BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ب.ساعىنتايەۆ قورعاس وزەنىندەگى سۋ تاسقىنىنا بايلانىستى كەڭەس وتكىزدى

بۇگىن ۇكىمەت ۇيىندە قر پرەمەر-مينيسترىنىڭ ٴبىرىنشى ورىنباسارى باقىتجان ساعىنتايەۆ قورعاس وزەنىندەگى سۋ تاسقىنىنا قارسى ٴىس-شارالاردى جۇزەگە اسىرۋ ماسەلەلەرى بويىنشا كەڭەس وتكىزدى. بۇل تۋرالى pm.kz حابارلادى.

ماۋسىم جانە شىلدە ايلارىنداعى نوسەرلى جاۋىننىڭ سالدارىنان قورعاس وزەنىندەگى سۋ كولەمى ارتىپ، سالىنىپ بىتپەگەن بوگەتتىڭ ٴبىر بولىگىن، اينالما اۆتوكولىك جولىنىڭ قورشاۋىن، «قورعاس» حالىقارالىق شەكارا ماڭىنداعى ىنتىماقتاستىق ورتالىعىنىڭ ەبج ٴتورت تىرەۋىن سۋ شايىپ كەتتى. الداعى ۋاقىتتا سۋ تاسقىنىنان قورعاۋ ماقساتىندا وزەن ارناسىندا ٴتۇپتى تەرەڭدەتۋ جانە اعىستى باعىتتاۋ جۇمىستارى جۇرگىزىلدى، جاعالاۋلاردى نىعايتۋ ٴۇشىن ارنايى تەحنيكا جۇمىلدىرىلدى.

كەڭەس قورىتىندىسى بويىنشا ب. ساعىنتايەۆ ٴىىم توتەنشە جاعدايلار كوميتەتىنە قورعاس وزەنىندە سۋ وتكىزۋ بويىنشا سۋ تاسقىنىنا قارسى ٴىس-شارالار كەشەنىن ازىرلەپ، بەكىتۋدى، ال «قازسەلدەنقورعاۋ» مم-نە سۋ تاسقىنى جاعدايىن باقىلاۋدى جانە حابارلاۋدى كۇشەيتۋدى تاپسىردى.
بۇدان وزگە، ەلىمىزدىڭ مەملەكەتتىك ورگاندارى زاقىمدانعان نىسانداردى قالپىنا كەلتىرۋ بويىنشا شارالار قولدانۋى، 2016-2017 جىلدارى سۋ تاسقىنىن اپاتسىز وتكىزۋ بويىنشا ٴىس-شارالاردى ۇيىمداستىرۋى، قورعاس وزەنىندەگى «دوستىق» سۋ تورابىنان تومەن ارنا قالىپتاستىراتىن جانە قورعاۋ قۇرىلىستارىن سالۋ جوبالارىن جۇزەگە اسىرۋعا كىرىسۋى ٴتيىس.

پرەمەر-مينيستردىڭ ٴبىرىنشى ورىنباسارى سونداي-اق ٴىىم جانە سىم-نە 2016 جىلدىڭ سوڭىنا دەيىن قحر-مەن «سەلدەن قورعايتىن شۇكىربۇلاق بوگەتى» جوباسىن كەلىسۋدى جانە مەملەكەتتىك ساراپتاما قورىتىندىسىن الۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي