BAQ.kz - Қазақстан жаңалықтары USD 378.17 BAQ.kz - Қазақстан жаңалықтары EUR 429.11 BAQ.kz - Қазақстан жаңалықтары RUB 5.88
استانا:

ەكونوميكالىق ٴوسىم بويىنشا ارتتا قالعان وڭىرلەر سانى ارتتى

استانا، baq.kz ٴتىلشىسى. ۇلتتىق ەكونوميكا ٴمينيسترى تيمۋر سۇلەيمەنوۆ ۇكىمەت وتىرىسىندا 2018 جىلدىڭ 11 ايىنداعى الەۋمەتتىك-ەكونوميكالىق دامۋ جانە رەسپۋبليكالىق بيۋدجەتتىڭ ورىندالۋ قورىتىندىسى بويىنشا ارتتا قالعان وڭىرلەردى اتادى.

«جالپى العاندا ەكونوميكاداعى وڭ وزگەرىستەر اياسىندا كەيبىر وڭىرلەردە جاعداي تۇراقسىز بولىپ قالۋدا. ونەركاسىپ سالاسىندا قىزىلوردا، باتىس قازاقستان، تۇركىستان وبلىستارى ارتتا قالىپ وتىر. بۇل وڭىرلەردە مۇناي، گاز كوندەنساتىن جانە ۋران كەنىن ٴوندىرۋ قىسقاردى»، - دەدى مينيستر.

سۇلەيمەنوۆتىڭ ايتۋىنشا، بۇل رەتتە ونەركاسىپتە ەڭ جوعارعى ٴوسىم اتىراۋ وبلىسىندا، استانا قالاسىندا، شىعىس قازاقستان جانە قوستاناي وبلىستارىندا بايقالىپ وتىر.

«اۋىل شارۋاشىلىعى بويىنشا بقو باسقا بارلىق وڭىرلەردە ٴوسىم بايقالادى. بۇل وڭىردەگى تومەن ٴوسىم استىق جيناۋدىڭ ازايۋىمەن بايلانىستى. قۇرىلىس بويىنشا 4 ٴوڭىر تەرىس ايماق قاتارىندا قالۋدا. جالپى العاندا نەگىزگى كاپيتالعا ينۆەستيسيالاردىڭ وسۋىنە قاراماستان، ارتتا قالعان وڭىرلەردىڭ سانى 1-دەن 4-كە دەيىن ٴوستى. بۇل پاۆلودار، الماتى وبلىستارى، استانا قالاسى جانە سقو. بۇل ايماقتاردا تومەندەۋ وتكەن جىلى جوعارى بازامەن بايلانىستى»، - دەدى ول.

ەسكە سالا كەتەيىك، مينيستر بۇعان دەيىن ٴجىو-نىڭ تۇراقتى ەكەنىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي