BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ديزەل وتىنىن ەكسپورتتاۋعا تىيىم سالىنادى

استانا، baq.kz ٴتىلشىسى. قازاقستاندا جەلتوقسان ايىنان باستاپ التى اي ىشىندە ديزەل وتىنىن ەكسپورتتاۋعا تىيىم سالىنباق. بۇل تۋرالى ەنەرگەتيكا ٴمينيسترى قانات بوزىمبايەۆ ۇكىمەت وتىرىسىندا مالىمدەدى.

«ەلىمىزدىڭ شەكارالىق اۋماقتارىندا جانار-جاعارمايدىڭ ترانزيتتىك تاسىمالداۋدا جوعارى تۇتىنۋ فاكتىلەرى بولىپ جاتىر. بۇل كورشىلەس ەلدەرمەن سالىستىرعاندا مۇناي ونىمدەرى باعالارىنىڭ ايىرماشىلىعىنا بايلانىستى بولىپ وتىر»، - دەدى قانات بوزىمبايەۆ.

ٴمينيستدىڭ مالىمەتىنشە، قازاقستاندا اي-92 ماركالى بەنزينى ٴبىر ٴليترى ٴۇشىن – 154،8 تگ، ال رەسەيدە – 230،5 تگ، وزبەكستاندا – 273 تگ، قىرعىزستاندا – 234 تگ تۇرادى. قازاقستاندا ديزەلدى وتىننىڭ ٴبىر ٴليترى ورتاشا ەسەپپەن – 193،2 تگ، رەسەيدە – 246،5 تگ، قىرعىزستاندا – 250،8 تگ، وزبەكستاندا – 208 تگ قۇرايدى.

«قازاقستاندا جانارماي باعاسىن كوتەرمەۋ ٴۇشىن، سونداي-اق ديزەل وتىنى تاپشىلىعى ٴقاۋپىن ازايتۋ ماقساتىندا مينيسترلىكپەن ەاەو نورمالارىنا قايشى كەلمەيتىن قولدانىستاعى زاڭناما نەگىزىندە قر شەكاراسىنان تىس جەرلەرگە مۇناي ونىمدەرىن شىعارۋعا ۋاقىتشا تىيىم سالۋ ٴۇشىن شارالار ازىرلەنۋدە»، - دەدى ەنەرگەتيكا ٴمينيسترى.

مينيستر ۇكىمەت كۋلۋارىندا ٴتيىستى قۇجات ازىرلەپ جاتقانىن جانە ۆەدومستۆو سايتىنا جاريالاناتىنىن جەتكىزدى. ديزەل وتىنىن ەكسپورتقا شىعارۋعا تىيىم سالاتىن قۇجات جەلتوقساندا ەنگىزىلۋى مۇمكىن.

ايتا كەتسەك، قازاقستاندا جىل باسىنان بەرى 82،4 ملن توننا مۇناي جانە كوندەنسات وندىرىلسە، مۇناي ەكسپورتىنىڭ كولەمى 66،6 ملن تونناعا جەتكەن. مۇناي وڭدەۋ كولەمى شامامەن 15 ملن توننا قۇراسا، 10،6 ملن توننا مۇناي وڭدەلگەن. نارىقتاعى ىشكى مۇناي ونىمدەرىنىڭ جاعدايى تۇراقتى. جانار-جاعارماي تاپشىلىعى جوق.

10 جەلتوقسانداعى جاعداي بويىنشا اي-92 ماركالى بەنزيننىڭ ورتاشا باعاسى ٴبىر ليتر ٴۇشىن – 154،8 تەڭگە، ال ماۋسىمارالىق ديزەل وتىنى ٴبىر ليتر ٴۇشىن – 193،2 تەڭگەنى قۇرادى. سونداي-اق، ەلدەگى مۇناي بازالارىندا جانار-جاعارمايدىڭ قالدىق قورىنىڭ كولەمى ىشكى نارىق قاجەتتىلىگىنە جەتكىلىكتى: اي-92 – 267،5 مىڭ توننا، ديزەل وتىنى – 143،2 مىڭ توننا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي