قازاقستان تۇركياداعى ديپلوماتيالىق وكiلدiكتەرiندە قاۋiپسiزدiكتi كۇشەيتەدى - ۇكىمەت|20 جەلتوقسان 2016، 13:03
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان تۇركياداعى ديپلوماتيالىق وكiلدiكتەرiندە قاۋiپسiزدiكتi كۇشەيتەدى

قازاقستان تۇركياداعى ديپلوماتيالىق وكiلدiكتەرiندە قاۋiپسiزدiكتi كۇشەيتەدى. رەسەيدiڭ تۇركياداعى ەلشiسi اندرەي كارلوۆتى اتىپ ٴولتiرiپ كەتكەننەن كەيiن وسىنداي شارا قولعا الىنباق. بۇل جونiندە قر سىرتقى iستەر مينيسترiنiڭ ورىنباسارى ەرجان اشىقبايەۆ حابارلادى، دەپ جازادى baq.kz تiلشiسi.

ەرجان اشىقبايەۆ قازاقستان بۇل تەراكتiنi قاتاڭ ايىپتايتىنىن اتاپ ٴوتتi. ول وسى وقيعاعا بايلانىستى قازاقستاننىڭ تۇركياداعى ديپلوماتيالىق وكiلدiكتەرiندە قاۋiپسiزدiك نىعايتىلاتىنىن جەتكiزدi.

«شەتەلدەگi بiزدiڭ ديپلوماتيالىق وكiلدiكتەردiڭ قاۋiپسiزدiگiن قامتاماسىز ەتۋ تۇراقتى تۇردە جۇرگiزiلەدi. وكiنiشكە قاراي، قازiرگi ۋاقىتتا الەمدەگi جاعداي قاۋiپسiز ەمەس. سوندىقتان ديپلوماتتار مەن شەتەلدەگi ازاماتتارىمىزدىڭ قاۋiپسiزدiگi مينيسترلiكتiڭ ۇنەمi باقىلاۋىندا»، - دەپ حابارلادى جۋرناليستەرگە ۆيسە-مينيستر ۇكiمەت وتىرىسىنان كەيiن.

ەسكە سالا كەتەيiك، رەسەيدىڭ تۇركياداعى ەلشىسىنە شابۋىل انكاراداعى زاماناۋي ونەر ورتالىعىنداعى كورمەنىڭ اشىلۋ سالتاناتىندا جاسالدى. كۋاگەرلەردىڭ ايتۋىنشا، مەكەمەگە قارۋلى ادام كىرىپ كەلىپ، ديپلوماتتىڭ ارتىنان وق اتقان. قاستاندىق 62 جاستاعى ديپلوماتقا مىنبەردە ٴسوز سويلەپ تۇرعاندا جاسالعان. پوليسەيلەر وعان شابۋىل جاساعان ادامنىڭ كوزىن جويدى. بۇل شارانى تۇرىك تەلەارناسى تىكەلەي ەفيردە كورسەتىپ جاتقان.

قازاقستان پرەزيدەنتى نۇرسلتان نازاربايەۆ رەسەي فەدەراسياسىنىڭ پرەزيدەنتى ۆلاديمير پۋتينگە كوڭىل ايتۋ جەدەلحاتىن جولدادى. مەملەكەت باسشىسى جەدەلحاتتا رەسەيدiڭ تۇركياداعى ەلشىسى اندرەي كارلوۆتىڭ قايعىلى قازاسى تۋرالى حاباردى زور كۇيزەلىسپەن قابىلداعانىن جەتكiزدi.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي