BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مىڭداعان زاۋىت اشتىق، ناتيجە قايدا؟ – ۇكىمەت باسشىسى

فوتو: ашық дереккөзден

استانا، baq.kz ٴتىلشىسى. ۇكىمەت باسشىسى باقىتجان ساعىنتايەۆ ەلىمىزدە مىڭداعان زاۋىت اشىلعانىمەن وڭىرلەردە ەڭبەك ونىمدىلىگىنىڭ ارتپاعانىن ايتىپ، وبلىس اكىمدەرىنىڭ جۇمىسىن سىنعا الدى.

ۇكىمەت وتىرىسىندا پرەمەر-مينيستر يندۋستريالاندىرۋ كۇنىندە ەلباسى ەڭبەك ونىمدىلىگىن ارتتىرۋ بويىنشا تاپسىرما بەرگەنىن اتاپ ٴوتتى. ونىڭ پىكىرىنشە، جارتى جىل سايىن ەڭبەك ونىمدىلىگى بويىنشا وڭىرلەردىڭ رەيتينگىسىن جاساپ وتىرۋ قاجەت.

«بۇگىن سىزدەر باياندامالارىڭىزدا ەڭبەك ونىمدىلىگىنىڭ وسپەۋ سەبەبىن ايتتىڭىزدار. سوندا ٴاربىر يندۋستريالاندىرۋ كۇنىندە سىزدەردىڭ قوسىپ وتىرعان زاۋىت فابريكالارىڭىزدىڭ قانداي بولعانى؟ جوعارى تەحنولوگيالارمەن بايلانىستى جاڭا جوبالار بەرىپ وتىرسىزدار. ولار ەڭبەك ونىمدىلىگىنە وسۋىنە نەگە اسەر ەتپەيدى؟»، - دەدى ۇكىمەت باسشىسى وبلىس اكىمدەرىنە.

سونىمەن قاتار ساعىنتايەۆ وبلىستاعى ٴبىر زاۋىتتىڭ جۇمىسى توقتاپ قالسا، ول وڭىردە ەڭبەك ونىمدىلىگىن تومەندەتىپ جىبەرەتىنىن اشىق ايتتى.

«ٴبىر عانا زاۋىتتىڭ جۇمىسى ناشارلاپ قالسا، ەڭبەك ونىمدىلىگىن ارتقا تارتىپ كەتەدى. باسقا جۇمىس جوق. ٴبىر عانا زاۋىتقا تاۋەلدىمىز. اۋىل شارۋاشىلىعى، تاماق ٴوندىرىسى جانە باسقا دا ٴىرى وناركاسىپتەر بولسىن. سوندا جۇمىس جوق پا؟ جۇيەلى جۇمىس قايدا؟ مىڭداعان زاۋىتتى اشتىق دەپ ايتىپ وتىرمىز. ال ەڭبەك ونىمدىلىگىنىڭ جوعارىلاۋىنا ولار نەگە اسەرىن بەرمەيدى. سوندا قانداي زاۋىتتار اشىپ جاتىرسىزدار؟»، - دەدى ول.

وسى ورايدا پرەمەر-مينيستر اسقار مامينگە تاپسىرما بەردى.

«ارىپتەستەرىمىز جىلدىڭ اياعىنا دەيىن ٴبارىن دۇرىستايمىز دەپ وتىر. جىل ٴبىتتى. ونى قالاي دۇرىستايسىزدار؟ بۇگىن ىستەلمەگەن جۇمىس، ەرتەڭ ىستەلمەيدى. وسى ماسەلەنى اركەز ەستە ۇستاۋ كەرەك. اسقار ۇزاقباي ۇلى (پرەمەر-مينيستردىڭ ٴبىرىنشى ورىنباسارى – اۆتور)، جارتى جىلدا بۇل سۇراققا قايتا ورالىپ، ارىپتەستەرىمىزدىڭ ايتىلعان ۋادەلەرىن حاتتاما ارقىلى بەكىتىپ، ونى سالىستىرمالى تۇردە قاراپ وتىرۋ قاجەت. ەلباسىنىڭ تاپسىرماسى تولىق ورىندالۋى قاجەت. اسقار ۇزاقباي ۇلى ٴسىزدىڭ باقىلاۋىڭىزدا بولسىن»، - دەپ تۇيىندەدى ٴسوزىن باقىتجان ساعىنتايەۆ.

ايتا كەتەيىك، وسىعان دەيىن ۇكىمەت باسشىسى وبلىس اكىمدەرىنىڭ جۇمىسىن سىنعا العان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي