BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

حالىققا جىلى ٴسوزىمىز ەمەس، ٴۇيىنىڭ جىلۋى قاجەت: ساعىنتايەۆ تۇرعىنداردى جىلۋمەن قامتۋدى تاپسىردى

استانا، baq.kz ٴتىلشىسى. قر پرەمەر-مينيسترى باقىتجان ساعىنتايەۆ جەرگىلىكتى اتقارۋشى ورگاندارعا قاتتى ايازعا بايلانىستى حالىقتى جىلۋمەن قامتاماسىز ەتۋدى تاپسىردى.

«بيىلعى جىلىتۋ ماۋسىمى ەلەۋلى تەحنولوگيالىق اقاۋسىز قالىپتى ٴوتىپ جاتىر. بۇل ماسەلە بارلىق ٴوڭىر اكىمدەرىنىڭ ٴجىتى باقىلاۋىندا بولۋى قاجەت. كەيبىر وڭىرلەردە، اسىرەسە مىنا ٴبىزدىڭ سولتۇستىكتە ٴقازىر قاتتى اياز بولىپ تۇر. جانە دە الداعى مەرەكەلىك كۇندەردى ەسكەرە وتىرىپ، جەرگىلىكتى اتقارۋشى ورگاندارعا جىلۋمەن، ەنەرگيامەن جابدىقتاۋ، ۇيىمداردى قاجەتتى كولەمدەگى وتىنمەن، قاجەتتى ماتەريالدارمەن قامتاماسىز ەتۋ بويىنشا قوسىمشا شارالاردى قابىلداۋدى جانە دە قوسىمشا تەحنيكالىق رەسۋرستار تارتۋدى، ٴتيىستى ۇيىمدارمەن بىرگە كەزەكشىلىك ۇيىمداستىرۋدى تاپسىرامىن. بۇل كۇندەردە حالىققا كەرەگى - ٴبىزدىڭ ايتقان جىلى سوزدەرىمىز ەمەس، ناقتى ٴىسىمىز، ٴۇيىنىڭ جىلۋلىعى. سول سەبەپتەن جاۋاپكەرشىلىكتى ەستەرىڭىزدە ۇستاڭىزدار»، - دەدى ساعىنتايەۆ ۇكىمەت وتىرىسىندا.

ۇكىمەت باسشىسى وسى ماسەلەنى باقىلاۋدى ۇستاۋدى پرەمەر-مينيستردىڭ ٴبىرىنشى ورىنباسارى اسقار مامينگە تاپسىردى.

اتاپ وتسەك، سوڭعى كۇندەرى قازاقستاننىڭ ٴبىرقاتار وڭىرىندە اۋا تەمپەراتۋراسى كۇرت تومەندەپ، قاتتى اياز بولىپ تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي