BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

ەۆنيەۆ تۇراقتاندىرۋ قورلارىن قالىپتاستىرۋ جۇمىسىن جانداندىرۋدى ۇسىندى 

ەلدەگى ازىق-تۇلىك تاۋارلارىنىڭ تۇراقتاندىرۋ قورلارىن قالىپتاستىرۋ شتابتارىنىڭ جۇمىسىن جانداندىرۋ قاجەت. بۇل جونىندە ۇكىمەت وتىرىسىندا قر اۋىل شارۋاشىلىعىنىڭ ٴبىرىنشى ۆيسە-مينيسترى ارمان ەۆنيەۆ مالىمدەدى، دەپ حابارلايدى baq.kz ٴتىلشىسى.

«وڭىرلەردە ازىق-تۇلىك تاۋارلارىنىڭ وڭىرلىك تۇراقتاندىرۋ قورلارىن قالىپتاستىرۋ جۇرگىزىلەدى. 2018 جىلدىڭ 20 قىركۇيەگىندەگى جاعداي بويىنشا تۇراقتاندىرۋ قورلارىنداعى تاۋارلىق ينتەرۆەنسيالار جۇرگىزۋگە ارنالعان قور 4،5 مىڭ توننانى، الماستىرۋعا بەرىلگەندەر جانە جاۋاپتى ساقتاۋعا بەرىلگەندەر – 3،8 مىڭ توننانى قۇرادى. قولدا بار 4،5 مىڭ توننانىڭ – 2،16 مىڭ تونناسى قانت، 0،71 مىڭ تونناسى – كۇنباعىس مايى، 0،67 مىڭ تونناسى – 1 سۇرىپتاعى بيداي ۇنى، 0،577 مىڭ تونناسى – قاراقۇمىق جارماسى جانە 0،354 مىڭ تونناسى – ماكارون ونىمدەرى. سونىمەن قاتار، الەۋمەتتىك-كاسىپكەرلىك كورپوراسيالاردىڭ ەسەپ-شوتتارىندا 5،1 ملرد تەڭگە قاراجات بار. قاراجاتتاردىڭ ەڭ كوپ مولشەرى استانا قالاسىندا – 1 553 ملن تەڭگە، تۇركىستان وبلىسىندا – 727 ملن تەڭگە، الماتى قالاسىندا – 363 ملن تەڭگە، قوستاناي وبلىسىندا – 373 ملن تەڭگە جانە جامبىل وبلىسىندا – 390 ملن تەڭگە مولشەرىندە»، - دەدى ەۆنيەۆ.

ول قانت توڭىرەگىندەگى قالىپتاسقان جاعدايعا بايلانىستى اۋىل شارۋاشىلىعى مينيسترلىگىمەن قولدا بار قاراجاتتاردى وڭىرلەرگە 10 مىڭ تونناعا دەيىن قانت ساتىپ الۋعا جۇمساۋ ۇسىنىلاتىنىن مالىمدەدى.

«الەۋمەتتىك ماڭىزى بار ازىق-تۇلىك تاۋارلارىنا باعالاردى تۇراقتاندىرۋدى قامتاماسىز ەتۋ ٴۇشىن اكىمدىكتەرگە كەلەسى شارالاردى قولدانۋ ۇسىنىلادى. بىرىنشىدەن، قازىرگى كەزدە ەگىن جيناۋ ناۋقانىنا بايلانىستى جانە كوكونىس ونىمدەرىنىڭ باعاسىنىڭ تومەندىگىن ەسكەرە، تۇراقتاندىرۋ قورلارىن كوكونىس ونىمدەرىمەن تولىقتىرىلۋ قامتاماسىز ەتىلسىن. ەكىنشىدەن، قولدا بار ساقتاۋ قۋاتتارىنىڭ تەحنيكالىق مۇمكىندىكتەرىنىڭ تالداۋىنا سايكەس، تۇراقتاندىرۋ قورلارىنا ساتىپ الىنعان ٴونىمنىڭ ٴتيىستى ساقتالۋىن قامتاماسىز ەتۋ قولعا الىنسىن. ۇشىنشىدەن، تۇراقتاندىرۋ قورلارىنا ۇسىنىلعان كولەمدەگى قانتتىڭ ساتىپ الىنۋى جانە ساقتاۋعا سالىنۋى جەدەلدەتىلسىن. تورتىنشىدەن، ازىق-تۇلىك تاۋارلارىنىڭ تۇراقتاندىرۋ قورلارىن قالىپتاستىرۋ شتابتارىنىڭ جۇمىسى جانداندىرىلسىن»، - دەدى ۆيسە-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي