قازاقستاندىقتار 4 ترلن تەڭگەنى جاريا ەتكەن – باقىت سۇلتانوۆ - ۇكىمەت|06 جەلتوقسان 2016، 11:23
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىقتار 4 ترلن تەڭگەنى جاريا ەتكەن – باقىت سۇلتانوۆ

فوتو: Шыңғыс ҚАППАРОВ

بۇگىن ۇكىمەت وتىرىسىندا قارجى ٴمينيسترى باقىت سۇلتانوۆ جەكەشەلەندىرۋ اياسىندا قانداي جۇمىستار اتقارىلعاندىعىن ايتتى. قازىرگى تاڭدا قازاقستاردىقتار 4 ترلن تەڭگەنى جاريا ەتكەن، دەپ حابارلايدى baq.kz ٴتىلشىسى.

«مۇلىكتى جاريا ەتۋ اكسياسىنىڭ اياقتالۋىنا ٴبىر ايعا جۋىق ۋاقىت قالدى. بۇگىنگى كۇنگە دەيىن 4 ترلن تەڭگە جاريا ەتىلدى، ونىڭ 1،1 ترلن تەڭگەسى مۇلىك، 2،9 ترلن تەڭگەسى اقشا. بۇل رەتتە، جاريا ەتىلگەن قاراجاتتىڭ 14 پروسەنتى، ياعني 400 ملرد تەڭگە شەت ەلدەردەگى بانك شوتتارىنان ٴتۇستى»، - دەدى مينيستر.

سونداي-اق، ب.سۇلتانوۆ مۇلىكتى جاريا ەتۋ ناۋقانى جوسپار بويىنشا جۇرگىزىلىپ جاتقاندىعىن اتاپ ٴوتتى.

«بولجاعانىمىزداي سوڭعى ايلاردا اكسيانىڭ قارقىن العانى بايقالۋدا. ماسەلەن، مۇلىككە قاتىستى جاريا ەتۋدىڭ ورتاشا ايلىق قۇنى وسى جىلدىڭ 9 ايىندا 45 ملرد تەڭگەنى قۇراعان بولسا، قازان ايىندا 56 ملرد تەڭگە، ال قاراشا ايىندا بۇل سوما 114 ملرد تەڭگەگە جەتتى. ياعني، جىل باسىنان بەرى 2،5 ەسەگە ٴوستى. ال ەگەر 2014-2015 جىلدارداعى كورسەتكىشتەرمەن سالىستىراتىن بولساق، 4 ەسەدەن اسقانى بايقالادى»، - دەدى ول.

سونىمەن قاتار، مينيستر اكىمدىكتەر جانىنداعى كوميسسيالار ارقىلى جاريا ەتىلەتىن مۇلىك جونىندەگى قۇجاتتاردى قابىلداۋ مەرزىمى بيىل 30 قاراشادا اياقتالعاندىعىن ايتتى.

«ەلدەگى مۇلىكتى جاريا ەتۋ بويىنشا كوش باسىنداعى وڭىرلەر: الماتى قالاسى – 459 ملرد تەڭگە، الماتى وبلىسى – 338 ملرد تەڭگە جانە استانا قالاسى – 57 ملرد تەڭگە. شەتەلدەگى مۇلىككە قاتىستى ايتساق، ەگەر جىل باسىندا جاريا ەتىلگەن مۇلىك قۇنى (38 وبەكت) 1 ملرد تەڭگەنى قۇراعان بولسا، بۇگىندە بۇل سوما 16،6 ملرد تەڭگەگە دەيىن جەتتى. ال وبەكتىلەردىڭ سانى 300-گە جاقىندادى. ياعني، جىل باسىنان جاريا ەتىلگەن وبەكتىلەردىڭ سانى سەگىز ەسەگە، قۇنى ون التى ەسەگە ۇلعايدى. ال مۇلىك جاريا ەتىلگەن شەت ەلدەردىڭ سانى 9-دان 26-عا دەيىن ٴوستى»، - دەدى مينيستر.

ايتا كەتەيىك، قازاقستاندىقتار اۋستريا، بولگاريا، ۇلىبريتانيا، ۆەنگريا، ۆيرگين ارالدارى، گەرمانيا، گرۋزيا، يسپانيا، يتاليا، قىتاي، قىرعىزستان، لاتۆيا، ليتۆا، ٴباا، رەسەي، اقش، سينگاپۋر، تايلاند، تۇركيا، تۇرىكمەنستان، وزبەكستان، چەحيا، شۆەيساريا، ۋكراينا، فرانسيا، وڭتۇستىك كورەيا ەلدەرىندەگى مۇلىكتەرىن جاريا ەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي