قازاقستاندىقتار شەتەلدەگى قاراجاتىن 52 ۆاليۋتادا ساقتايدى - ۇكىمەت|06 جەلتوقسان 2016، 12:54
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىقتار شەتەلدەگى قاراجاتىن 52 ۆاليۋتادا ساقتايدى

فوتو: Шыңғыс ҚАППАРОВ

مۇلىكتى جاريا ەتۋ ناۋقانى بارىسىندا قازاقستان ازاماتتارى شەتەلدەگى 517 ملن دوللاردى، 30 ملن ەۋرونى، 23 ملن فۋنت ستەرلينگتى جاريا ەتكەن. ولار قارجىسىن 52 ۆاليۋتادا ۇستاپ وتىر. بۇل تۋرالى ۇكىمەت وتىرىسىندا قارجى ٴمينيسترى باقىت سۇلتانوۆ مالىمدەدى، دەپ حابارلايدى baq.kz ٴتىلشىسى.

«جاڭا سالىق كودەكسىنە بايلانىستى شەتەلدەگى كاپيتالدى دەكلاراسيالاۋ نورماسى ٴوز كۇشىن جويعان جوق. قازىرگى تاڭدا 712 ازامات شەتەل بانكتەرىندەگى قارجىسىن 52 ۆاليۋتادا ساقتاۋدا. ەگەر ەڭ كوپ جاريا ەتىلگەن ۆاليۋتاعا توقتالساق، 240 ازامات شەتەلدەگى 517 ملن دوللاردى، 237 ازامات 30 ملن ەۋرونى، ال 123 ازامات 23 ملن فۋنت ستەرلينگتى زاڭداستىردى»، - دەدى مينيستر.

سونىمەن قاتار، باقىت سۇلتانوۆ جاريا ەتۋ ناۋقانىندا بانكتەردە 7 917 ارنايى ەسەپ شوت اشىلعاندىعىن اتاپ ٴوتتى.

«بانكتەردە 7 917 ارنايى شوت اشىلدى. 1،5 ترلن تەڭگەدەي، ياعني جاريا ەتىلگەن قاراجاتتىڭ جارتىسى بانك سەكتورىنداعى وزگە دە اعىمداعى نەمەسە دەپوزيتتىك شوتتاردا قالىپ وتىر. وسى اتالعان فاكتورلاردىڭ بارلىعى بانك وتىمدىلىگىن كوتەرۋگە ىقپال ەتۋدە. بانك شوتتارىنا اۋدارماستان، ياعني بيۋدجەتكە 10 % الىم تولەي وتىرىپ، اقشانى جاريا ەتۋ سوماسى دا ارتىپ كەلەدى. بۇگىندە 112 ادام 8 ملرد تەڭگەنى وسىنداي تاسىلمەن جاريا ەتتى»، - دەدى ول.

سونىمەن قاتار، مينيستر ەل تۇرعىندارى شەتەلدەگى قاراجاتى مەن مۇلكىن جاريا ەتپەسە، زاڭ الدىندا جاۋاپ بەرەتىندىگىن ەسكەرتتى.

«2017 جىلى جاڭا سالىق كودەكسىنىڭ شەتەلدى مۇلىكتى مىندەتتى تۇردە دەكلاراسيالاۋ نورماسى كۇشىنە ەنەدى. ٴبىز جىبەرىلگەن مالىمەتتەردى تەكسەرەمىز. بۇل تالاپتى ستراسبۋرگسك كونۆەنسياسى بويىنشا ورىندايمىز. مۇلىكتى جاريا ەتۋ ناۋقانى اياقتالعان سوڭ اقشاسى مەن مۇلكىن جاريا ەتكەن ازاماتتار اكىمشىلىك، قىلمىستىق جاۋاپكەرشىلىككە تارتىلمايدى»، - دەپ تۇيىندەدى ٴسوزىن باقىت سۇلتانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي