BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قر ۇكىمەتىنىڭ باسشىسى پەتروپاۆل اۋەجايىنىڭ قايتا جوندەلۋ بارىسىمەن تانىستى

قر پرەمەر-مينيسترى كارىم ٴماسىموۆ سولتۇستىك قازاقستان وبلىسىنا جۇمىس ساپارى كەزىندە پەتروپاۆل اۋەجايىنىڭ ۇشۋ-قونۋ جولاعى مەن جولاۋشىلار تەرمينالىنىڭ رەكونسترۋكسيالانۋى بارىسىمەن تانىستى.

ك.ٴماسىموۆ وبلىس اكىمى ەرىك سۇلتانوۆپەن بىرگە قالا اۋەجايىنا باردى. وبلىس اكىمىنىڭ ورىنباسارى پەتروپاۆل حالىقارالىق اۋەجايىنىڭ ۇشۋ-قونۋ جولاعى مەن جولاۋشىلار تەرمينالىنىڭ قايتا جوندەلۋ بارىسى تۋرالى باياندادى.

پەتروپاۆل اۋەجايى 1974 جىلدان بەرى جۇمىس ىستەپ كەلەدى. قايتا جوندەۋدەن وتكەن سوڭ اۋەجاي بارلىق تيپتەگى جولاۋشىلار ۇشاقتارى مەن جۇك ۇشاقتارىن قابىلدايتىن بولادى، بۇل تۇراقتى جولاۋشىلار تاسىمالىنىڭ سانىن ارتتىرىپ، ترانيزيتتىك اۋە رەيستەرىنە قىزمەت كورسەتۋگە، جۇكتەردى اۋە كولىگىمەن تاسىمالداۋ ٴۇشىن تۇراقتى باعىتتار اشۋعا مۇمكىندىك بەرەدى.

ەسكە سالايىق، قازاقستاننىڭ ايماقتارىن جۇمىس ساپارىمەن ارالاۋ كەزىندە قر پرەمەر-مينيسترى كولىك ينفراقۇرىلىمىن، ونىڭ ىشىندە قالالاردىڭ اۋە ايلاقتارىندا قاۋىپسىزدىكتىڭ قامتاماسىز ەتىلۋىن مىندەتتى تۇردە تەكسەرىپ ٴجۇر. بۇدان بۇرىن قر ۇكىمەتىنىڭ باسشىسى اقتوبە، قاراعاندى جانە تالدىقورعان قالالارىنىڭ اۋەجايلارىندا بولعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي