قاراعاندى وبلىسىنىڭ اكىمى ساعىنتايەۆتىڭ سىنىنا ۇشىرادى - ۇكىمەت|27 جەلتوقسان 2016، 12:06
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندى وبلىسىنىڭ اكىمى ساعىنتايەۆتىڭ سىنىنا ۇشىرادى

فوتو: Шыңғыс ҚАППАРОВ

جىلۋ ماۋسىمى باستالعالى تەمىرتاۋ قالاسىنداعى جەس-تە 17 اپاتتى جاعداي تىركەلگەن. بۇگىن ۇكىمەت وتىرىسىندا پرەمەر-مينيستر باقىتجان ساعىنتايەۆ قاراعاندى وبلىسىنىڭ اكىمى نۇرمۇxامەد ابدىبەكوۆتان تەمىرتاۋ تۇرعىندارىنا ٴجونى ٴتۇزۋ جىلۋ قاشان بەرىلەتىنىن، ناقتى كۇنىن ايتۋدى سۇرادى.، دەپ حابارلايدى baq.kz ٴتىلشىسى.

«جىلۋ ماۋسىم باستالعالى تەمىرتاۋ قالاسىنداعى «ارسەلور ميتال» جەس 2 قازاندىعىندا 17 اپاتتى جاعداي تىركەلگەن. بۇگىن تاڭعى 6:20-دا №2 قازاندىق ىستەن شىقتى. تاعى 2 قازاندىق جوندەۋ جۇمىستارىنا قويىلعان. قالعان كۇندەرى سۋ تاراتقىش قالىپتى جاعدايدان 15 گرادۋسقا دەيىن تومەندەدى. تەمىرتاۋداعى تۇرعىن ۇيلەردەگى جىلۋ 16 گرادۋس بولىپ تۇر. ال اۋا-رايى بىردەن قاتتى سۋىتقاندا 12 گرادۋسقا دەيىن ازايعان»، - دەيدى ب.ساعىنتايەۆ.

ۇكىمەت باسشىسى وسى جاعداي تۋرالى قاراعاندى وبلىسى اكىمى نۇرمۇxامەد ابدىبەكوۆتەن سۇرادى.

«سوڭعى ٴۇش كۇندە تەمىرتاۋدا ٴسىز ايتقان جايتتاردىڭ تىركەلگەنى راس.بۇگىن كەشكە دەيىن №2 جىلۋ قازاندىعى قايتادان ىسكە قوسىلىپ، نورماتيۆتىك پارامەترگە ساي بولادى. ال №5 قازاندىق ەرتەڭ ىسكە قوسىلادى»، - دەدى قاراعاندى وبلىسىنىڭ اكىمى.

اكىمنىڭ جاۋابى ۇكىمەت باسشىسىنىڭ كۇلكىسىن كەلتىردى. باقىتجان ساعىنتايەۆ وبلىس باسشىسىنان تەمىرتاۋدا قاشان تولىققاندى جىلۋ بولاتىنىن سۇراپ، ناقتى كۇنىن ايتۋىن تالاپ ەتتى.

نۇرمۇxامەد قاناپيا ۇلى ٴوز كەزەگىندە تولىققاندى جىلۋ 30 جەلتوقساندا قوسىلاتىنىن ايتىپ، پرەمەر-مينيسترگە ۋادە بەردى.

ۇكىمەت باسشىسى سونىمەن قاتار بارلىق اكىمدەر مەن ٴتيىستى ۆەدومستۆو باسشىلارىنا مەرەكە كۇندەرى جىلۋدىڭ دۇرىس بەرۋىن قاداعالاۋدى تاپسىردى.

«قۇرمەتتى اكىمدەر! ٴاربىر وڭىردەگى جىلۋ جۇيەسىنە تىكەلەي سىزدەر جاۋاپتىسىزدار. وسىنى ىلعي ايتىپ جۇرەمىن. دەگەنمەن، جىلۋ جەلىسىندە ٴارتۇرلى اپاتتار بولىپ تۇرادى. سوندىقتان ٴبارىن باقىلاۋدا ۇستاۋ قاجەت. حالىقتى جاڭا جىل مەرەكەسىندە جىلۋسىز قالدىرمايىق. ەلدىڭ ٴبارى جاڭا جىلدى جىلى ۇيىندە قارسى العىسى كەلەدى. جىلۋ ماۋسىمىنىڭ ويداعىداي ٴوتۋى ٴۇشىن دۇرىس جاعداي جاساۋدى تاپسىرامىن. اسىرەسە، مەرەكە كۇندەرى اباي بولايىق"، - دەدى ب.ساعىنتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي