BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقاۆتوجول» جىل سوڭىنا دەيىن ساتىلىمعا شىعارىلادى

استانا، baq.kz ٴتىلشىسى. «قازاقاۆتوجول» جشس 2018 جىلدىڭ 28 جەلتوقسانىنا قاراي ساتۋعا شىعارىلادى. بۇل تۋرالى قر قارجى ٴمينيسترى ٴاليحان سمايىلوۆ ۇكىمەت وتىرىسىندا مالىمدەدى.

ٴمينيستردىڭ ايتۋىنشا، جەكەشەلەندىرۋدىڭ كەشەندى جوسپارى بويىنشا بيىل 58 توپ وبەكتىنىڭ ٴ34-ى ساۋدا-ساتتىققا شىعارىلىپ، ولاردىڭ ٴ18-ى ساتىلعان. ساتۋ سوماسى – 136 ملرد تەڭگە.

«ٴبىر وبەكت وسى جىلدىڭ 28 جەلتوقسانىنا قاراي ساتۋعا شىعارىلاتىن بولادى. ول – «قازاقاۆتوجول». 3 توپ وبەكتى مەملەكەتتىك كوميسسيانىڭ شەشىمى نەگىزىندە تىزبەدەن الىنىپ تاستاۋعا جاتادى، 1 وبەكت – تاراتىلۋدا. 10 توپ وبەكتىسىن ساتۋ مەرزىمى مەملەكەتتىك كوميسسيانىڭ شەشىمىمەن 2019-2020 جىلدارعا بەلگىلەنگەن. تاعى 9 وبەكتىنى ساتۋ مەرزىمى ورىندى نەگىزدەمەلەرگە بايلانىستى 2019-2020 جىلدارعا اۋىستىرىلۋعا جاتادى»، - دەدى ٴاليحان سمايىلوۆ.

ەسكە سالا كەتسەك، قارجى ٴمينيسترى 2019 جىلى ساتۋعا شىعارىلاتىن وبەكتىلەر تۋرالى ايتقان بولاتىن.

«قازاقاۆتوجول» نەگىزگى مىندەتتەرى – جول سالاسىندا ٴبىرىڭعاي تەحنيكالىق جانە نورماتيۆتىك ساياساتتى جۇزەگە اسىرۋ، جالپى پايدالانىمداعى اۆتوموبيل جولدارىنىڭ جۇيەسىن جانە ونىڭ بويىنداعى قۇرىلىستاردى باسقارۋ، جولداردىڭ قۇرىلىسى مەن جوندەۋدىڭ بارلىق تۇرلەرىنە تاپسىرىس بەرۋشىنىڭ قىزمەتىن جۇزەگە اسىرۋ.

ەستەرىڭىزگە سالا كەتەيىك، بۇعان دەيىن مينيستر «سامۇرىق-قازىنانىڭ» ٴىرى كومپانيالارى ساتۋعا شىعارىلاتىنى تۋرالى ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي