BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بوزىمبايەۆ جىلۋ بەرۋ ماۋسىمى تۋرالى: ازاماتتارىمىز ۇكىمەتتىڭ ەرەكشە جىلۋىن سەزىنەتىن شىعار

فوتو: ашық дереккөзден

استانا، baq.kz. ۇكىمەت وتىرىسىندا ەنەرگەتيكا مينيسترلىگى قانات بوزىمبايەۆ بيىلعى جىلۋ بەرۋ ماۋسىمى ويداعىداي جۇرگىزىلىپ جاتقانىن مالىمدەدى.

ونىڭ ايتۋىنشا، وسى جىلى جىلۋ قازاندىقتارىن جوندەۋ جوسپارداعىداي جۇرگىزىلگەن.

«كەزەڭ شتاتتىق رەجيمدە وتۋدە. تۇتىنۋشىلار ەلەكتر جانە جىلۋ ەنەرگياسىمەنەن تولىق قامتاماسىز ەتىلدى. كەشە 24-جەلتوقسان كۇنى ەڭ جوعارى ەلەكتر جۇكتەمەسى 14 740 مەگاۆاتت تىركەلدى. بۇل سوڭعى جىلدارى تىركەلگەن رەكورد. اتالعان كورسەتكىش دامۋدىڭ وڭ ديناميكاسىن كورسەتەدى. ٴبىر جىلعا جوسپارلانعان ەلەكتر ستانسيالارداعى جوندەۋ جۇمىستارى ٴىس جۇزىندە اياقتالدى»، - دەدى ول.

ونىڭ ايتۋىنشا، 8 ەنەرگيالىق بلوكتا 52 قازاندىقتا، 44 ترۋبينادا، 28 3000 ەلەكتر بەرۋ جەلىلەرىندە جانە ورتالىقتاندىرىلعان جىلۋمەن جابدىقتاۋ ايماعىنداعى 500 قازاندىقتا جوندەۋ جۇمىستارى جاسالعان.

سونىمەن قاتار مينيستر گاز بەن جىلۋعا قارىز كومپانيالارعا توقتالدى.

«ەڭ ۇلكەن بەرەشەك «مايقازاتومپروم» مەكەمەسىندە. قارجىنىڭ كولەمى – 3 ملرد 600 ملن تەڭگە. ول «قازترانسگاز» كومپانياسىنا قارىز. «جايىقتەپلوكوممۋنەنەرگو» مەكەمەسى 1 ملرد-قا جۋىق تەڭگە، «الماتىتەپلوكوممۋنەنەرگو» 900 ملن تەڭگە قارىز»، - دەدى بوزىمبايەۆ.

وسى ورايدا ول ۇكىمەت باسشىسى باقىتجان ساعىنتايەۆتان كومەك سۇرادى.

«باقىتجان ٴابدىر ۇلى، وتىنمەن قامتامىز ەتۋدە كەدەرگىلەردى بولدىرماۋ ٴۇشىن وڭىرلەردەگى اكىمدىكتەردەن «قازترانسگازايماق» جانە «بوگاتىركومىر» مەكەمەسى الدىنداعى بەرەشەكتى وتەۋدى تالاپ ەتۋىڭىزدى سۇرايمىز»، - دەدى مينيستر.

سونىمەن قاتار بوزىمبايەۆ پرەمەر-مينيسترگە ورتالىق جانە جەرگىلىكتى اتقارۋشى ورگاندارمەن بىرلەسىپ، بيىلعى جىلۋ بەرۋ ماۋسىمىن تۇراقتى ٴوتۋىن قامتاماسىز ەتۋگە ٴسوز بەردى.

«جىلۋ بولماي قار كەتپەس» دەمەكشى، تۇرعىندار بيىلعى جاڭا جىلدى جاقسى كوڭىل كۇيمەن قارسى الۋى ٴۇشىن جۇمىس ىستەپ جاتىرمىز. ازاماتتارىمىز ۇكىمەتتىڭ ەرەكشە جىلۋىن سەزىنەدى دەپ ويلايمىن»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي