BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو ەلدەرىنىڭ سىرتقى ساۋداسى 419،6 ملرد دوللارعا جەتتى

استانا، baq.kz. قر پرەمەر-مينيسترىنىڭ ٴبىرىنشى ورىنباسارى اسقار مامين ەرەۆاندا وتكەن «ەۋرازيا اپتالىعى»: ەۋرازيالىق ەكونوميكالىق وداقتىڭ ناقتى سەكتورى: ينتەگراسيا جاعدايىندا الەۋەتتى ارتتىرۋ» اتتى حالىقارالىق فورۋمنىڭ پلەنارلىق وتىرىسىنا قاتىستى.

فورۋمعا قاتىسۋشىلار الدىندا ٴسوز سويلەگەن ارمەنيا پرەمەر-مينيسترى نيكولو پاشينيان «ەۋرازيا اپتالىعىنىڭ» ماڭىزدىلىعىن اتاپ ٴوتتى. سونىمەن قاتار، ول بۇل شارانىڭ ەاەو اياسىنداعى ىنتىماقتاستىقتى نىعايتۋعا ىقپال ەتەتىن ماڭىزدى پىكىرتالاس الاڭىنا اينالاتىنىنا سەنىم ٴبىلدىردى.

2000-عا جۋىق ادام قاتىسقان جيىندا ٴسوز سويلەگەن 150 بايانداماشىنىڭ ىشىندە رەسەي ۇكىمەتى ٴتوراعاسىنىڭ ٴبىرىنشى ورىنباسارى انتون سيلۋانوۆ، بەلارۋس رەسپۋبليكاسى پرەمەر-مينيسترىنىڭ ورىنباسارى يگور پەتريشەنكو، قىرعىز رەسپۋبليكاسىنىڭ ۆيسە-پرەمەرى جەنيش رازاقوۆ، ەۋرازيالىق ەكونوميكالىق كوميسسيا القاسىنىڭ ٴتوراعاسى تيگران ساركيسيان، ۇكىمەت مينيسترلەرى، مەملەكەتتىك كورپوراسيالار مەن ەاەو-عا مۇشە مەملەكەتتەردىڭ بيزنەس وكىلدەرى بار.

قر پرەمەر-مينيسترىنىڭ ٴبىرىنشى ورىنباسارى ا. مامين ٴوز سوزىندە ەاەو-عا مۇشە مەملەكەتتەر الدىندا جاھاندىق ەكونوميكانىڭ الداعى سيكلدىق باياۋلاۋىنىڭ سالدارىن ازايتۋ مىندەتى تۇرعانىن جەتكىزدى.

سونداي-اق، ا. مامين ەاەو ەلدەرىنىڭ وڭتايلى ساياساتىنىڭ ارقاسىندا تەرىس ۇردىستەرگە قارسى تۇرا الاتىن مەحانيزمىنىڭ بار ەكەنىن دە اتاپ ٴوتتى.

«ٴبىرىڭعاي ەكونوميكالىق كەڭىستىكتى دامىتۋ باعىتتارىن جۇزەگە اسىرۋ، ەاەو ەلدەرى نارىعىنا كەدەرگىسىز كىرۋدى قامتاماسىز ەتۋ شارالارى سىرتقى فاكتورلارعا قاراماستان، وسى ەلدەر اراسىنداعى ساۋدا-ساتتىقتى ارتتىرۋعا جاقسى جاعداي جاسادى. "doing business 2018" رەيتينگىسىندە ەاەو 190 ورىننىڭ ىشىندە ٴ35-شى بولىپ تۇر. 2017 جىلمەن سالىستىرعاندا 5 پوزيسياعا كوتەرىلگەن»، — دەدى ا. مامين.

2018 جىلدىڭ قاڭتار-شىلدە ايلارىندا ەاەو-نىڭ ٴوزارا ساۋدا-ساتتىق كولەمى $34،1 ملرد قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 13،8%-عا كوپ. 2018 جىلدىڭ قاڭتار-شىلدە ايلارىندا ەاەو مۇشەلەرىنىڭ سىرتقى ساۋداسى $419،6 ملرد جەتتى. بۇل – 2017 جىلدىڭ سايكەس كەزەڭىمەن سالىستىرعاندا 22،7%-عا ارتىق كورسەتكىش.

ەاەو ىشكى نارىعىنداعى بيزنەس-ورتانى جاقسارتۋ ٴۇشىن ٴتۇرلى سالالارداعى 15 كەدەرگى جويىلىپ، كاسىپكەرلەردى ٴبىراز قارجى شىعىنىنان ساقتاپ قالدى.

اسقار مامين ەاەو اياسىندا تۇراقتى ەكونوميكالىق ٴوسىم بولۋى ٴۇشىن وڭدەۋشى سەكتوردىڭ باسەكەگە قابىلەتتىلىگىن ارتتىراتىن كەلىسىلگەن ەكونوميكالىق ساياساتتىڭ قاجەتتىگىن باسا ايتتى. بۇل جۇمىستا ەڭ الدىمەن، ەاەو-نىڭ بارلىق مۇشەلەرىنىڭ باسەكەلەستىك ارتىقشىلىقتارىن ينتەگراسيالاۋعا جانە قوسىلاتىن قۇن تىزبەگىندە شىعىنداردى ازايتۋعا باعىتتالعان ورتاق وندىرىستىك پروسەستەردى قالىپتاستىرۋ كەرەك.

«عارىش، مەديسينا، تابيعي رەسۋرستاردى ٴوندىرۋ، ەكولوگيا جانە اۋىل شارۋاشىلىعى سالالارىندا 130 بىرلەسكەن جوبانى ازىرلەۋ جوسپارى جاسالدى»، — دەدى ا. مامين.

قر پرەمەر-مينيسترىنىڭ ٴبىرىنشى ورىنباسارى وندىرىستىك الەۋەتتى ودان ٴارى دامىتۋدىڭ باستى ماسەلەسى سيفرلاندىرۋ ەكەندىگىن ايتتى. ونىڭ سوزىنە قاراعاندا، اسىرەسە جەكەلەگەن سەكتورلاردا نەمەسە وڭىرلەردە بۇل پروسەسستىڭ ارتتا قالۋ ۇدەرىسىنە سەزىمتالدىعىنىڭ جوعارى بولۋىنا بايلانىستى ەاەو ەلدەرىنىڭ اراسىندا سيفرلاندىرۋدى ٴبىرقالىپتى ۇيلەستىرۋ قاجەتتىلىگى تۋىپ وتىر.

قر ٴبىرىنشى ۆيسە-پرەمەرى «ەۋرازيا اپتالىعى» فورۋمى ەاەو ەلدەرىنىڭ ەكونوميكاسىن، ينۆەستيسيالار مەن ەكسپورتتىق الەۋەتىن دامىتۋدىڭ، بيزنەس-پروسەستەردى ينتەگراسيالاۋدى ودان ٴارى تەرەڭدەتۋدىڭ ماڭىزدى قۇرالى بولادى دەپ سەنىم ٴبىلدىردى.

ەرەۆانعا ساپارى اياسىندا اسقار مامين «ەاەو اياسىندا قازىرگى زامانعى دامۋ پاراديگماسى» تانىستىرىلىمىنا بارىپ، ەاەو-عا قاتىسۋشى ەلدەردىڭ وڭدەۋ ونەركاسىبى ونىمدەرىنىڭ كورمەسىنىڭ جۇمىسىمەن تانىستى، سونداي-اق ەۋرازيالىق ەكونوميكالىق كوميسسيا كەڭەسىنىڭ وتىرىسىنا دا قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي