BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قارجى ٴمينيسترى مەملەكەت قارجىسىن يگەرمەي وتىرعان ارىپتەستەرىن اتادى

استانا، baq.kz ٴتىلشىسى. 2018 جىلدىڭ 11 ايىنىڭ قورىتىندىسى بويىنشا رەسپۋبليكالىق بيۋدجەتتىڭ 107 ملرد تەڭگەسى يگەرىلمەگەن. بۇل تۋرالى قارجى ٴمينيسترى ٴاليحان سىمايلوۆ ۇكىمەت وتىرىسىندا مالىمدەدى.

«11 ايدا رەسپۋبليكالىق بيۋدجەتتىڭ شىعىستارى 8 ترلن 651 ملرد تەڭگەگە (98،6%) اتقارىلدى. 126 ملرد تەڭگە اتقارىلمادى. ونىڭ 19 ملرد تەڭگەسى ۇنەمدەۋ بولادى. ال، يگەرىلمەۋ سوماسى 107 ملرد تەڭگەنى قۇرادى. ەڭ كوپ يگەرىلمەۋ سومالارى كەلەشى اكىمشىلىكتەردە قالىپتاستى: قورعانىس مينيسترلىگى، ٴىىم، بعم، اۋىل شارۋاشىلىعى، مادەنيەت جانە سپورت مينيسترلىكتەرى»، - دەدى سىمايلوۆ.

ونىڭ ايتۋىنشا، يگەرىلمەۋدىڭ نەگىزگى سەبەپتەرى – جۇرگىزىلەتىن جۇمىستاردىڭ كورسەتىلەتىن قىزمەتتەردىڭ جانە تاۋارلاردىڭ اكەلۋىنەن بەلگىلەنگەن كەتەدەن قالىپ قويۋى، شارتتاردىڭ ۇزاق مەرزىمدى كەلىسىلۋى.

«جىل قورىتىندىلارى بويىنشا رەسپۋبليكالىق بيۋدجەتتىڭ شىعىستارىنىڭ يگەرىلۋى بىلتىرعى جىل دەڭگەيىنەن جوعارى بولۋى ٴتيىس. ول ٴۇشىن ٴبىز مەملەكەتتىك ورگاندارمەن بىرلەسىپ ٴتيىستى جۇمىستى اتقارۋىمىز كەرەك»، - دەدى قارجى ٴمينيسترى.

ەستەرىڭىزگە سالا كەتەيىك، بۇگىن ۇكىمەت وتىرىسىندا ۇلتتىق ەكونوميكا ٴمينيسترى ٴجىو-نىڭ تۇراقتى ەكەنىن ايتقان بولاتىن.سونىمەن قاتار، ەكونوميكالىق ٴوسىم بويىنشا ارتتا قالعان وڭىرلەر سانى ارتقانىن جانە ورتاشا جالاقى 159 مىڭ تەڭگەنى قۇراعانىن ايتسا، ۇلتتىق بانك ٴتوراعاسى "7/20/25" باعدارلاماسى بويىنشا قانشا ٴوتىنىش ماقۇلدانعانىن جەتكىزگەن بولاتىن. ال سمايىلوۆ رەسپۋبليكالىق بيۋدجەتكە 5 ترلن تەڭگە كىرىس كىرگەنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي