BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان ەكونوميكاسى جىل باسىنان بەرى وڭ ٴوسىم كورسەتىپ كەلەدى – ك.ٴماسىموۆ

2016 جىلدىڭ 6 ايىنداعى قازاقستان ەكونوميكاسىنىڭ ٴوسىمى وڭ ناتيجەگە شىقتى. بۇل تۋرالى قر پرەمەر-مينيسترى كارىم ٴماسىموۆ ٴوزىنىڭ تۋيتتەردەگى اككاۋنتىندا مالىمدەدى، دەپ حابارلايدى pm.kz.

ەستەرىڭىزگە سالساق، 14 ماۋسىمدا قر ۇكىمەتى وتىرىسىندا الداعى ۋاقىتتا قازاقستان ەكونوميكاسى بەيتاراپ دەڭگەيگە نەمەسە ٴالسىز وڭ ناتيجەگە شىعاتىنى تۋرالى قر ۇلتتىق ەكونوميكا ٴمينيسترى قۋاندىق بيشىمبايەۆ مالىمدەگەن بولاتىن.

«قاڭتار-مامىردىڭ قورىتىندىسى كورسەتكەندەي، تومەندەۋ باياۋلادى. ەگەر ٴقاڭتار-ساۋىردىڭ قورىتىندىسى بويىنشا تومەندەۋ 0،4 % بولسا، قاڭتار-مامىردا – 0،2 % بولدى، ياعني ٴبىر ايدا ٴبىز 0،2 % ۇتتىق. جانە ماۋسىمعا قاراي ەكونوميكا بەيتاراپ دەڭگەيگە شىعادى دەپ كۇتىلۋدە، ياعني ٴبىز ٴالسىز بولسا دا، وڭتايلى ناتيجەگە شىعامىز، نەمەسە ٴجىو قۇلدىراۋى تىيىلادى»، – دەگەن بولاتىن ق. بيشىمبايەۆ.

سونىمەن قاتار، ول قر پرەزيدەنتى ۇسىنعان شارالار ەكونوميكاعا ۇلكەن ٴوسىمدى كورسەتۋگە سەپتىگىن تيگىزە الاتىنىن ايتىپ ٴوتتى.

«مەملەكەت باسشىسى بۇگىن بىزگە جۇزەگە اسىرۋعا تاپسىرعان شارالار توپتاماسى ەكونوميكانى قولداۋعا مۇمكىندىك بەرەدى، ٴبىزدىڭ بولجامىمىزعا سايكەس ەل ەكونوميكاسىنىڭ ٴوسىمى جىل سوڭىنا دەيىن 0،5 % بولادى دەپ كۇتىلۋدە، بۇل بەكىتىلگەن رەسمي بولجام. دەگەنمەن، مۇنان دا جوعارى ٴوسىم بولۋى دا ىقتيمال. ناقتىلانعان مالىمەتتەردى شىلدەدە نەمەسە تامىزدىڭ باسىندا عانا ۇسىنا الامىز»، – دەدى ق. بيشىمبايەۆ.

قازىرگى ۋاقىتتا قازاقستان ۇكىمەتى مەملەكەت باسشىسىنىڭ يندۋستريالاندىرۋ كۇنىندە بەرگەن تاپسىرمالارىن جۇزەگە اسىرۋ بويىنشا جۇمىستى باستادى. وسىلايشا، ۇكىمەت ەلىمىزدەگى شاعىن نەسيەلەندىرۋدى جاقسارتۋ مەن ٴشوب-تى دامىتۋ بويىنشا شارالاردى ۇسىندى. بۇدان وزگە، رەسپۋبليكانىڭ بارلىق وڭىرلەرى بويىنشا جۇمىسپەن قامتۋ جانە جالاقىنى ۋاقىتىلى تولەۋ ماسەلەلەرى ايرىقشا باقىلاۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي