BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەڭ ٴتيىمدى ۋاقىت – كەشكى التىدان كەيىنگى ۋاقىت: مۇحامەدي ۇلى جۇمىس كۇنى جايلى ايتتى

فوتو: Baribar.kz

استانا، baq.kz ٴتىلشىسى. بۇگىن ۇكىمەت ۇيىندە قر مادەنيەت جانە سپورت ٴمينيسترى ارىستانبەك مۇحامەدي ۇلى ساعات 18:00-دەن كەيىن جۇمىستا وتىراتىنىن ايتتى.

«ساعات التى دەيسىز. ٴقازىر ساعات التىدان كەيىن جۇمىستا وتىرامىن دەپ ايتسام، ٴتارتىپ بۇزعان بولىپ شىعامىن. شىنىمدى ايتايىن، ٴوز باسىم جۇمىس ىستەگەندى جاقسى كورەمىن. نەگىزىنەن ەڭ ٴتيىمدى ۋاقىت – كەشكى التىدان كەيىنگى ۋاقىت. ال وعان دەيىن كۇندىز كۇنى بويى قوڭىراۋعا جاۋاپ بەرىپ، جينالىستان جينالىستا جۇرەمىز. ال التىدان كەيىن حاتتاردىڭ ٴبارىن دە اسىقپاي وقۋعا مۇمكىنشىلىك بولادى»، - دەگەن مينيستر كەشكى ساعات التىدان كەيىن جۇمىستا وتىراتىنىن ايتتى.

ارىستانبەك مۇحامەدي ۇلىنىڭ ايتۋىنشا، مادەنيەت جانە سپورت مينيسترلىگىنىڭ قىزمەتكەرلەرى كەشكى التى جارىمنان كەيىن كومپيۋتەرلەرىن ٴوشىرىپ كەتىپ قالادى.

«ال مەن وتىرا بەرەمىن. نەگىزىنەن ايتار ەدىم: ەگەر جۇمىس ىستەپ جاتقان ازاماتتىڭ كوڭىلى قالاپ تۇرسا، ٴبىز ونى نەگە شەكتەۋىمىز كەرەك. مىسالى، شىنى كەرەك، مەن مينيسترلىككە جەتەكشى مامان بولىپ كەلگەم. تاۋلىك بويى جۇمىس ىستەيتىنمىن. ارينە، العا قاراي جىلجىپ، ٴوزىمدى كورسەتكىم كەلدى. جاڭادان ٴبىر يدەيالاردى تاپقىم كەلدى. بارلىعىن ۇيدە اتقارۋ مۇمكىنشىلىگى جوق قوي. مىسالى، ۇيگە بارساڭ، ونشا جۇمىس ىستەي المايسىڭ – قوناق كەلەدى دەگەندەي... ال جۇمىستا ەمىن-ەركىن جۇمىس ىستەيسىڭ»، - دەدى مۇحامەدي ۇلى.

ەسكە سالساق، بۇعان دەيىن قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى اليك شپەكبايەۆ ەلىمىزدە قىزمەتكەرلەرى نورمادان ارتىق جۇمىس ىستەگەن مەملەكەتتىك ورگان باسشىلارى جازالاناتىن مالىمدەگەن ەدى.

سونداي-اق، بۇعان دەيىن مينيستر سامالدىڭ جەڭىسىن پرەزيدەنتكە كەشىكتىرىپ حابارلاعانىن ايتقان بولاتىن. سونىمەن قاتار، ۇلتتىق وپەراعا ستۋدەنتتەردى، اعايىن-تۋىستاردى اپارىپ، وتىرعىزىپ قوياتىندارى جايلى ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي