BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كارىم ٴماسىموۆ ەلىمىزدىڭ باتىس ٴوڭىرىن ارالايدى

سەلەكتورلىق رەجيمدە وتكەن ۇكىمەت وتىرىسى اياسىندا پرەمەر-مينيستر كارىم ٴماسىموۆ باتىس وبلىستاردىڭ اكىمدەرىنە ايماققا جۇمىس ساپارىمەن باراتىنىن ايتتى، دەپ حابارلايدى bnews.kz.

ۇكىمەتتىڭ رەسمي سايتىندا مالىمدەلگەندەي، ۇكىمەت باسشىسى مۇنى قر ەنەرگەتيكا ٴمينيسترى قانات بوزىمبايەۆتىڭ اتىراۋ وبلىسىنداعى تەڭىز كەن ورنىن كەڭەيتۋ جوباسى تۋرالى بايانداماسىنان كەيىن جەتكىزگەن.

«تشو-نى كەڭەيتۋ جوباسىن ىسكە اسىرۋ اياسىندا 24 مىڭ جۇمىس ورنى قۇرىلۋى ٴتيىس، سونىڭ 19 مىڭى اتىراۋ وبلىسىندا اشىلادى. جەرگىلىكتى ۇلەس 32 % شاماسىندا بولادى دەپ بولجانىپ وتىر. 12-13 ملرد دوللار مۇنايسەرۆيس كومپانيالارى جانە جەتكىزۋشىلەر ارقىلى ەكونوميكاعا قۇيىلۋى ٴتيىس. بۇگىندە تشو بازاسىندا 1 600 كومپانيا سەرتيفيكات العان، بارلىق كونكۋرستار سولاردىڭ اراسىندا وتەدى. ٴبىز تشو-عا باتىستىڭ كومپانيالارىن تەك كونسورسيۋىم نەمەسە بىرلەسكەن كاسىپورىن قۇرعان سوڭ عانا شاقىرۋدى ۇسىنىس ەتتىك»، – دەدى ق.بوزىمبايەۆ.

ٴمينيستردىڭ ٴسوزىن ۇكىمەت باسشىسى قولدادى.

«باتىس ايماققا قاشان باراتىنىمدى بەلگىلەۋ قاجەت... اتىراۋ وبلىسى، ماڭعىستاۋ وبلىسى جانە ت.ب.. وسى ايتىلعان جايتتەردى سول جەرگە بارىپ تالقىلاۋ كەرەك. شەشىم قابىلدايتىن بولامىز»، – دەدى ك.ٴماسىموۆ.

ٴوز كەزەگىندە اتىراۋ وبلىسىنىڭ اكىمى نۇرلان نوعايەۆ بۇگىنگى تاڭدا وبلىس اۋماعىندا ٴتيىستى جۇمىس تاجىريبەسى بار مۇنايسەرۆيس كومپانيالارى شوعىرلانعانىنا توقتالدى.

«تشو-نى كەڭەيتۋ تۋرالى جاڭالىق كومپانيالارعا سەرپىن بەردى. ولار اتالمىش جوباعا قاتىسۋعا ٴنييتتى. باسقا ايماقتارداعى كومپانيالاردان دا ۇسىنىستار كەلىپ تۇسۋدە»،– دەپ اتاپ ٴوتتى ن.نوعايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي