BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينيستر: بىرنەشە ٴوڭىر بيۋدجەتىن تولىق يگەرە الماي وتىر

استانا، baq.kz ٴتىلشىسى. 2018 جىلدىڭ 11 ايىنىڭ قورىتىندىسى بويىنشا جەرگىلىكتى بيۋدجەتتىڭ 28 ملرد تەڭگەسى يگەرىلمەگەن. بۇل تۋرالى قارجى ٴمينيسترى ٴاليحان سمايىلوۆ ۇكىمەت وتىرىسىندا مالىمدەدى.

ەسەپتى كەزەڭدە جەرگىلىكتى بيۋدجەتتەرگە 698 ملرد تەڭگە نىسانالى ترانسفەرتتەر ٴبولىنىپ، 668 ملرد تەڭگە (95،6%) جەرگىلىكتى ورگاندارمەن يگەرىلگەن. اتقارىلماعان 30 ملرد تەڭگەنىڭ 2 ملرد تەڭگەسى – ۇنەمدەۋ سوماسى.

«28 ملرد تەڭگە يگەرىلمەدى. بۇل وتكەن جىلدىڭ 11 ايىنداعى كورسەتكىشتەن 34 ملرد تەڭگەگە از. يگەرىلمەۋدىڭ ەڭ ٴىرى سومالارى كەلەسى وڭىرلەردە قالىپتاستى: استانا قالاسى، تۇركىستان، كىزىلوردا، شىمكەنت قالاسى جانە ماڭعىستاۋ، پاۆلودار وبلىستارى»، - دەدى قارجى ٴمينيسترى.

ونىڭ ايتۋىنشا، بيۋدجەت قارجىسى ورىندالاتىن جۇمىستاردىڭ، كورسەتىلەتىن قىزمەتتەردىڭ جانە جەتكىزىلەتىن تاۋارلاردىڭ بەكىتىلگەن كەستەدەن كەش قالۋى سەبەبىنەن يگەرىلمەگەن.

«جاقىندا بولعان بيۋدجەتتىڭ شىعىستارىن تۇزەتۋ كەزىندە ٴبىز جەرگىلىكتى ورگانداردىڭ تالاپتارىن تولىق ەسكەردىك. 8 ملرد تەڭگەگە نىسانالى ترانسفەرتتەردىڭ كولەمى قىسقارتىلدى. 1،8 ملرد تەڭگە وڭىرلەر اراسىندا قايتا ٴبولىندى. سوندىقتان بولىنگەن ترانسفەرتتەردىڭ جەرگىلىكتى ورگاندارمەن تولىق يگەرىلۋىنە بارلىق جاعداي جاسالدى دەپ ايتۋعا بولادى»، - دەدى سمايىلوۆ ٴوز سوزىندە.

ەستەرىڭىزگە سالا كەتەيىك، بۇگىن ۇكىمەت وتىرىسىندا ۇلتتىق ەكونوميكا ٴمينيسترى ٴجىو-نىڭ تۇراقتى ەكەنىن ايتقان بولاتىن.سونىمەن قاتار، ەكونوميكالىق ٴوسىم بويىنشا ارتتا قالعان وڭىرلەر سانى ارتقانىن جانە ورتاشا جالاقى 159 مىڭ تەڭگەنى قۇراعانىن ايتسا، ۇلتتىق بانك ٴتوراعاسى "7-20-25" باعدارلاماسى بويىنشا قانشا ٴوتىنىش ماقۇلدانعانىن جەتكىزگەن بولاتىن. ال سمايىلوۆ رەسپۋبليكالىق بيۋدجەتكە 5 ترلن تەڭگە كىرىس كىرگەنىن جانە مەملەكەت قارجىسىن يگەرمەي وتىرعان ارىپتەستەرىن اتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي