BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ك.ٴماسىموۆ قوستاناي اۋەجايىنىڭ قاۋىپسىزدىگىن تەكسەردى

قر پرەمەر-مينيسترى كارىم ٴماسىموۆ جۇمىس ساپارى بارىسىندا قوستاناي اۋەجايىن تەكسەردى، سونىمەن قاتار قالانىڭ تەمىرجول بەكەتى مەن اۆتوۆوكزالىنداعى قاۋىپسىزدىك شارالارىنىڭ قامتاماسىز ەتىلۋى تۋرالى باياندامانى تىڭدادى. بۇل تۋرالى ول ٴوزىنىڭ تۆيتتەردەگى اككاۋنتىندا: «قوستاناي اۋەجايىنىڭ جۇمىسىمەن تانىستىم. قايتا جوندەۋدى قاجەت ەتەدى» دەپ جازدى.

ك.ٴماسىموۆ اۋەجايداعى كۇتۋ زالىن كوردى، وعان «قوستاناي» حالىقارالىق اۋەجايى» اق ديرەكتورى يۋريي كيم دارا ۇشۋ-قونۋ جولاعىنىڭ جانە اەروۆوكزالدىڭ قايتا جوندەلۋى تۋرالى باياندادى.

سونىمەن قاتار «قازاۆتوجول» ۇك» اق قوستاناي وبلىستىق فيليالىنىڭ ديرەكتورى اندرەي گورۆات پرەمەر-مينيسترگە قوستاناي وبلىسىنىڭ اۋماعىندا رەسپۋبليكالىق جولداردىڭ قايتا جوندەلۋى مەن قۇرىلىسى، توبىل وزەنى ارقىلى وتەتىن كوپىردىڭ رەكونسترۋكسياسى تۋرالى ايتىپ بەردى. ٴوز كەزەگىندە «قازاقستان تەمىر جولى» ۇك» اق – «قوستاناي جول ٴبولىمى» ديرەكتورى ەرمەك تەمىربايەۆ جانە وبلىس اكىمىنىڭ ورىنباسارى سەرگەي كارپليۋك قوستاناي تەمىر جول بەكەتىنىڭ جانە قالالىق اۆتوۆوكزالدىڭ لاڭكەستىككە قارسى قاۋىپسىزدىك شارالارىمەن قامتاماسىز ەتىلۋى تۋرالى اقپاراتتاندىردى.

بۇدان سوڭ ك.ٴماسىموۆ اەروۆوكزالدىڭ تەكسەرۋگە دەيىنگى زوناسىن ارالاپ، اەروۆوكزال كەشەنىندە جولاۋشىلاردى، ولاردىڭ قول جۇكتەرىن، جولجۇكتەرىن، پوشتانى جانە جۇكتەردى تەسكەرۋ كەزىندە قولدانىلاتىن جابدىقتاردى كوردى.

قوستاناي قالالىق اۋەجايى 1964 جىلى پايدالانۋعا بەرىلگەن. وندا اۋەجاي كەشەنى، اەروۆوكزال، اەرودروم، اۆياتەحنيكالىق بازا، جەرۇستى تەحنيكاسى جانە قاجەتتى باسقا دا جابدىقتار قامتىلعان.

ەسكە سالايىق، ايماقتاردى ارالاۋ كەزىندە ك.ٴماسىموۆ كولىك ينفراقۇرىلىمدارى نىساندارىندا، اتاپ ايتقاندا، اۋەجايلاردا قاۋىپسىزدىكتىڭ قامتاماسىز ەتىلۋى ماسەلەلەرىن ەرەكشە نازارىنا الادى. وسىعان دەيىن قر پرەمەر-مينيسترى اقتوبە، قاراعاندى، تالدىقورعان اۋەجايلارىن تەكسەرىپ، پەتروپاۆل اۋەجايىنىڭ قايتا جوندەلۋ بارىسىمەن تانىسقان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي