - دەدى ابايەۆ ماجىلىستە وتكەن «سيفرلىق قازاقستان» مەملەكەتتىك باعدارلاماسىن ىسكە اسىرۋ بارىسى تۋرالى ۇكىمەت ساعاتىندا.

بۇعان دەيىن مينيستر «وزىق ٴبىلىمدى ٴىت-ماماندارىمىزدى ۋىسىمىزدان شىعارىپ الماۋىمىز كەرەك» دەگەن بولاتىن. سونداي-اق، ەلىمىزدە اۆتوموبيل جانە مەتاللۋرگيا سالاسىن روبوتتاندىرۋ مۇمكىندىگى جوعارى ەكەنىن ايتقان ەدى. جانە دە مينيستر بولاشاق ماماندىقتاردى اتاعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي