BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ك.ٴماسىموۆ موڭعولياداعى ەتنيكالىق قازاق بالالارىنىڭ ٴبىلىم الۋ بارىسىمەن تانىستى

قر پرەمەر-مينيسترى كارىم ٴماسىموۆ مەملەكەت باسشىسى نۇرسۇلتان نازاربايەۆتىڭ تاپسىرماسىمەن ولگەي قالاسىنا باردى، وندا جەرگىلىكتى وقۋ ورىندارىنىڭ جۇمىسىمەن تانىستى، دەپ حابارلايدى pm.kz.

ايتىپ وتكەندەي، ك. ٴماسىموۆ بايان-ولگەي وكرۋگىنىڭ اكىمشىلىك ورتالىعىنداعى №1 قازاق مەكتەبىنە باردى.

بايان-ولگەي وكرۋگىنىڭ اكىمشىلىك ورتالىعىنداعى №1 قازاق مەكتەبى 2014 جىلى اشىلعان. سول كەزدە قازاقستان ۇكىمەتى ٴبىلىم مەكەمەسىن مەكتەپكە قاجەتتى كەرەك-جاراقتارمەن جانە وقۋ قۇرالدارىمەن قامتاماسىز ەتكەن بولاتىن.

ٴبىلىم سالاسىنداعى ەكىجاقتى ىنتىماقتاستىق قازاقستان رەسپۋبليكاسىنىڭ ٴبىلىم جانە عىلىم مينيسترلىگىنىڭ جانە موڭعوليانىڭ ٴبىلىم، مادەنيەت جانە عىلىم مينيسترلىگىنىڭ اراسىنداعى كەلىسىم اياسىندا جۇزەگە اسىرىلاتىنىن ايتا كەتكەن ٴجون.

جىل سايىن قر بعم شەتەلدە مەكەندەپ جاتقان قانداستارىمىزدىڭ بالالارى ٴوز حالقىنىڭ تاريحىن، مادەنيەتىن جانە ٴتىلىن وقىپ-ۇيرەنۋى ٴۇشىن وقۋ-ادىستەمەلىك قۇرالداردى جىبەرىپ وتىرادى.

ماسەلەن، 2016 جىلى موڭعولياداعى قازاق مەكتەبى 7-8 سىنىپتاردىڭ وقۋشىلارى ٴۇشىن قازاقستاننان 4 مىڭعا جۋىق وقۋلىقتار مەن وقۋ-ادىستەمەلىك ماتەريالدار الدى.

سونىمەن قاتار جوعارى جانە جوعارى بىلىمنەن كەيىنگى ٴبىلىم سالاسىنداعى بايلانىستار دامۋدا. اتاپ ايتقاندا، ٴبىزدىڭ ەلىمىزدىڭ ازاماتى بولىپ تابىلمايتىن قازاق ستۋدەنتتەرىنە كۆوتا بويىنشا ٴبىلىم گرانتىن الۋ ٴۇشىن كونكۋرسقا جانە قازاقستان ازاماتتارىمەن تەڭدەي جالپى كونكۋرسقا قاتىسۋ مۇمكىندىگى بەرىلەدى.

تەك 2015 جىلدىڭ وزىندە كۆوتانى موڭعولياداعى 44 ەتنيكالىق قازاق پايدالانىپ، ٴبىزدىڭ ەلىمىزدە ٴبىلىم الۋ مۇمكىندىگىنە يە بولعان. 2001 جىلدان باستاپ بايان-ولگەيدە س.امانجولوۆ اتىنداعى شىعىس قازاقستان ۋنيۆەرسيتەتىنىڭ فيليالى اشىلعان. جىل سايىن قازاقستاننىڭ ٴبىلىم مينيسترلىگى شقمۋ ٴۇشىن موڭعوليا ازاماتتارىنا ارناپ 25 ماقساتتى گرانت بولەدى.

ەسكە سالايىق، ك.ٴماسىموۆ موڭعولياعا xi اسەم سامميتىنە قاتىسۋ ٴۇشىن باردى، شارا 15 شىلدە كۇنى ۇلان-باتىر قالاسىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي