كەلەسى جىلى رەسپۋبليكالىق بيۋدجەتتىك ينۆەستيسيانىڭ جالپى سوماسى 898 ملرد تەڭگەنى قۇرايدى - ۇكىمەت|06 جەلتوقسان 2016، 11:08
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلەسى جىلى رەسپۋبليكالىق بيۋدجەتتىك ينۆەستيسيانىڭ جالپى سوماسى 898 ملرد تەڭگەنى قۇرايدى

فوتو: Шыңғыс Қаппаров

بۇگىن ۇكىمەت وتىرىسىندا قارجى ٴمينيسترى باقىت سۇلتانوۆ «2017-2019 جىلدارعان ارنالعان رەسپۋبليكالىق بيۋدجەت تۋرالى» زاڭدى تانىستىردى. اتالمىش زاڭ بويىنشا 2017 جىلى رەسپۋبليكالىق بيۋدجەتتىك ينۆەستيسيا مولشەرى 898 ملرد تەڭگەنى قۇرايدى، دەپ حابارلايدى baq.kz ٴتىلشىسى.

«2017-2019 جىلدارعا ارنالعان رەسپۋبليكالىق بيۋدجەت تۋرالى» زاڭدى ىسكە اسىرۋ تۋرالى ۇكىمەت قاۋلىسىنىڭ جوباسى نازارلارىڭىزعا ۇسىنىلىپ وتىر. جوبا بيۋدجەت كودەكسىنىڭ تالاپتارىنا ساي ازىرلەندى. سونداي-اق، ول كەلەسى ماسەلەلەردى جۇزەگە اسىرۋدى كوزدەيدى. بىرىنشىدەن، جەرگىلىكتى اتقارۋشى ورگاندارعا ماقساتتى ترانسفەرتتەردىڭ سومالارىن ٴبولۋ. ەكىنشىدەن، قاۋلى جوباسىمەن باسىم رەسپۋبليكالىق بيۋدجەتتىك ينۆەستيسيالاردىڭ تىزبەسىن بەكىتۋ ۇسىنىلادى. ولاردىڭ جالپى سوماسى 2017 جىلى 898 ملرد تەڭگەنى قۇرايدى. ولاردىڭ ىشىندە رەسپۋبليكالىق بيۋدجەتتىك ينۆەستيسيالىق جوبالار 169 ملرد تەڭگە، زاڭدى تۇلعالاردىڭ جارعىلىق كاپيتالدارىنا مەملەكەتتىك قاتىسۋ ارقىلى جوسپارلاناتىن بيۋدجەتتىك ينۆەستيسيالار 56 ملرد تەڭگە، جەرگىلىكتى بيۋدجەتتەرگە جىبەرىلەتىن ماقساتتى ترانسفەرتتەر 215 ملرد تەڭگە، ۇلتتىق قوردان بولىنەتىن ماقساتتى ترانسفەرتتەر ەسەبىنەن قارجىلاندىرىلاتىن ينۆەستيسيالار 342 ملرد تەڭگەنى قۇرايتىن بولادى»،- دەدى مينيستر.

سونداي-اق، باقىت سۇلتانوۆ ماڭىزدى باعىتتارعا ارنالعان رەسپۋبليكالىق بيۋدجەتتىك ينۆەستيسيالار تۋرالى ايتتى. مۇنداي جوبالارعا بولىنەتىن قارجى سوماسى 2017 جىلى 140،4 ملرد تەڭگەنى قۇراماق. بارلىق جوبالار قارجى مينيسترلىگىنىڭ باقىلاۋىندا.

سونىمەن قاتار، قارجى ٴمينيسترى 2017 جىلعا ارنالعان 124 پوزيسيادان تۇراتىن مەملەكەتتىك تاپسىرمالاردىڭ جالپى سوماسى 349 ملرد تەڭگەنى قۇرايتىنىن مالىمدەدى. باقىت سۇلاتانوۆتىڭ ايتۋىنشا، 131 پوزيسيانىڭ جالپى سوماسى 384 ملرد تەڭگەنى قۇراعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي