BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسىپكەرلەردىڭ بورىشىن كەشىرۋدىڭ مەحانيزمىن ازىرلەپ جاتىرمىز – قارجى مينيسترلىگى

استانا، baq.kz ٴتىلشىسى. مەملەكەتتىك كىرىستەر كوميتەتىنىڭ ٴتوراعاسى مارات سۇلتانعازيەۆ ەلباسى جولداۋىنداعى تاپسىرمانى ورىنداۋ ماقساتىندا ٴتيىستى جۇمىستار جۇرگىزىلىپ جاتقانىن جەتكىزدى.

ونىڭ ايتۋىنشا، سالىقتىڭ امنيستيانىڭ يگىلىگىن 90 مىڭنان استام كاسىپكەرلىك سۋبەكتىسى كورەدى.

«بۇل – قازىرگى تاڭدا قارىزى بار زاڭدى تۇلعا جانە شاعىن جانە ورتا بيزنەس وكىلدەرى. ولاردىڭ قارىزى – 340 ملرد تەڭگەنى قۇرايدى. ەگەر ولار قارىزىن (نەگىزگى قارىز -210 ملرد تەڭگە) ۋاقىتىندا تولەسە، ٴبىز اكسيا اياسىندا 122 ملرد تەڭگە ۇستەمە اقى مەن 7،3 ملرد ايىپپۇلدى كەشىرەمىز»، - دەدى ول ۇكىمەتتىڭ ٴباسپاسوز ورتالىعىندا وتكەن بريفينگتە.

وسى ورايدا مارات سۇلتانعازيەۆ اكسيا اياسىندا كاسىپكەرلەردىڭ قارىزىن كەشىرۋ مەحانيزمى ازىرلەنىپ جاتقانىن جەتكىزدى.

«قازىرگى تاڭدا ٴبىزدىڭ كوميتەت ۇستەمە اقىلار مەن ايىپپۇلداردى كەزەڭ-كەزەڭ بويىنشا كەشىرۋ مەزانيزمىن جانە مەملەكەتتىك كىرىستەر ورگانىنىڭ ارەكەتىن انىق ٴتۇسىندىرۋ بويىنشا ەرەجەلەر ازىرلەنىپ جاتىر. ول (ەرەجە – اۆتور) ٴمينيستردىڭ (قارجى ٴمينيسترىنىڭ – اۆتور) بۇيرىعىمەن بەكىتىلەدى. اتالعان بۇيرىق ادىلەت مينيسترلىگىندە تىركەلىپ جاريالانعان سوڭ، زاڭدى كۇشىنە ەنەدى»، - دەدى كوميتەت ٴتوراعاسى.

ونىڭ ايتۋىنشا، اتالعان تىزىمگە ەنگەن بارلىق سالىق تولەۋشىنىڭ جەكە كابينەتتەرىنە نەگىزگى قارىزدى تولەگەن كەزدە، قانشا قارىزى كەشىرىلەتىنى تۋرالى ەلەكتروندى حابارلاما جىبەرىلەدى، ال كابينەتى جوقتارعا 1-قاڭتاردان باستاپ، پوچتا ارقىلى جىبەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي