BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ك.ٴماسىموۆ «شىڭعىسحان ٴمۇسىنى» مۇراجايىنا باردى

xi اسەم سامميتىنە قاتىسۋ اياسىندا قر پرەمەر-مينيسترى كارىم ٴماسىموۆ موڭعولياداعى «شىڭعىسحان ٴمۇسىنى» تۋريستىك كەشەنىن ارالادى. بۇل تۋرالى ول ٴوزىنىڭ تۆيتتەردەگى اككاۋنتىندا «شىڭعىسحان ٴمۇسىنى» دەپ جازدى.

ەستەرىڭىزگە سالساق، ەسكەرتكىش ۇلان-باتىر قالاسىنان شىعىسقا قاراي 53 شاقىرىم قاشىقتىقتا ورنالاسقان. الىپ ەسكەرتكىشتى جاساۋ ٴۇشىن 250 توننا بولات جۇمسالعان. ەسكەرتكىشتىڭ تۇعىرىنان تومەن تۇسىندا شىڭعىسحاننان كەيىن موڭعوليانى بيلەگەن 36 حاندى بىلدىرەتىن 36 كولوننا بار.

ەسكەرتكىشتىڭ جوعارعى بولىگىندە 30 مەترلىك بيىكتىكتە اينالانى بارىنشا شولۋعا مۇمكىندىك بەرەتىن ۇلكەن الاڭقاي بار.

ك.ٴماسىموۆ كەشەن ىشىندەگى مۇراجايدى ارالادى.

ونداعى نەگىزگى ەكسپوناتتاردىڭ ٴبىرى – سيمۆوليكالىق التىن قامشى بولىپ تابىلادى. اڭىزعا سۇيەنسەك، تەمۋدجين (بولاشاق شىڭعىسحان) ٴمۇسىنى ورنالاسقان ناق وسى جەردە تابىستىلىقتىڭ بەلگىسى بولىپ سانالاتىن قامشى تاۋىپ العان. بۇدان سوڭ وعان موڭعولداردى ٴبىر حالىق رەتىندە جۇمىلدىرۋ مۇمكىن بولعان دەپ سانالادى.

ايتا كەتەيىك، قازاقستان مەن موڭعوليا مادەني جانە تاريحي زەرتتەۋلەر سالاسىندا ەكىجاقتى قارىم-قاتىناستى بەلسەندى تۇردە دامىتۋدا.

ماسەلەن، «مادەني مۇرا» مەملەكەتتىك باعدارلاماسى اياسىندا تۇركى حالىقتارىنىڭ ەسكەرتكىشتەرىن زەرتتەۋ ماقساتىندا 2005 جىلى تۇركىتانۋشى عالىمدار توبى موڭعولياعا عىلىمي ەكسپەديسيا ۇيىمداستىرعان. زەرتتەۋ ناتيجەلەرى بويىنشا 9 ەجەلگى تۇركى ەسكەرتكىشى مەن ساق تايپالارىنا، تۇركىلەرگە تيەسىلى بولعان 115 جازبانى قامتىعان ٴتىزىم جاسالدى. وسى ەكسپەديسيا نەگىزىندە «ورحون ەسكەرتكىشتەرىنىڭ ۇلكەن اتلاسى» جارىققا شىقتى.

2008-2009 جىلدارى «قازرەستاۆراسيا» تۇركى رۋنا جازبالارى بار بىرنەشە ەسكەرتكىشتىڭ كوشىرمەلەرىن جاسادى. 2010 جىلى بۇل كوشىرمەلەر ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «كۇلتەگىن» اتريۋمىنا قويىلدى.

2011 جىلى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن موڭعوليا عىلىم اكادەمياسىنىڭ تاريح جانە ارحەولوگيا ينستيتۋتى مايقانۇل كەسەنەسىندە قازبا جۇمىستارىن جۇرگىزدى. ناتيجەسىندە 461 تاريحي-مادەني ەسكەرتكىش تابىلدى. ٴقازىر ەكسپوناتتار موڭعولياداعى قاراقورىم ولكەتانۋ مۇراجايىنا قويىلعان.

بىرلەسكەن سپورتتىق شارالار دا ٴجيى ۇيىمداستىرىلادى. بيىلعى جىلدىڭ العاشقى جارتىجىلدىعىنىڭ وزىندە-اق استانا، الماتى جانە ۇلان-باتىر قالالارىندا ەرلەر مەن ايەلدەر اراسىندا كۇرەس پەن بوكستان 8 جارىس وتكىزىلگەن.

ەسكە سالايىق، ك.ٴماسىموۆ موڭعولياعا xi اسەم سامميتىنە قاتىسۋ ٴۇشىن باردى، شارا 15 شىلدە كۇنى ۇلان-باتىر قالاسىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي